![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F08%2F7f%2F087f59b39846e65be5b0e7d5624047e525dbf695%2F087f59b39846e65be5b0e7d5624047e525dbf695.jpeg/full/!250,/0/default)
Me Te Mo Mesang
Momes e moluluuch el kirel a techall el mo mecherei me a llomes er kau lolidiich me tirkel bebil a sebecherir el mesa rael el mo er a Jesus Kristo.
Rodam ma rodos, ng ngaltengat el mla omekbeches a rengud er a Chaol Reng el ulbengked er a tia el ongdibel.
Eru el dart el rak er a mla memong, a llomes a mlo ultuil er a ngeasek el chad er a delul a kerekar. Chelsel sel llomes, Joseph Smith a milsang a Dios el Chedam me a Ngelkel Sechal, Jesus Kristo. Tial llomes er tir a ultkeklii a illekolk el ngii a mle dokedekeii a beluulechad e milutk el mo bedul a Joseph Smith—me kid el rokui. Nguchul sel llomes el mlo chemolt er sel sils, kid a sebeched el nguu sel mui el klengeltengat el ngii mor er ngii lokiu a Tngakireng er a Osobeled, Jesus Kristo.
Lokiu a klikiid er a Oluutel a ebangkelio er Ngii, kid a sebeched el mo mui er a llomes er a Osebeled. Eng di, sel llomes a diak el belkul a kmo ng di eko er kau me a ngak e merkong. Jesus Kristo a mla omkedong er kid el mo “mecherei a llomes er kau mel lolidiich er tirkal chad, me sebecherir el mesang a ungil urelem me a klebkall er a Demam el ngii a ngara Babeluades.”1 Ak mla mo soak tial tekoi “me tir bol lomes.” Ng kot ngara reng longit el mla er a Rubak el mo ngar ngii a rengud el olngeseu er a rebebil el mo mesang tial rael el ngii a mo uchul e temo er a Kristo.
Se er ak teruich a rekik, a telungalek er kemam a mla er ngii a techelam el mo mengelim er a Elder L. Tom Perry er a Chelechad er a Teruich me a terung el Apostol ser a lengar er ngii a urelel er a beluak.
Ngmocha er a ulebongel er tial sils, telungalek er ngak me a Perrys a dilengchokl er a rum er a blimam el oldeu el mengang tial oisi apple pie er a delak, e a Elder Perry a ouchais aikel cheldecheduch er a Resanto er a beluulechad el meliuekl. Ng kmal mle mechas a renguk.
Ng mocha kebesesengei me a delak a omekdong er ngak el mo er a uum e oker ngak a kmal beot el ker: “Bonnie, ke mla mo omekang er a malk?”
Ng di mlo moalech a renguk; Ak dirkak. Ng di mlak el soak el mor cheroid er a medal a Apostol er a Rubak, Ak dilu a malek a sebechel el olsengerenger el mo tutau.
A delak a dilu “ng diak.” Di uaisei, Elder Perry a tiluu er a uum lobang tial klou, deurreng el ngor e oker, “Ngak ak mle rongesii a chad el kmo a chad a kirel mo omekang malk? Sebechel a ngelekek me ngak a mo teloi er kau?”
O, tia a meral deureng er chelechang el mo omekang malk! Ak rirurt el mo nguu tial klou el bibrurek el oltoel. Semeriar, Ak kumekrael, melchesokl er tial mla mo-mechut el rael el mo er a blil a malk. Loba tial otoel lomiroi er ngii er a chimak, e aki imuul er a blil a mais e imuul engelakl lokiu a ked er a sers era wheat.
Tmurk er tial dobuu er ralem el ngii a imuul er tial rael, Ak silchesokl el blak kuruul er ngii el betok el kesus er a uchei. Ng di mlak kumelchesuar er a sekkak er a Elder Perry el molemolem el ngar tial ilekolek, daik lodengelii el rael. Tial llomes er a nglikek a dimlak el ngosukii el mesa tial dobuu. Mel lak tial chelelakl el llomes el mo omes, ng tiluu a chochil er tial ralem e ultebedii a klou el ongingd. Medakt, Ak kulbult el mo mesang ngkal beches el sechelik el meluubt er dekimes el lochil er tial dobuu e merirs a ralm er tial loberoad el kaua el choicherel.
Lobengkel tial deblechelech me a tuobed a ralm er ngii el choicherel, a Elder Perry a ulngeseu er ngak el lomekang remalk. Se er a ki bom merek, ng mle betik a rengul el lomkerael, “Bonnie, ng kirek el mo sebechek el mesa tial rael. Ak kusbech er tial llomes el merirech er a rael el kurael er ngii.”
Ak mle merirech er llomes er ngak eng ding diak sel omeruul el ngii a mlo sebechel ngosukii a Elder Perry. Chelechang, medengei el kmo ng ngulusebech er a llomes er ngak el omekrael er ngii er tial rael, ak kulmetab er tial otoel el ngar medal sel lomakes e mlo sebechemam el lemuut el mo remei lungil a rengmam,
Rodam me a rodos er ngak, ng mlo betok el rak el kumdasu er tial suobel el silubii er a Elder Perry. A siotai er a Rubak el mo mecherei a llomes el melidiich el diak el dil ngil bong e mo meruul er a beluulechad el mo lemuut el mellomes. Ngkirel m ultebechel a llomes el dobang me a rebebil a sebecherir el mesa sel rael el mo er a Kristo. Ng mei el eldellel er a Israel er a betal babeluades — ng olngeseu a rebebil el mesa rorir el mora aikel chedaol telbiil el mora Dios.2
A Osobel a ulisechakl, “Mesang Ngak a llomes; Ak mla rulii a okesiu el kiriu.”3 Mei e domes a ta er a okesiu er Ngii.
Ng kel redil el ngar er a chido a mle chad er a Samaria el ngii a dimlak lodengei el kmo ng techang a Jesus Kristo e a rechad a ulmes el ngii el kotouar er ngii a buai. A Jesus mo er ngii e omuchel er a cheldecheduch. Ng milngedecheduch er ngii el kirel a ralm. E Ngii a omekrael er ngii el mo melisiich er a llomes le Ngii a a kodur el ngii a “ngar el ralm.”4
A Kristo uleba chubechub e mle medengelii me a ikel ngii el ulusbech. Ng milsa ngika el redil er sel le bla er ngii e ulemuchel el mesaod a tekoi el ngii a mle telkib el medengei. E alskeum eng Ng mlo stob er sei, ng locha mlo ungil el teletael. Eng di ngii a diak el bol luchul el ngii a mo er a beluu el mo ouchais, “Mei, omes … : ngii ng diak el Kristo?”5 Soro, lokiu a cheldecheduch, ngii a mlo medengelii a Jesus Kristo, e diak el iior er a sidai er ngii, ngii a mlo dongu er llomes, melidiich er a rael er a rebebil el mesang.6
Chelechang mei e domes er a reteru el chad el tir oltirakl er okesiu er a Osobel el mo omerk er a llomes. A sechelik er a Kevin a dirk mlo dengchokl er a bita er a chad er a siobai er belsoil. Ng mle bekikl el kmo ngera bo losaud er ngii el eru el sikang. Okiuelel a omelchesiu, Kevin a uleker, “Mouchais er ngak el kirel a telungalek er kau. Te chad er ker?”
Ng kal chad a di mle kekerei a lodengelii el kirel a uchelel, me Kevin a otebedii a dengua er ngii, e dulang, “Ngar ngii a App er ngak el ngii a omak er a reched el mo er a telungalek er tir. Me desang el kmo ngera sebeched el metik.”
Uriul er a kemangel el cheldecheduch, ng kal beches el sechelil a Kevin a uleker, “Ngeram me a telungalek a kmal klou a ututelel er a ikelesia er kau?”
Kevin a dilu, “Aki oumerang el kmo sel de mad e ng di melemolm a klengar er a kid. alsekum kede siik a rebladek e nguu a ngklir el mora chedaol basio el domkedong er a ngii el templo, ng sebeched el neruul a chedaol ruoll er a chebechiil el sebechel rulid el mo dmak el telungalk el mo lmuut er a kodall. 7
A Kevin milchelii a tekoi el ngii me a beches el sechelil a osisiu a sorir. E ngii a miltik er a rael to mo sioning er llomes er a Osobel me a beltik el reng.
Tial ongeru el cheldecheduch a kirel a Ella, chad er a basket er skulel. Sel okesiu er ngii a ulemuchel ser a lenguu a okedongal er a mission er ngii se er a lecheroid el ngara skuul. Ng mililt el mo omkedong er tial okedongall er medal a rechedal er klekool. Tirka a diak a di tal ngerang el lodengelii el kirel a Ikelesia er a Jesus Kristo e dimlak lodengei er sel reng er a Ella el mo omesiou. Ng ngumelekl el meluluuch el mo medengei el kmo ng mekerang e lesodii a okedongall er a mission er ngii er a teletael el ngii a rechedal er a klekool a mo sebecherir el medengelii. Nger er ngii?
“k rirelii a PowerPoint,” Ella a dilu el kmo, “le ngak a kmal lungil.” Ng nguluchais er tir el kiral a techal el mo mesiou er a chelsel a 400-el betok el mission me a techal el mo subii a beches el tekoi. Ng ngulecholt er a telael el missionari el mesiou. Ella a mle torbengii loba siasing er Osobel e ouchais er klaumerang er ngii: “Basket a ta er a kot el klou a ututelel er klengar er ngak. Ak milukel el mo er a ta er a beluu e milcherei a telungalek er ngak el mo ousekool el kirel ngkal coach me a tirkal chad er a klekool. Di tebelong el tekoi el ngii a lemuut el klou a ututelel el mer ngak er a basket a klaumgerang er ngak me a telungalek er ngak.”8
Chelechang, alsekum e komomdasu el kmo, “Aikang a ungil el dart el-watt el okesiul, eng di ngak a lluich el-watt el tama,” molatk el kmo a Osobel a ulsisechakl, “Ngak a llomes el ngii a kirem el lorkedii el mor bab.”9 Ngii a omeklatek er kid el kmo Ngii a mo nguu a llomes alsekum e ke de melutk er a rebebil el mor Ngii.
Kau me a Ngak a ngar ngii a llomes el mo omerek chelechang. Ng sebeched el meluich er sel ta er a bakes el mo olngeseu a ta er a chad el mo kmeid er a Jesus Kristo, e mo er sel ta er bakes, me tang.
Di moker kau, “Ng techang a ousbech a llomes el ka a obang el mo metik er a rael el tir a ousbech eng ding diak el sebecherir el mesang?”
Resechelik, ngera uchul meng klou a ultutelel domerk er a llomes el dobang? A Rubak a mla ouchais er kid el kmo “ngar ngii a rebetok el ngar tial beluulechad … el tir a cheroid er a klemerang le tir a diak lodengei el kmo te mekerang e metik er ngii.”10 Kid a sebeched el olngeseu. Ng sebeched el meluich er a llomes er kid me a rebebil a mesang. Ng sebeched el odersii a siotai.11 Ng sebeched el merael er tial omerael lobengterir tirkel tir a omakes el bedul a Osobel, diak el ior a omael reng. Kede odak el mo kldibel a Israel.
Ak kuchais el kmo a Rubak mo choisois a bek el mekekerei el blakelreng. A Chedaol Reng a mo mengululau er kid el mo medengeii el kmo ngera ke de mo dmung e meruul. A ike el omeruul a mo ousbech er kid el mo toubed er sel de sau er ngii, meng mo sebeched el mo medengei el kmo a Rubak a ngoseuir a llomes er kid el mo melidiich.
Ak meral mereng a saul el kirel a llomes er Osobel, el ngii a melemolem el lomekrael er tial Ikelesia lokiu a ocholt.
Ak mengemdaol er kid el rokui el mo oltirakl er tial okesiu er Jesus Kristo e mo omelechesiu tirkel meliuekl er kid. Momes e moluluuch el kirel a techall el mo mecherei me a llomes er kau lolidiich me tirkel bebil a sebecherir el mesa rael el mo er a Jesus Kristo. A yaksok er Ngii a ungil: “Ngke el oltirakl er ngak a diak el bol loreal er ilkolk, eng di mo merael er llomes er a klengar.”12 A kuchais el kmo a Osobeled, Jesus Kristo, ngii a rael, e klemerang, e klengar, llomes, me a beltik el reng er a beluulechad. El ngara a ngklel a Jesus Kristo, amen.