Sandei Moning Sesen
Klin Wei blong Doktrin blong Kraes We i Gat Moa Paoa
Samfala Pat
Letem Hem i kam Insaed, i kam long Malory Fiso
Yumi krietem paoa mo spid long saed blong spirit “truaot laef blong yumi taem yumi stap ripitim blong laef folem doktrin blong Kraes.” Blong mekem olsem, Presiden Russell M. Nelson i bin tijim, i mekem wan “klin wei krietem paoa blong faea blong spirit” [Winim Wol ia mo Faenem Pis,” Liahona, Novemba 2022, 97]. I tru, ol pat blong doktrin blong Kraes—olsem fet long Lod Jisas Kraes, sakem sin, gat wan kavenan rilesensip wetem Lod tru long baptaes, kasem presen ia we i Tabu Spirit, mo stanap strong kasem en oli no ol lis blong ol samting we yumi eksperiensem olgeta long wan taem nomo mo tikim bokis mo fogetem olgeta.
Yumi nidim blong fidim fet blong yumi long Jisas Kraes evri dei. Yumi fidim fet ia taem yumi prea evri dei, stadi long skripja evri dei, luklukbak long ol gudgudfala fasin blong God evri dei, sakem sin evri dei, mo folem smol voes blong Tabu Spirit evri dei. …
… Semmak taem yumi traehad blong obei ol loa blong God mo sakem sin, i bildim paoa mo spid. …
Nekis pat blong doktrin blong Kraes i baptaes, we i tekem baptaes long wota mo, konfemesen we i baptaes blong Tabu Spirit. Baptaes i hapen wan taem nomo, be taem yumi tekem sakramen oltaem, yumi stap ripitim blong riniu kavenan blong baptaes blong yumi. …
Taem Tabu Spirit i stap putum moa paoa long laef blong yumi, yumi stap gohed blong developem ol fasin olsem hemia blong Kraes bakegen mo bakegen. … Mo long wei ia yumi kasem paoa ia blong heven we yumi nidim blong stap strong kasem en. …
Mi invaetem yu blong laef folem doktrin blong Kraes oltaem, bakegen mo bakegen, wetem tru tingting mo helpem ol narawan long rod blong olgeta.