Sandei Moning Sesen
Prea, Hem I Stap
Samfala Pat
?Wanem nao ol presen we yu save prea from? I gat plante, be tedei mi wantem serem tri nomo: …
Faswan, Prea blong Save
?Wanem nao yu nidim blong save? …
Taem yu save se Papa long Heven i stap mo se Hem i lavem yu, !yu save stap laef wetem strong paoa long tingting mo gat hop! …
Samtaem bae yu wantem blong save from wanem wan had samting i stap hapen long laef blong yu o from wanem yu no kasem wan blesing we yu stap prea from. Oltaem, gudfala kwestin blong askem Papa long Heven i no, from wanem? be wanem?. …
… Papa long Heven bae i lidim yu taem yu askem Hem wanem yu save mekem mo wanem yu save lanem.
Nambatu, Prea blong Gro
Papa long Heven i wantem helpem yu blong !gro! …
?Yu wantem blong gro tru fasin blong save wet longtaem o tru fasin blong stap ones? ?Yu wantem blong gro i kam antap long wan skil? Maet yu stap sem mo wantem blong gro blong gat strong paoa long tingting. “Prea, !Hem i stap!” Tru long Spirit blong Hem, hat blong yu i save jenis, mo yu save kasem paoa. …
Nambatri, Prea blong Soem
Yu save prea from help blong soem lav blong Papa long Heven long ol narawan. Tru long Spirit blong Hem, Papa long Heven bae i helpem yu blong luksave wan we i filim nogud mekem se yu save givim kamfot long olgeta. Hem i save helpem yu blong soem lav blong Hem taem yu stap fogivim narawan. Hem i save givim long yu strong paoa long tingting blong givim seves long wan mo talemaot long olgeta se oli wan pikinini blong God. …
Serem wetem Papa long Heven wanem i stap insaed long hat blong yu.