Sandei Aftenun Sesen
Testemoni abaot Jisas
Samfala Pat
?Wanem ia testemoni abaot Jisas?
Hem i wan witnes blong Tabu Spirit se, Hem i tabu Pikinini blong God, Mesaea mo Ridima. …
Antap long testemoni ia hem i kwestin ia: ?wanem nao yumi mekem abaot hemia?
Olgeta we oli stap long selestial kingdom oli “kasem” testemoni abaot Jisas we i fulwan tru taem oli kasem baptaes, kasem Tabu Spirit, mo stap win tru long fet. …
?Wanem i minim blong stap strong long testemoni abaot Jisas?
… Blong stap strong long testemoni abaot Jisas, i tru, i tekem tu, fasin blong lukaot gud mo mekem testemoni ia i kam strong moa. Ol tru disaepol, bae oli no ting nating long evri smol samting we i stap sapotem mo mekem testemoni blong olgeta abaot Jisas i kam moa strong, olsem prea, stadi long ol skripja, kipim Sabat i tabu, stap kakae long sakramen, mekem wok blong givhan, givim seves, mo wosip long haos blong Lod. …
Blong stap strong i minim tu se, stap open mo stap wan witnes long pablik. …
Wan pat blong stap strong long testemoni abaot Jisas i blong stap lisin gud long ol mesenja blong Hem. …
Blong stap strong long testemoni abaot Jisas, i minim blong leftemap tingting blong ol narawan, tru long toktok mo eksampol, semmak blong stap strong speseli wetem ol famli blong yumiwan. …
Wan las pat blong stap strong long testemoni abaot Jisas we bae mi tokbaot hem i blong lukaotem tabu fasin blong yumiwan. …
Invitesen blong mi i blong tekem aksen naoia mo holemtaet ples blong yu olsem wan we i gat strong testemoni abaot Jisas.