“Herin’ireo maherifo,” Ho zatovo mahery!, Jolay 2024.
Hery avy ao amin’ny soratra masina
Herin’ireo maherifo
Nila hery ihany koa ireo maherifo ao amin’ny Bokin’i Môrmôna, ary i Jesoa Kristy no loharanon’izany. Ahoana no ahafahanao misintona amin’ny heriny tahaka izay nataon’ireo maherifo ireo?
Sary nataon’i Jarom Vogel
Nefia: Fanambarana (1–2 Nefia)
Mety ho sarotra izany hoe mandao tokantrano, miady mafy amin’ny zava-tsarotra lalovan’ny fianakaviana, ary miatrika olana tsy mahazatra izany. Kanefa rehefa nametraka ny finoany tamin’ny Tompo i Nefia, dia nianatra nikatsaka fanambarana sy natoky ny Tompo hitari-dalana azy izy.
Almà sy zanakalahin’i Môzià: Fibebahana (Môzià 27–28; Almà 36)
Mila hery ny mibebaka sy ny miaiky fa diso ianao. Rehefa avy nahazo antso mahery vaika mba hibebaka io andiana mpinamana io, dia nitodika tamin’i Jesoa Kristy izy ireo ary nahazo hery lehibe. Namoy tamim-pahasahiana ny fiainan’izy ireo taloha izy ireo, ary nanompo ny Tompo sy nanampy ny hafa tamim-pinoana mba hanao toy izany koa. Nahazo fifaliana lehibe izy ireo.
Ireo zatovolahy mpiady: Miady amin’ireo adin’ny fiainana (Almà 53; 56–57)
Misy ady isan-karazany eo amin’ny fiainana. Rehefa niatrika ady ireo zatovolahy ireo, dia nahatsiaro ny zavatra nampianarin’ny reniny azy ireo momba ny filazantsara izy ireo ary niady “niaraka tamin’ny herin’ Andriamanitra” (Almà 56:56).