Satedei Moning Sesen
From Ol Kavenan blong Tempol Evri Samting Bae I Oraet
Samfala Pat
Ol brata mo sista, mi testifae wetem tingting i stap daon taem yumi stap go long tempol, i save rimaenem yumi long huia stret yumi long saed blong spirit blong taem we I no save finis, rilesensip blong yumi wetem Papa mo tabu Pikinini Boe blong Hem, mo strong tingting ia blong wantem tumas blong gobak long hom blong yumi long heven. …
Anda long daereksen blong lidasip blong Presiden Nelson, Lod i muvum kwik, mo bae i gohed blong muvum kwik, wok blong bildim ol tempol raon long wol. Hemia bae i letem ol pikinini blong God blong gat janis blong kasem ol odinens blong sevem man mo kam olsem wan god mo blong mekem mo kipim ol tabu kavenan. …
Blong tekpat oltaem long ol odinens blong tempol, i save krietem wan paten blong putum ful hat blong yu long Lod. Taem we yu kipim ol tempol kavenan blong yu mo tingbaot olgeta, yu stap invaetem kampani blong Tabu Spirit, blong mekem yu kam moa strong mo klinim yu semtaem. …
Hem i tru long ol siling insaed long tempol nao we bambae yumi save kasem tras ia se ol famli rilesensip bae oli gogohed afta long ded mo bae oli stap blong taem we i no save finis. Fasin blong stap givim ona long mared mo ol famli kavenan we i hapen insaed long ol tempol blong God, bae i givim wan proteksen long ol rabis fasin mo hae tingting. …
Ol hadtaem, ol jalenj, mo ol harem nogud bae oli kam long yumi evriwan. I nogat wan long yumi bae i ronwe long ol “Trabol ya olsem nil blong aranis.” [luk long 2 Korin 12:7–10]. Be, taem yumi stap go long tempol mo tingbaot olgeta kavenan blong yumi, yumi rere blong kasem daereksen blong yumiwan we i kam long Lod. …
Ol dia brata mo ol sista blong mi, mi talem witnes blong mi se i nogat wan samting i moa impoten bitim hemia blong givim ona long ol kavenan we yu stap mekem o bae yu mekem insaed long tempol.