Ewe Namwotan eu Mwichefen
Ekkewe pukefel ra afataochu ne osukuna poputan me namwotan eu mwichefen mi emwen seni me fiti ewe mwumwut an ach Samon, Jises Kraist.
Chommong ier a no, Elter Mark E. Petersen, emon chon ewe Mwichen Engon me Ruemon Aposel, a poputa an afanafan ren eu awewe:
“Kenneth me punuwan we, Lucille, ra aramasoch, ennet me wenechar. Nge, rese fiti fan, me ra mefi pwe a tongeni naf ar murinno inamo ika rese fan. Ra aiti nour kewe semirit usun pungoch me wenechar me ra pwisin ekieki pwe ina chok met wisan ewe Mwichefen fan iter.
“Iwe nge, iwe, ra pusin awora ar pochokunen ekiek pwe ar kewe soponon wik repwe efisi pwe an famini fansoun urumot [me] feino ngeni fan epwe fokkun fis.”1
Ikenai, ai poraus epwe fan iten ekkana sokkun aramas mi murinno me ekiekin-souneng nge ra kouno ne fiti ika pachenong non ar kewe mwichefen.2 Nupwen ua apasa “mwichefen,” ua apachanong imwen fan a iteni sinakok, mosques, are pwan ekkoch mwicheichen namanam. Sia ourek pwe chon fiti meinisin ekkei a kukkununo, won unusen ei fonu.fan3 Ika sise chiwen aucheani ach mwichefen ese nifinifin popun, sia asora manauach non pekin ngun, me fitemon ra imuseni Kot a ekisano An kewe feioch ngeni unusen aramasen fonufan.
Ach fiti me angang non eu miwchefen a anisikich ach sipwe pwan aramas murinno me nenien apiru ngeni manauen pwan ekkoch. Non mwichefen sia kaeo ifa usun ach sipwe manaueni ekkewe nongonongun namanam. Sia kaeo seni emon me emon kich. Eu minen appiuru mi och a fakkun nap manamanan seni ew afanafan. Sia pochokununo ren ach chiechi ngeni ekkoch mi nonno fengen ar ekiek. Non ach fiti me pachenong non mwichefen, netipach ra, “chufengen non tong,” usun chok a mak non Paipel.”4
I.
Ekkewe pukefel Kot a fen ngeni ekkewe Souneng non ewe Paipel me non minefon pwarata mi affat osukunan ewe auchean eu mwichefen. Ir me ru ra pwarata pwe Jises Kraist a fori eu mwichefen me a mochen pwe eu mwichefen epwe sopweno An angang mwirin I. A kokkori Engon me Ruemon Aposel me a ngenir mumuta me kewe kii ar repwe emweni. Ewe Paipel a aiti kich pwe Kraist mi “ewe mokuren ewe Mwichefen”5 me chon angangan ra kawor fan iten aunusochunon ekkewe souneng, fan iten ewe angangen achowano nuku, ren ochunon ewe inisin Kraist.6 Ennetin ewe Paipel a afatochu ewe poputan eu mwichefen me auchean ren iei.
Ekkoch ra apasa pwe ar fiti fan ese anisir. Ekkoch ra era, “Use kaeo och mettoch ikenai” are “Ese wor emon a chiechi ngeniei” are “Ua netipengaw.” Ach netipengaw won pusin winikapach esap eppetikich seni ekkewe nongonong an Kraist, ewe a aitikich ach sipwe angang ngeni ekkoch, nge esap ekkoch repwe angang ngenikich.7 Ren ei non ach ekiek, pwan emon chon mwichefen a anapanapa an anonga an ekiek won an fiti Fan:
“Fite ier a no, ua siwini ai ekiek usun ai upwe fiti fan. Use chiwen fiti fan fan itei, nge ai upwe ekieki usun pwan ekkoch . Ua achocho ne kapwong ngeni aramas mi anaemon ne momot, ne etiwa wasona, … ne pwisin finata ai upwe fori ew angang. …
“Non mochomochen kapas, ua fiti fan iteitan wik ren ai mochen achocho, esap ren fori mettoch nge epwe pusin fis ngeniei, me fori ew sokono mi murinno non manauen aramas.”8
Preseten Spencer W. Kimball a aiti pwe “sise fiti mwichen Raninifel achsipwe eteneki kewe minen apwapwa are fen anamon ne kaeo. Sia fiti pwe sipwe pin ngeni ewe Samon. Ina wisen emon me emon kich. … Ika ewe mwich ese och ngonuk, iwe ka osupwang. Ese wor emon epwe pin ngeni ewe Samon fan itom; kopwe fori pusin om witiwit ngeni ewe Samon.”9
Fiti fan a tongeni suki netipach me aunusochuno ngunuch kewe.
Non eu mwichefen sise chok angang anaemon are fan pwisin ach mochen are nupwen ese wor osukosukan. Napengeni sia angang fengen. Non angang sia kuna tufich seni nang ach sipwe fefeita seni ewe akanamon non manauach. Angang mi awenewen seni ewe Mwichefen a anisikich ach sipwe pworacho ngeni ach pusin ekieki osukosuken ekkoch nap seni pusin kich, ena a tongeni ammangano ach fefeita non pekin ngun.
Mi wor pwan ekkoch tufich mi auchea, sipwe ekis kapas usun. Non fan sia chiechi fengen ren aramas mi murino ra achocho ngeni ar repwe angang ngeni Kot. Ei a achema ngeni kich pwe sise anaemon non ach angangen namanam Mi namwot pwe sipwe chiechi ngeni ekkoch, me chiechi non mwichefen mi fakkun och, fan itach me punuwach me nouch kewe. Ika ese wor chiechi fengen, akkaewin chiechi nefinen semirit me kewe sam me in mi nikitu, a fen pwa pwe a napano weiresin sam me in ar repwe amarieta semirit non ar nuku.10
II.
Seni nom tori iei, ua fen kapas usun kewe mwichefen ren unusan. Iei ua poraus usun ekkoch popun sipwe choni, fitii, me pachonong non an ewe Chon Amanau we Mwichefenin Jises Kraist ren Aramas mi Pin non Fansoun Soponon mi niwinsefanito.
Ennet, sia sinei pwe ekkewe pukefel, seni nom me minefo, ra osukuna ochu poputan me namwotan eu mwichefen mi emwen seni me fiti ewe mwumwuta meren ach Samon, Jises Kraist. Sia pwan pwarata pwe ewe Mwichefenin Jises Kriaist mi niwinsefanito a forata an epwe osukuna unusen ewe nongonongun Kraist me wisen fori ekkewe angangen An ewe pristut ne fori ekkewe angangepin mi auchea ren ach sipwe tonong non ewe muun Kot.11 Chon mwichefen ion a forata ar fiti Fan me ra chok anononong won ar akanamon ra eimurono non pekin ngun seni ekkei auchean nongonong: kewe manaman me efeioch meren ewe pristut, unusen ewe nongonong mi niwinsefanito, me ekkewe pesepes me tufichin aea ena nongonong. Ra fangetani ar tufichin tumunu ar famini ngeni fansoun esemuch.
Pwan eu tufich mi napanap non ewe Mwichefen mi niwinsefanito a anisikich ne marita non pekin ngun. Marita a wewe ngeni siwin. Non kapasen pekin ngun ei a wewen aier me kutta ach sipwe arap ngeni ewe Samon. Non ewe Mwichefen a niwinto a wor annuk, kokotun mokutukutun angang me kewe chon anisikich ach sipwe aier. Wiser, pwan mwo non mwichen opungupung, esap eu niwinin tipis, usun met ewe a pwano ren ew kapungun watten tipis. An mwichefen mwichen opungupung ra anisikich ren tong ach sipwe tufichin weri ewe umoumochun omusano me a tufich senn ewe Achasefan an Jises Kraist.
An emon angangen umoumoch non pekin ngun fan ekkoch a awora ewe chengen me tetenin angang fan iten ekkoch mi kawor seni ewe Mwichefen mi niwinsefanito. Ren awewe ekkewe anuon me fopun me chinnap ra sukun me angang faniten ar etiwa kokkor ar repwe misineri. Ra angang nupwen ra misineri ngeni pwan ekkoch aramas rese sisiner non neni rese sinei minne rese pwan finata. Pwan ina usun kewe memper ra ennetin nukuchar ra fiti ewe angang sia eita ngeni “angangen non tempel.” Ese wor ekkei sokkun angang epwe tufich ika ewe Mwichefen ese awora, kokkot ngeni, me emweni.
Nouch kewe memper nuku non namanam me angangen Mwichefen a fen aitir ifa ussun repwe angang non tipeew fengen non ar achocho an epwe namot ngeni ewe watten neni. Ena sokkun mettoch sa sinei me maritan ese ponueta non ewe orunien anonga won pusin en nge ewe chounon non ewe aean neniach iei. Non tettenin kinikinin ach kewe wart, sia chiechi fengen me angang fengen ren aramas meni sise mo fen fini, aramas ra aitikich me apochokuna kich.
Pwan ew, epwe aniniskich ne kaeo kewe nongonong non pekin ngun usun tong, kirekiroch, omusomus, me tipepos,, ei a ngenikich ekkewe tufichin kaeo ifa usun sipwe angang fengen me aramas mi sokofesen nonnomur me rmet ra sani. Ei tufich a anisi chommong chienach kewe chon mwichefen me ekkewe emwicheich ra feioch ren ar fifiti. Aramas mi Pin non Fansoun Soponon ra itefouno fan iten ar angangoch ne emwen me chufengen non ar angang. Ekkena oreni mi poputa ren ekkewe chon akkom ra sai ngeni ewe Intermountain West me ra forata orenien angang fengen fan iten ochun aramas meinisin.
Napengeni meinisin aninis ren ekkewe mi osupwang a auchea epwew taweno ren kochu fengenin me kokotun ren ew me ew kewe neni won ew watten nenien kouk. Ewe Mwichefen mi niwinsefanito a fori ei ren watten aninis won unusen fonufan. Ekkei mi pachenong usun einetin pisekin kaeo me safei, amongoni ekkewe mi echik, tumunu kewe ra echimwer pwe repwe suseni nenier, anisir ne pakuseni osukosuken orini mi ngaw, me emon chon apwapwai ekkoch. Nouch kewe chon fiti ra itefouno ren ar angangen osukosuken fonu a iteni Poun Aninis. Ach fiti mwichefen a mwut ngenikcih ach sipwe fiti ekkena sokkun angang napanap. Chon fiti ra pwan monatiw asoren echikifen an epwe anisi ekkewe mi osupwang non nenier kewe.
Fiti ach memefin kinamwe me pwapwa me ren chiechian ewe Ngun mi Fel, ekkewe Chon Fiti fan ra pwapwaiti niwinin manauoch non pekin ewe kapas allim, usun ekkewe efeiochun amanauan ewe Kapasen Emirit me pwan ekkewe efeiochun fefeita non pekin inis me non pekin ngun mi fen pwon ren apwonuetan ewe annukun eu ne engon. Sia pwan weri ewe efeiochun kapasen emwen seni souemwen.
Napanap seni ekkei meinisin ina ekkewe mumutan angangepin an pristut a namwot ren fansoun ese much, pachonong ewe sakrament sia angei iteitan ranin Sabbath. Ewe omuchunon tekian angangepin non ewe Mwichefen mi niwinsefanito ewe pwonen apupunu ese much, ewe a fori tufichin ewe soposoponon ach kewe faminii. Preseten Russell M. Nelson a aiti kich ei nongonong non ew napanap sipwe fokkun chechemeni. A apasa: “Sise tongeni aneanei ach sipwe tonong fan mesen Kot. Sipwe anneasosichi ekkewe annuk minne [ena feioch mi] anongonong won.”12
Eu me nein ekkena annuk sipwe pin ngeni I non imwen fan iteitan ranin Sabbath13 Ach fen ngeni I me aea ekkewe nongonong ese much pwe sipwe arap ngeni Kot me anapano ach tufichin tong. Parley P. Pratt, emon me nein ekkewe poputan Aposel non ei kinikinin fansoun a awewei ifa ussun an mefi nupwen ewe Soufos Joseph Smith a awewei ekkei nongonong: “Ua mefi pwe Kot i Semei we won nang; pwe Jises pwii we, me am me punuwei we ai pwochen fanimwar aua ririfengen ren fansoun ese much: emon chon nang mi kirekiroch, a fang ngeniei ne awora kinamwe, me mwaramwarin ning ren fansoun ese much. Ennet, iei ua tongeni tongei ren ewe ngun me ren ai weweiti.”14
Nesoponon, ua achema ngeni ami meinisin pwe sisap nuku pwe mettoch mi och mi chok tongeni fis non chok mwichefen. Eu mwichefen a pusin uta won an sia kuna fitu minion aramas ra anisi me fori chommong angang mi och. Iwe, Aramas mi Pin non Fansoun Soponon ra fiti chommong me neir. Sia kuna ekkei angang pwe eu pwaratan ewe nongonong mi ennet ese much pwe “ewe Ngun mi Fel a asarama aramas meinisin a feito ngeni fonufan.”15
Me nukun ekkewe angang mi murino mi tongeni fis ika ese wor mwichefen, unusen ewe kapas allim me ekkewe angangepin ese much mi chok nom non ewe Mwichefen mi niwinsefan. Pwan ew, chon fiti Mwichefen a ngenikich ewe pochokun me aochun ach nuku a feito seni ach chiechi ngeni pwan ekkoch chon nuku me ach chufengen ne fen ngeni I ren ekkewe ir ra pwan mochen fiti ewe anen pwon me sipwe noun Kraist chon kunon mi murino. Ua iotek pwe kich meinisin sipwe wenechar non ekkei mettoch mi fis non Mwichefen ren ach kutta manau ese much, ewe niffang an Kot mi nap, non iten Jises Kraist, amen.