Mme Nkpɔ abaŋade Ukpɔŋ Mi
Ewe nkpo ke afo ekere-ke-esit abanga? Ewe nkpo enehede oworo nkpo ono fi? Ewe nkpo edi kabanga ukpong fo?
Nditɔ-eka mi iren ye iban, nte ami ndade inikiet efen ke edima Conference Center nnyin, ami nditi mme iko eke Apostle Peter ete; “Obong, ɔfɔn nnyin ndidu mi.” 1
Mme ekikere mi mfin okongo ke mme iko prophet Nephi, emi ekenimde nwed ikot esie ke Ete esie Lehi ama akakpa. Nephi ewet ete, “Ndien edi ke enye ke ami nkewet nkpo mbanga ukpɔŋ mi.” 2
Ami mma nsi-be ufaŋ nwed emi, nkere ke ikɔ emi mme nkpɔ itimke iye inyung inemke, idobike ikem ndidiana ye “ukpɔŋ mi.” Edi ami ndidiongo nte ke eting ikɔ oro mme nkpɔ akaŋ 2,354 ke nwed Abasi. 3 Nte uwutnkpo, ke nwed Moses: “Ami nti Ntongo ye Utit, Okposong Abasi; ke ubok Ikpong-ikpong Eyen mi ke Ami nkobot mme nkpɔ emi.” 4 Ndien Nephi ete: “Sese, ukpong mi adara ke mme nkpo Abasi; ndien esit mi ekere kpukpru ini abanga mme nkpo eke ami nkokutde nnyung nkopde.” 5
Iko Nephi edimen mme mbume emi edi “Ewe nkpo ke afo esikere abanga?” “Ewe nkpo enehede oworo nkpo ono fi?” “Ewe nkpo edikabanga ukpong fo?”
Mme nkpo abangade ukpong nnyin esiwak ndinwanga onyung enyene-iwuk oto ke ndibup mme mbume.
Kini idiok-udongo ami mma nso-bo ye mme iwaad ke ofuri ererimbot ke ediwak esop, ikpɔ ye mkpri, otode ke usuanetop ye social media, ndien nnyin ima isineme mme mbume mmɔ.
Joseph Smith eyen isua duopenang ama enyene mbume ke esit ukpong esie, ndien enye ada mbume ebine Abasi. President Russell M. Nelson ama osongo ete: “Eda mme mbume mbufo esok Abasi ye mme nti ono-iboro efen. Ekpep ye udong ndibuotidem ekudi ye ekikere ndikut ndudue ke uwem prophet mme se mifonke ke nwed Abasi. Ekukori eyighe mbufo ke ndineme mmo ye … mbon eyighe. Eyak Jehovah ada mbufo usung ke isang mbufo ndikut nkpo spirit.” 6
Mme iwaad esiwak ndibup mi se nnimde ke akpaniko ye ntak eke ami nnimde.
Ami nditi nte nke-sobode ke intanet ye nkaiferi kiet ke ufokidung esie Ami mbup mme oro ekedi akpa ini Apostle kiet ekedide ufokidung esie. Enye ososop asak onyung oboro, “Ihn.” Mbume esie ama ofon ono mi: “Nso idi ata akpan mme nkpɔ eke ami mkpediongoke?”
Ami mboro ye mme nkpɔ abaŋade ukpɔŋ mi, mme nkpɔ eke ebengeke mi idem man nkop mme ntim-spirit, emi anwangade enyin mi akan usung ererimbot, emi onode ntak ndinam utom iko Abasi ye ke ata uwem mi.
Yak ami mbuana ye mbufo ubak nkpɔ emi abaŋade ukpɔŋ mi? Mme nkpo emi abanga ofuri mbon emi eyomde ndidi ata mbet Jesus Christ. Duop eyedi eti, ofuri ibat. Mfin ami nyeno mbufo nkpo itiaba ye idorenyin ke mbufo eyenam oyoho itiaita, usukkiet ye duop ekem eto ke mme ifiok-ukpeb mbufo.
Akpa, ema Abasi Ete ye Jesus Christ, Andinyanga mbufo.
Jesus okowuk akpa akamba ibet ete: “Ma Jehovah Abasi fo ke ofuri esit fo, ye ke ofuri ukpong fo, ye ke ofuri ekikere fo.” 7
President Nelson eketing nsuk-ibuot esie nno Abasi, Nsinsi Ete nnyin, ye Eyen Esie, Jesus Christ, kini ekekotde enye ete ada-usung ke Ufok Abasi Christ, ete, Ami mmodiongo Mmo, mmema Mmo, nnyung nnwongo ndinam nkpo nno Mmo—ye mbufo—ke ofuri ibifik ekesuhode ke uwem mi.” 8
Ntre akpa, ma Ete ye Eyen.
Udiana, “Ma mbohidung fo.” 9
Oro inehede idi eti ekikere; edi udiana akamba ibet. Mbohidung fo edi nnwan mme ebe ye ufokemana,mbonufok Abai ke ward, mbon itie utom, mbon emi edungde ubet-ufok kiet, mbon midihe eke edu-ukpono nnyin, mbon emi eyomde unwam, ndien. ke akpaniko, kpukpru owo. Ata ntak eke “ma mbohidung fo” odu ke ikwo eke “Ema Kiet Eken.”
President Nelson eti nnyin ete, “Ini emi nnyin imade Abasi ke ofuri esit nnyin, Enye owongore esit nnyin esin ke ufon eke mbon efen.” 11
Oyoho Ita, ma idem fo.
Ebiet emi ke ediwak owo esinyene mfina. Nte idihe se ekpetim ese koro ndima idem nnyin ebiet nte ekpri akan ndima mbon efen. Edi Obong okodoho ete, “Ma mbohidung fo nte idem fo.” 12 Enye ama edisana-ndaha emi odude ke esit idem nnyin, ndien ana nnyin ima ntre. Ini emi nnyin ndodobi-mbiomo ye ndudue, ubiak, ekikere ke ikemke,edikpu, iyatesit, mme idioknkpo, odudu Erisio-isop eke Andinyanga edi, ke edisana ndutim, kiet otu nkpo kiet emi anwamde ukpong.
Oyoho Inang, enim ibet.
Obong anam oro anwanga ete: “Edieke mbufo emade miI,enim mbet mi.” 12 Etime kpukpru usen ndi-di nnyung nnam esisit eti nkpo nnyung nsinifik nka iso ke edinen ido.
Oyoho Ition, edot ofuri ini ndika temple.
Ami nkot oro nte ediyak mbufo nno Abasi. Mme mbufo emenyene usung ndika temple mme inyeneke, ndidot nnyene eti recommend temple anam mbufo enehede eting-enyin ke mme nkpo emi enyenede ufon, usung ediomi.
Oyoho Itiokiet, kop oyoho idaresit nnyung nem-esit.
“Esong esit, ekunyung ekop ndik,” 14 Obong okodoho. Ke ewe ntak? Didie, kini afanikong esimde nnyin ke ofuri ndaha? Otode ke enwongo emi Jesus Christ akanamde: “Ami Jehovah mmodo ye mbufo, nyenyung nda ye mbufo,” 15
President Nelson emen mfiak-mmen-ndi iko Abasi owut nte kedi “etop idara!” 16 Ndien enye anam anwanga ete,“Idara eke nnyin ikopde enyene esisit nkpo ndinam ye ndaha uwem nnyin edi enyene ofuri nkpo ndinam ke nditing-enyin nse uwem nnyin.” 17
Oyoho Itiaba, etiene odu-uwem prophet Abasi.
Emi ekeme ndidi oyoho itiaba ke ibat nkpo mi, edi enye edi akpa ke ekikere mi ke ndade nse ufon esie mfin emi.
Nnyin imenyene prophet Abasi ke isong mfin emi! Kusin mbuburu ke se nkpo oro oworode ono mbufo. Ti nkaiferi nnwan eke ami nkesiakde ke ntongo. Enye okoyom ndidiongo ewe nkpo enehede enyene-ufon. “Etiene odu-uwem prophet,” ami mma nting ke ini oro ndien ami mfiak nsongo nting mfin.
Ediongo nnyin nte ke idi Ufok Abasi emi mme prophet, asiak-uduak, ye andiyarare emi Abasi okotde ke ini emi edade usung. Ami nnwongo ke nte mbufo ekpangde-utong eno enyung etiene item mmo, mbufo idisopke usung. Idisopke!
Nnyin idu ke ini emi nnyin idide “nte ofim emen etop eduok,” 18 kini enwan odude ye nkpo-Abasi, edisana-nkpo, akpaniko, ye ukpono. Nnyin inyene ndinam mbumek. Nnyin iminyene uyo Obong ito prophet Esie ndisuhore ndik nnyin man atat enyin nnyin,koro kini President Nelson etingde-iko, enye eting nte Abasi ekpetingde.
Nnyin iminyene nwed Abasi ye ukpebnkpo emi etide nnyin ete, “Mme ekikere mbufo midige mme ekikere mi, mme usung mbufo minyung idige usung mi: emi edi uyo Jehovah.” 19
Ntre ke ekedi ye Naaman, akwa adausung owo ekong ke Syria, emi ekedide akpa-mfia, emi ekedohode ete ke prophet Elisha ekeme edikok enye. Elisha ama ono isung-utom esie okodoho Naaman ete ekeyere akang itiaba ke Inyang Jordan ndien ke enye eyesana. Naaman asak-nsahi. Ke akpaniko odu akamba inyang akan eke Jordan, ndien nsidi ntak emi onode isung-utom kini enye okoyomde Elisha, prophet, ete edikok enye ke idem esie. Naaman ama ayat-esit edi ikot esie ke akpatre ebup enye ete: “Prophet akpasiak akamba nkpo ono fi, ukpanamke?” 20 Ke akpatre Namman ama ekeyere akang itiaba ke Jordan onyung asana.
Mbuk Naaman eti nnyin abanga ndik ke ndisio nyung mmek ndaha item eke mme prophet emi ekemde ye ekikere nnyin, udong nnyin, mme edu eke mfin emi. Mme prophet nnyin ekaka-iso ewut nnyin Inyang Jordan nnyin man ibo edikok.
Ata akpan ikoemi nnyin ikemeke ndikop, nkere-ke-esit, nnyung nnam edi mbon otode eriyarare eke odu-uwem prophet nnyin. Ami nting iko ntiense nte ke ami mmetie ke nneme ye President Nelson man ineme ikpo nkpo abangade Ufok Abasi ye ererimbot,ndien ami mmokut eriyarare oworode oto enye. Enye odiongo Abasi, enye odiongo usung Esie, ndien enye oyom ete yak kpukpru ndito Abasi ekpekop uyo Esie,Obong Jesus Christ.
Ke ediwak isua nnyin imekop ito prophet akang mbiba ke isua ke akwa mbono. Edi ye mme ndutime nkpo eke eyo nnyin emi, President Nelson enehede eting awak ke mme eboho, 21 socal media, 22 mme ntuak-ibuot, 23 ye kpa ke mme nneme uting-iko. 24 Ami mmokut nte enye anamde onyung onode mme akpan etop eriyarare emi osongoke ata esit-ekom, anam akamba edidiana-kiet eke kpukpru ndito-eka iren ye iban ke isong, ye nkori emem, idorenyin,idara,nsong-idem, ye edikok ke uwem nnyin kiet-kiet.
President Nelson esineme-nneme, edi ata akpan-nkpo edi, ke enye edi prophet Abasi. Oro oworo ada kini mbufo ekerede ebanga nkpo oro, edi ofon ndifiok ke anwanga ndausung esie eyekpeme kpukpru nnyin osioke abianga, nkari, ye ndioi usung emi awakde ke ererimbot mfin emi. 25
Ikoot ndidi prophet edi ofuri kabanga eriyarare. “Edifiak-mmen Uyoho Iko Abasi Jesus Christ ndi: Etop isua Ikie-iba emi enode Ererimbot,” emi ekenode ke akwa mbono April 2020,osongo ete ke Abasi ono ndausung ke utom emi. Ke etop emi, First Presidency ye Eboho mme Apostle Duopeba edoho ete: “Nnyin imedara ifiori ite ke Mfiak-mmen-ndi emi ekenwongoke ke akaka-iso ke nkaiso eriyarare. Isong ididige ukem aba, koro Abasi eye ‘tang kpukpru nkpo odong otokiet ke Christ’ (Ephesians 1:10).” 26
“Kpukpru nkpo odong ke” 27 ye “mme nkpɔ abaŋade ukpɔŋ mi” 28 edi se Ufok Abasi emi, iko Abasi emi, ye mme owo edi ofuri abanga.
Ami nyetre ye ikot nno mbufo owo kiet-kiet nte ekere ebanga nkpo itiaba eke “mme nkpɔ abaŋade ukpɔŋ mi” eke ami mbuanade mfin: ma Abasi Ete ye Jesus Christ, Andinyanga nnyin, ma mbohidung fo; ma idem fo, nim mbet, edot ofuri ini ndinyene recommend eke temple,kop oyoho idara yung nem-esit, enyung etiene odu-uwem prophet Abasi. Ami nkoot mbufo nte ediongo oyoho itiaita, usukkiet, ye duop eke idem mbufo. Kere-banga mmre usung emi mbufo ekpekemeke ndibuana uyoho-esit “nkpɔ” ye mbon efen enyung eteme mmo ete ebong-akam, ekere-ke-esit, enyung eyom ndausung Abasi.
Mme nkpɔ abaŋade ukpɔŋ mi enehede edi nsongurua ono mi ukem nte okuo edide ono mbufo. Mme nkpo emi osongo utom-unwam nnyin ke Ufok Abasi ye ke kpukpru ebiet ke uwem. Mmo ewuk nnyin eno Jesus Christ, mmo eti nnyin ebanga ediomi nnyin, ndien mmo enwam nnyin ndibɔ ubɔhɔ ke ubɔk Abasi. Ami nnoikɔ ntiense nte ke Enye oyom ete ukpong nnyin “idikopke nsat-itong, edi eyebɔ uyuhɔ” 29 ye ima Esie ke nte nnyin iyomde ndikabare ndi ata mbet Esie, man idi kiet ye Enye ukem nte Enye edide ye Ete. Ke enying Jesus Christ, amen.