Hrædd við iðrun?

Jessica Zoey Strong

Kirkjutímaritin

Hér er ástæðan fyrir því að vera það ekki samkvæmt Russel M. Nelson forseta.

Við hvað eruð þið hrædd? Rússíbana? Stærðfræðitíma? Að reyna að skilja Jesaja?

Hvað með iðrun? Ef tilhugsunin um að iðrast fær ykkur til að vilja fela ykkur undir sænginni og borða of mikið súkkulaði, þá er þessi grein fyrir ykkur.

„Óttist hvorki að iðrast, né sláið iðrun á frest,“ sagði Russel M. Nelson forseti. Og ástæðan er ærin. Hér eru nokkrir hlutir sem iðrun er og er ekki, samkvæmt Nelson forseta.

Myndskreyting: Corey Egbert

Fyrirgefning er: Fyrir alla.

Fyrirgefning er EKKI: Bara fyrir „vondar“ manneskjur.

“‘Þurfa allir að iðrast?’ Svarið er já.”

„Iðrunar er krafist af öllum ábyrgum einstaklingum sem þrá eilífa dýrð. Það eru engar undantekningar. … Iðrun er lykillinn að framþróun.”

Iðrun er: Leið til að bæta sérhvern dag.

Iðrun er EKKI: Sjaldgæfur atburður einungis fyrir „stórar“ syndir.

„Upplifið styrkjandi mátt daglegrar iðrunar – að gera örlítið betur og verða örlítið betri dag hvern.

„Þegar við veljum að iðrast, veljum við að breytast! Við leyfum frelsaranum að breyta okkur í bestu útgáfuna af sjálfum okkur. …

„…Drottinn væntir ekki fullkomnunar af okkur á þessu stigi okkar eilífu framþróunar. Hann væntir þess þó að við verðum stöðugt hreinni.“

Iðrun er: Leið til að upplifa frið og gleði.

Iðrun er EKKI: Til að þið finnið til skammar og ótta.

Iðrun … er lykillinn að hamingju og hugarró. …

„Þegar við veljum að iðrast … veljum við að vaxa andlega og taka á móti gleði“ – gleði endurlausnar [Jesú Krists].” (Sjá einnig Alma 36:17–23.)

Iðrun er: Blessun frá himneskum föður og frelsaranum, sem elska okkur.

Iðrun er EKKI: Refsing.

„Of margir líta á iðrun sem refsingu – eitthvað sem forðast á, nema við alvarlegustu aðstæður. Sú tilfinning að verið sé að refsa manni, er af völdum Satans. Hann reynir að koma í veg fyrir að við lítum til Jesú Krists, sem stendur með útbreidda arma, vonar og er fús til að lækna, fyrirgefa, hreinsa, styrkja og helga okkur.“

Það er: Þörf fyrir ykkur í kirkju Drottins.

Það er EKKI: Of seint að iðrast.

„Ef ykkur finnst þið hafa villst of langt frá eða verið of lengi fjarri sáttmálsveginum, þá leyfið mér að fullvissa ykkur um að það er ekki satt. Fyrir tilverknað friðþægingar Jesú Krists getur framtíð ykkar verið björt – jafnvel ljómandi. Ræðið við foreldra ykkar og biskup eða greinarforseta. … Vinsamlegast komið aftur til gleði og öryggis sáttmálsvegarins. Við þörfnumst ykkar.“

Takið við fullkominni gjöf Guðs.

Eruð þið tilbúin að treysta á frelsarann til að komast yfir ótta ykkar við iðrun? Þið munuð ekki sjá eftir því.

Nelson forseti segir: „Vegna þess að heimurinn þurfti björgun, og vegna þess að þú og ég þurfum hjálpræði, sendi [himneskur faðir] okkur frelsara.

… Takið við fullkominni gjöf Guðs. Við skulum varpa byrðum okkar og syndum fyrir fætur frelsarans og upplifa gleðina sem stafar af iðrun og breytingum.“

Heimildir

1. Russell M. Nelson, „Máttur andlegs skriðþunga,“ aðalráðstefna, apríl 2022 (Líahóna, maí 2022, 98).

2. Russell M. Nelson, „Við getum gert betur og orðið betri,“ aðalráðstefna, apríl 2019 (Ensign eða Liahona, maí 2019, 67).

3. Russell M. Nelson, „Máttur andlegs skriðþunga“.

4. Russell M. Nelson, “Við getum gert betur og verið betri”.

5. Russell M. Nelson, „Við getum gert betur og orðið betri,“.

6. Russell M. Nelson, „Við getum gert betur og orðið betri,“.

7. Russell M. Nelson, „Worldwide Day of Testimony: I Can Do All Things through Christ,“broadcasts.ChurchofJesusChrist.org.

8. Russell M. Nelson, Instagram, 24.desember, 2021, instagram.com/russellmnelson.