Satedei Aftenun Sesen
Evri Samting I blong Gud blong Yumi
Samfala Pat
Be, long wol ia blong harem nogud, “yumi save finis se God i stap wok long olgeta samting we oli stap kamtru long laef blong yumi, blong mekem i gud long yumi ya we yumi lavem hem” [Rom 8:28]. …
!Wan bigfala promes! !Toktok blong mekem tingting i kwaet we i kam long God! …
… Stap laef wetem fet, ol tes blong laef mo ol sakrifaes we bae yumi neva jusum i save blesem yumi mo ol narafala man o woman long wei we yumi no tingting long hem.
Yumi mekem fet i kam antap mo trastem Lod se evri samting i save wok tugeta blong gud blong yumi taem yumi kasem lukluk ia we i no save finis; andastanem ol tes blong laef blong yumi bae i save stap “be, blong wan smol taem”; luksave se oli save konsekretem ol hadtaem blong yumi blong oli kam wan blesing blong yumi; luksave ol aksiden, ded we i kam enitaem, sik we i save kilim wan mo ol nara sik, oli pat blong laef ia; mo gat tras se Papa blong yumi long Heven we i gat lav i no givim ol tes blong laef blong panisim o jajem yumi. …
… Ol samting bambae oli wok tugeta blong gud taem yumi givhan olsem we Jisas Kraes bae i mekem.
Oli singaotem wan papa wetem pikinini boe blong hem we i kasem yia blong tija olsem kompanion blong hem blong givhan i eksplenem, “Wok blong givhan olsem fas ansa long saed blong spirit, i taem we yumi stap olsem ol neba we yumi karem ol kuki biskit i go long ol fren we yumi trastem.” Olgeta we oli mekem mo kipim kavenan oli kasem kamfot, oli joen mo oli kam fulwan long Jisas Kraes. …
Buk blong Momon i pruf we yumi save holem long han blong yumi se Jisas Hem i Kraes mo God i mekem ol profesi blong Hem i hapen. …
Taem ol tempol oli kam moa kolosap long yumi long plante ples, wan tempol sakrifaes we yumi save givim i blong lukaotem tabu fasin insaed long haos blong Lod plante taem. …
Blong taem naoia mo taem we i no save finis, stamba tingting blong kriesen mo fasin blong God Hemwan i blong karem evri samting i kam tugeta blong gud blong yumi.
Hemia i stamba tingting blong Lod we i no save finis. Hemia i lukluk blong Hem we i no save finis. Hemia i promes blong Hem we i no save finis. …
… Kam long God, Papa blong yumi mo Jisas Kraes. Gat tras se Tufala i laef, Tufala i lavem yu mo wantem evri samting blong gud blong yu.