Satedei Moning Sesen
Ol Paoa blong Prea we i Haed Insaed long Hat
Samfala Pat
Ol brata mo sista, mi testifae se God i harem evri prea we yumi mekem mo i stap ansa long wanwan long olgeta folem rod we Hem i bin mekem blong mekem yumi kam stret evriwan. … God i stap ansarem ol prea defren long wanem we yumi hop from, from ol risen we Hem nomo i save—be mi promesem yu se ol prea ia oli harem, mo oli ansa long olgeta folem taem blong yumi long wol mo lav blong Hem we i no save sot long yumi.
Sapos yumi “no askem eni samting we i rong,” [2 Nifae 4:35],bae i no gat limit long wetaem, weaples mo wanem we yumi sapos blong prea from. …
… Yu mas prea wanwan, insaed long ol famli blong yumi, mo insaed long ol kongregesen blong evri saes. Yumi mas yusum prea olsem wan sil agensem temtesen,mo sapos i gat eni taem we yumi filim blong no prea, yumi save stap sua se tu tingting ia i no kam long God, we i wantem tumas blong toktok wetem ol pikinini blong Hem eni taem mo evri taem. Taem yumi no save olsem wanem o wanem stret blong prea from, yumi sapos blong statem, mo gohed, kasem taem Tabu Spirit bae i lidim yumi i go long prea we yumi sapos blong stap givim. …
Long en, yumi save lukluk long eksampol blong Sevya we i bin prea evri taem nomo. …
Folem win blong Kraes ova long ded mo presen blong Hem we Hem i bin givim long mi i no longtaem i pas, blong laef sam moa wik o manis long wol ia, mi testifae strong abaot hamas laef we i no save finis i tru, mo yumi nidim blong stap series blong plan from laef ia.