Sandei Aftenun Sesen
Joenem Tufala Bigfala Komanmen
Samfala Pat
Bae yumi lukluk long tufala bigfala komanmen, we Jisas Kraes i talemaot long ansa blong Hem. Taem yumi mekem olsem, letem pikja blong naesfala saspensen brij ia, i draon gud long maen blong yumi.
Faswan, i blong lavem Lod wetem ful hat, sol mo maen blong yu.
… Blong lavem Lod, i fas samting long hat blong yu—wetem ol stret fasin blong yu. Lod i askem se yu lavem wetem evri sol blong yu—wetem ful komitmen mo laswan, blong lavem wetem evri tingting blong yu—wetem save mo waes tingting. …
… Mi save lavem Papa long Heven mo Jisas Kraes, we i save lid i go long prea, skripja stadi, mo tempol wosip. Yumi lavem Papa mo Pikinini tru pem taeting, kipim Sabat dei i tabu, laef long wan klin laef, mo stap obei. …
!Blong lavem Lod i lid i go long hapines ia we i no save finis!
… Lav blong Lod bae i no fulwan sapos yumi jusum blong no lavem ol neba blong yumi. Lavem neba, i minim tu evri pikinini blong God nomata i wan man o woman, rij o pua, blak o waet, seks, salari, hamas yia, o bilif blong wan. …
… Blong eni saspensen brij i mekem wanem we oli bildim hem blong mekem, ol pos blong hem i mas wok tugeta long ful oda blong pis. Semmak, blong yumi save folem Jisas Kraes i dipen long paoa blong yumi blong laef folem fas mo seken komanmen wetem balens mo ikwol komitmen long tufala tugeta. …
… Bae ol hat mo maen blong yumi i lukluk i go antap, blong lavem Lod, mo i go aot, blong lavem ol neba blong yumi.