Satedei Naet Sesen
Stap Fetful Kasem En
Samfala Pat
Ol dia yang fren, tedei mi laekem blong toktok stret i kam long yufala—ol yut blong Jos ia. …
Deved i bin yusum wan ston nomo blong kilim Golaeat, taem we hem i bin rere long faef ston. …
?Bae i olsem wanem sapos wanwan long ol ston blong Deved i ripresentem wan paoa we yumi nidim blong winim long laef blong yumi? ?Wanem nao bae oli ol faef ston ia? Mi tingting long ol paoa ia: …
Faswan, Ston blong lav blong mi long God. …
Lav blong yumi long God mo rilesensip blong yumi we i kolosap wetem Hem, i givim yumi paoa we yumi nidim blong jenisim hat blong yumi mo mekem i moa isi blong winim ol jalenj blong yumi.
Seken, Ston blong fet blong mi long Sevya blong yumi, Jisas Kraes. … Blong gat fet long Jisas Kraes i minim blong gat ful tras long waes, taem, lav mo paoa blong Hem we i pem praes blong ol sin blong yumi. …
Nambatri, Ston blong save abaot tru aedentiti blong mi. …
Evri samting i jenis taem mi save huia mi tru.
Nambafo, Ston blong fasin blong mi blong sakem sin evri dei. …
I nogat wan samting i mekem yu fri bitim blong gat filing blong fogivnes we i kam long God mo blong save se yumi klin mo kam stret wetem Hem bakegen. …
Nambafaef, Ston blong save kasem paoa blong God long mi. …
?Olsem wanem nao yumi save yusum paoa ia blong Jisas Kraes? Blong stap obei ol kavenan blong yumi mo kam antap moa long fet blong yumi long Jisas Kraes, oli ol ki.
Mi wantem tumas blong Deved i gat wan moa ston; we bae hem i ston blong testemoni blong mi. …
Ol dia fren, Kraes i wantem tumas blong gat kampani blong yumi long rod ia blong laef blong yumi. …
… I gat glad taem yu stap olsem wan disaepol blong Jisas Kraes.