Fakataha ʻo e Pongipongi Sāpaté
ʻOku Mahuʻinga ʻa e Ngaahi Leá
Ngaahi Konga Fakamatalá
ʻOku mahuʻinga ʻa e ngaahi leá! …
Meʻapangó, ʻoku faʻa taʻe-fakakaukauʻi, fakavave, mo fakamamahi ʻa e ngaahi leá. …
ʻI he tafaʻaki ʻe tahá, ʻoku lava ʻa e ngaahi leá ke fakafiefiaʻi ha ikuna, fakatupu ʻamanaki lelei mo fakalotolahi. Te ne lava ʻo ʻai ke tau toe fakakaukau, kamata foʻou mo fakatonutonu hotau ʻalungá. ʻOku lava ʻa e ngaahi leá ʻo fakaava ʻetau fakakaukaú ki he moʻoní.
Ko e ʻuhinga ia ʻoku muʻomuʻa mo mātuʻaki mahuʻinga taha ai e ngaahi folofola ʻa e ʻEikí. …
ʻI heʻetau tui mo muimui ki he folofola ʻa e ʻOtuá te tau ofi ange ai kiate Ia. …
Uá, ʻoku mahuʻinga ʻa e ngaahi lea ʻa e kau palōfitá.
ʻOku fakamoʻoni ʻa e kau palōfitá ki he faka-ʻOtua ʻo Sīsū Kalaisí. ʻOku nau akoʻi ʻEne ongoongoleleí mo fakahaaʻi ʻEne ʻofá ki he taha kotoa. …
… ʻOku mahuʻinga ʻa e ngaahi lea ʻa e palōfitá ki he ʻEikí pea kiate kitautolu.
Tolú, ʻoku fuʻu mātuʻaki mahuʻingá, ʻa ʻetau ngaahi leá. …
… Ko ia, tokanga ki he meʻa ʻokú ke lea ʻakí mo e anga hoʻo lea ʻaki iá. ʻI hotau ngaahi fāmilí, tautefito ki he ngaahi husepānití, uaifí, mo e fānaú, ʻe lava ʻetau ngaahi leá ʻo fakatahatahaʻi pe fakamavahevaheʻi kitautolu.
Tuku muʻa ke u fokotuʻu atu ha ngaahi kupuʻi lea faingofua ʻe tolu te tau lava ʻo fakaʻaongaʻi ke toʻo ʻa e huhu kona ʻo e ngaahi faingataʻá mo e faikehekehé, langaki hake mo fefakafiemālieʻaki.
“Mālō ʻaupito.”
“Fakamolemole.”
Mo e “ʻOku ou ʻofa atu.” …
ʻOku ou palōmesi atu kapau te tau “keinanga ʻi he ngaahi folofola ʻa Kalaisí” [2 Nīfai 32:3] ʻoku fakatau ki he fakamoʻuí, ngaahi lea hotau palōfitá ʻokú ne tataki mo poupouʻi kitautolú, mo ʻetau ngaahi lea ʻokú ne fakahaaʻi kitautolu mo e meʻa ʻoku tau mahuʻingaʻia aí, ʻe tau malingi hifo kiate kitautolu ʻa e ngaahi mālohi ʻo e langí.