Fakataha ʻo e Pongipongi Sāpaté
Ko e Taumuʻa ʻa e ʻOtuá ke ʻOmi Koe ki ʻApi
Ngaahi Konga Fakamatalá
Foki ki ʻApi, tā ʻa Yongsung Kim
ʻOku fakataumuʻa ʻa e meʻa kotoa pē fekauʻaki mo e palani ʻa e Tamaí maʻa ʻEne fānau ʻofeiná, ke ʻomi ʻa e tokotaha kotoa pē ki ʻapi. …
ʻOku ʻuhinga nai ʻeni ʻoku ngofua pē ha faʻahinga meʻa ʻi he anga ʻetau moʻuí? … ʻIkai, ʻoku ʻikai ʻaupito. … Ko e meʻa ʻoku mahino ʻi hono kotoa ʻo ʻEne ngaahi akonaki ke moʻui ʻi ha tuʻunga ʻulungaanga māʻolunga angé ko ha ui ki he fakalakalaka fakatāutahá, ki ha liliu ʻi he tui kia Kalaisí, ki ha fuʻu liliu lahi ʻo e lotó. …
Kapau ʻoku tau tui ko e taumuʻa ʻo e palani fakalūkufua ʻa e Tamaí ke fakahaofi mo huhuʻi kitautolu, fakahoko mai ʻa e ʻaloʻofá, mo ʻomi ʻa e fiefiá, ko e hā nai ʻa e taumuʻa ʻo e ʻAló ʻa ia ʻoku fakahoko ai ʻa e palani maʻongoʻongá ni? …
Ko e finangalo ʻa Sīsuú ko e finangalo ia ʻa e Tamai angaʻofá! ʻOkú Ne finangalo ke fakaʻatā ʻa e tokotaha kotoa pē ʻi he fānau ʻo ʻEne Tamaí ke nau maʻu ʻa e taumuʻa ʻo e palaní—ko e moʻui taʻengata mo Kinauá. ʻOku ʻikai ha taha ʻe taʻekau ʻi he tuʻunga malava fakalangí ni. …
ʻOku ʻalu ʻa e Fakamoʻuí, ʻa e Tauhisipi Leleí, ʻo fekumi ki Heʻene sipi heé kae ʻoua kuó Ne maʻu kinautolu. …
ʻIkai, ʻoku ʻikai ke Ne fakatupu ha ngaahi faingataʻa mo ha ngaahi fakafeʻātungia; ʻokú Ne toʻo ia. ʻOku ʻikai ke Ne taʻofi koe ʻi tuʻa; ʻokú Ne talitali lelei koe ki loto. …
Ko e ongoongo leleí ʻeni! ʻOku ou houngaʻia moʻoni ʻi he ngaahi moʻoni mahinongofuá ni. Ko e fokotuʻutuʻu ʻa e Tamaí, ko ʻEne palaní, taumuʻá, fakaʻānauá, mo ʻEne ʻamanakí ke fakamoʻui kotoa, ke foaki atu ʻa e nongá, ke ʻomi koe mo kinautolu ʻokú ke ʻofa aí ki ʻapi.