Teny natao iainana

Ny tsodranon’ny patriarika ho anao

Notsoahina avy amin’ny lahateny tamin’ny fihaonamben’ny Fiangonana maneran-tany aprily 2023 nataon’ny Loholona Kazuhiko Yamashita sy ny Loholona Randall K. Bennett ao amin’ny Fitopololahy.

Sary nataon’i Guev

• Mirakitra torohevitra manokana avy amin’ny Tompo ho anao.

• 

  Manambara ny rohim-pirazananao ao amin’ny mpianakavin’i Israely.

• 

  Soratra masina manokana ho anao.

• 

  Masina sy an’ny tena manokana.

• 

  Tsy sarintany mamaritra ny fiainanao.

• 

  Tsy mamaly ireo fanontanianao rehetra.

Raha toa ka tsy miresaka trangam-piainana manan-danja izany dia aza raisina ho midika hoe tsy hanana izany fahafahana izany ianao. Mandrakizay ny tsodranon’ny patriarika, ary raha miaina amim-pahamendrehana ianao, dia homena any amin’ny fiainana manaraka ireo fampanantenana izay tsy tanteraka eto amin’ity fiainana ity.

Tokony ho firy taona aho no mandray izany?

• Ampy fahamatorana amin’ny fahatakarana ny maha-zava-dehibe sy ny maha masina ilay tsodrano ary mahatakatra ny fotopampianarana fototra an’ny filazantsara.

• Ny tena tsara dia tokony ho mbola tanora no mandray izany ka mbola maro ireo fanapahan-kevitra lehibe eo amin’ny fiainana izay miandry azy.

Fitahiana avy amin’ny tsodranonao

“Namaky matetika sy ombam-bavaka ny tsodranoko avy amin’ny patriarika aho. Nanampy ahy hibebaka sy hanetry tena izany. Rehefa mamaky sy misaintsaina izany aho dia maniry ny hiaina mba ho mendrika ny hahazo ireo fitahiana nampanantenaina.

Loholona Yamashita

“Nanampy ahy hampitombo ny finoako sy ny fahatokiako ny Raiko any An-danitra sy ny Mpamonjy ahy ny tsodrano azoko tamin’ny patriarika. Nampitombo ny fitiavako Azy Ireo koa izany—ary mbola mampitombo hatrany.”

Loholona Bennett

Raha ohatra ka eo am-piomanana handray ny tsodranon’ny patriarika ho anao ianao dia jereo ao amin’ny application Vivre l’évangile mba hahitana zavatra navoakan’ny olona ka afaka manampy anao!