Satedei Aftenun Sesen
Wetem Sapot blong Jeneresen We I Stap Kam Antap
Samfala Pat
Bae ful wod i kasem blesing mo bae oli kam strong taem ol memba oli lukluk nomo long ol jeneresen we i stap kam antap. …
Ol yut bae oli lanem wei blong revelesen taem oli tekpat wetem yumi long rod ia blong lukaotem mo mekem folem ol smol voes ia blong givim seves long ol narawan. Taem ol yut oli tanem olgeta i go long Lod from gaed ia we i givim insperesen, ol rilesensip mo tras blong olgeta long Hem bae i kam moa strong.
Yumi soemaot tras blong yumi long ol yut taem yumi stap givim sapot mo daereksen, be i no blong stap kontrolem olgeta. Taem yumi lego mo letem ol yut blong lan tru long ol kaonsel tugeta, stap jusum wan wei we i gat insperesen, mo stap putum plan blong olgeta long aksen, bae oli kasem tru glad mo gro. …
Ol yut oli mekem yumi sapraes wetem strong tingting, fet blong olgeta, mo hamas samting oli save mekem. Taem oli jus blong stap tekpat fulwan olsem ol disaepol blong Jisas Kraes, gospel blong Hem bae i stap strong long ol hat blong olgeta. Blong stap folem Hem bae i kam wan pat blong huia i olgeta, be i no wanem nomo we oli stap mekem. …
Ol yut tedei oli ol haeman mo haewoman spirit blong Papa long Heven. Oli bin stap long medel blong ol tru man blong protektem trutok mo fridom blong mekem joes long laef, bifo laef long wol ia. Oli bin bon long ol taem ia blong karem i kam tugeta Isrel tru long ol witnes blong olgeta we i gat paoa abaot Lod Jisas Kraes. Hem i save wanwan long olgeta mo i save wanem ol bigfala samting we oli save mekem. Hem i gat fasin blong save wet longtaem, taem oli stap gro. Hem bae i pemaot mo protektem olgeta. Hem bae i hilim mo gaedem olgeta.