Fakataha ʻo e Efiafi Tokonakí
Tui Faivelenga ʻo Aʻu ki he Ngataʻangá
Ngaahi Konga Fakamatalá
Kuo Fakamolemoleʻi, tā fakatātaaʻi ʻe Greg Olsen
Siʻi ngaahi kaungāmeʻa kei talavou, ʻi he ʻaho ní ʻoku ou fakaʻamu ke u lea fakahangatonu atu kiate kimoutolu—ko e toʻu tupu ʻo e Siasí. …
Neongo naʻe tāmateʻi ʻe Tēvita ʻa Kolaiate ʻaki ha foʻi maka pē ʻe taha, ka naʻá ne ʻosi teuteuʻi pē mo ha foʻi maka ʻe nima. …
Fēfē kapau naʻe fakafofongaʻi ʻe he foʻi maka takitaha ʻa Tēvitá, ha mālohi ʻoku tau fiemaʻu ke tau ikuna ai ʻi he moʻuí? Ko e hā nai ʻa e fanga foʻi maka ʻe nima ko iá? Naʻá ku fakakaukau ki he ngaahi meʻa ko ʻení: …
ʻUluakí, ko e foʻi maka ʻo ʻeku ʻofa ki he ʻOtuá. …
ʻOku hoko ʻetau ʻofa ki he ʻOtuá mo ʻetau fetuʻutaki vāofi mo Iá ke tau maʻu ʻa e mālohi ʻoku tau fiemaʻu ke liliu hotau lotó pea faingofua ange ai ʻetau ikunaʻi hotau ngaahi faingataʻaʻiá.
Uá, ko e foʻi maka ʻo ʻeku tui ki hotau Fakamoʻui ko Sīsū Kalaisí. … ʻOku ʻuhinga ʻa e tui kia Sīsū Kalaisí ke falala kakato ki Hono potó, ko ʻEne taimí, ko ʻEne ʻofá, pea mo Hono mālohi ke fakalelei maʻa ʻetau ngaahi angahalá. …
Fika tolú, ko e foʻi maka ʻo e ʻiloʻi hoku tuʻunga totonú. …
ʻI he taimi ʻoku ou ʻiloʻi ai hoku tuʻunga totonú, ʻoku liliu ʻa e meʻa kotoa pē. …
Faá, ko e foʻi maka ʻo ʻeku fakatomala fakaʻahó. …
ʻOku ʻikai ha meʻa ʻe fakatauʻatāina ange ka ko e ongoʻi ʻa e fakamolemole ʻa e ʻOtuá pea mo e ʻiloʻi ʻoku tau maʻa pea fakalelei mo Iá. …
Ko e foʻi maka hono nimá ko e foʻi maka ʻo ʻeku malava ke maʻu ʻa e mālohi ʻo e ʻOtuá. …
Te tau lava fēfē ʻo fakaʻaongaʻi ʻa e mālohi ko ʻeni ʻo Sīsū Kalaisí? Ko e talangofua ki heʻetau ngaahi fuakavá mo hono fakatupulaki ʻetau tui kia Sīsū Kalaisí ʻoku mahuʻinga ia.
ʻOku ou fakaʻamu ange mai naʻe ʻi ai ha toe foʻi maka ʻe taha ʻa Tēvita; ʻe hoko ia ko e foʻi maka ʻo ʻeku fakamoʻoní. …
Siʻi ngaahi kaungāmeʻa, ʻoku vēkeveke ʻa Kalaisi ke feʻao mo kitautolu ʻi he fonongaʻanga ʻo ʻetau moʻuí. …
… ʻOku ʻi ai ʻa e fiefia ʻi he hoko ko ha ākonga ʻa Sīsū Kalaisí.