Satedei Aftenun Sesen
Stap Wan Wetem Kraes
Samfala Pat
Kam long Kraes, i kam long Casey Childs
Fasin blong stap wan wetem Kraes mo Papa blong yumi long Heven i save hapen tru long Atonmen blong Sevya. …
Ol wok we yumi nid blong mekem blong save kasem baptaes oli had, be oli simpol tu. Ol fas wok i tekem tu fasin blong gat tingting i stap daon long fored blong God, wan hat we i sore mo wan spirit we i wantem sakem sin, sakem evri sin, tekem long yumi nem blong Jisas Kraes, stanap strong kasem en, mo soemaot tru long ol wok blong yumi se yumi kasem Spirit blong Kraes.
Hem i impoten se evri kwalifikesen blong baptaes oli long saed blong spirit. … Pua mo rij oli gat semmak wok blong mekem long saed blong spirit.
I no gat eni nid long saed blong skin kala, se yu man o woman, o wanem kalja blong yu. …
From we yumi evriwan i “semmak” long fes blong God, i nogat nid ia blong tokbaot tumas ol samting we yumi defdefren long hem. …
Blong kasem ol blesing blong Atonmen blong Sevya, yumi mas agri blong yusum ejensi fasin blong stap klin blong yumi, blong jusum Kraes mo obei ol komanmen blong Hem. …
Kolosap evriwan i save mekem ol impoten desisen nomata long ol talen, paoa blong mekem samting, ol janis, o gat mane blong olgeta. …
Taem yumi fesem ol bigfala hadtaem blong laef, plante long ol samting i save hapen we yumi gat smol kontrol o nogat kontrol long olgeta. … Yumi gat joes long ol joes we oli moa impoten. …
Long saed blong prinsipol, fasin blong laef, laef folem relijin, laef long stret mo gud fasin, yumi nao yumi kontrolem. Fet blong yumi mo wosip blong yumi long God Papa mo Pikinini blong Hem Jisas Kraes, i wan joes we yumi mekem. …
Yumi mas traehad blong karem ol narawan oli kam wan wetem yumi. …
Yumi kam wan tru long lav mo fet blong yumi long Jisas Kraes mo olsem ol pikinini blong wan Papa long Heven we i gat lav. Stamba tingting blong stap pat i blong stap wan wetem Kraes.