Fakataha ʻo e Pongipongi Sāpaté
Lotu, ʻOkú Ne ʻI Ai
Ngaahi Konga Fakamatalá
Ko e hā ha ngaahi meʻaʻofa te ke lava ʻo lotua? ʻOku lahi ʻaupito ia, ka te u vahevahe atu pē he ʻahó ni ha tolu: …
ʻUluakí, Lotu ke ʻIloʻi
Ko e hā ʻoku fiemaʻu ke ke ʻiloʻí? …
ʻI hoʻo ʻiloʻi ko ia ʻoku moʻoni ʻa e Tamai Hēvaní pea ʻokú Ne ʻofa ʻiate koé, te ke lava ʻo moʻui loto-toʻa mo ʻamanaki lelei! …
Taimi ʻe niʻihi ʻokú ke fie ʻiloʻi ʻa e ʻuhinga ʻoku hoko ai ha meʻa faingataʻa ʻi hoʻo moʻuí pe ʻuhinga naʻe ʻikai te ke maʻu ai ha tāpuaki naʻá ke lotua. ʻOku ʻikai ko e fehuʻi lelei taha ke faʻa ʻeke ki he Tamai Hēvaní ʻa e ʻuhingá ka ko e hā. …
… ʻE tataki koe ʻe he Tamai Hēvaní ʻi hoʻo fehuʻi kiate Ia ko e hā te ke lava ʻo faí mo e ko e hā te ke lava ʻo akó.
Uá, Lotu ke Tupulaki
ʻOku finangalo ʻa e Tamai Hēvaní ke tokoniʻi koe ke ke tupulaki! …
ʻOkú ke fie tupulaki ʻi he faʻa kātakí pe faitotonú? ʻOkú ke fie tupulaki ʻi ha taukei? Mahalo ʻokú ke mā peá ke fie tupulaki ʻi he loto-toʻá. “Lotu, he ʻokú ne ʻi ai!” ʻE lava ke liliu ho lotó pea te ke lava ʻo maʻu ha mālohi ʻo fakafou ʻi Hono Laumālié. …
Tolú, Lotu ke Fakahaaʻi
Te ke lava ʻo lotua ha tokoni ke fakahaaʻi e ʻofa ʻa e Tamai Hēvaní ki he niʻihi kehé. ʻE tokoniʻi koe ʻe he Tamai Hēvaní fakafou ʻi Hono Laumālié, ke ke ʻiloʻi ʻa e tokotaha loto-mamahi te ke lava ʻo fakafiemālieʻí. Te Ne lava ʻo tokoni ke ke fakahaaʻi ʻEne ʻofá ʻaki hono fakamolemoleʻi ha taha. Te Ne lava ʻo ʻoatu ʻa e loto-toʻa ke ke tokoniʻi ha taha pea vahevahe mo kinautolu ko ha fānau kinautolu ʻa e ʻOtuá. …
Vahevahe mo e Tamai Hēvaní ʻa e meʻa ʻi ho lotó.