13:10

Ememde Eye—Eyede Emem

Etop otode Elder Gary E. Stevenson

Eke Eboho mme Apostle Duopeba

Nnyin ikpakam inam ndimem iko Abasi emi ke nte nnyin inamde ndisana ubiɔŋ emi enɔde nnyin.

Ntɔŋɔ

Ami mmɔnɔ inem ekɔm esɔk mbufo owo kiet-kiet emi edukde mbono emi.

Mfin emi ami mmenim ke nyemen nkpɔ iba eke mfiak-mmen-ndi ikɔ Abasi Jesus Christ nwut, diana ye ikpɔ mbuk inaŋ otode Latter-day Saints ke ererimbot nte emende ukpep emi enam-nkpɔ. Akpa nkpɔ eke mfiak-mmen-ndi ikɔ Abasi edi ke—utom erinyanga-ukpong ye edidemere—ɔkɔŋɔ ke ndisana ubiɔŋ emi enɔde. Udiana nkpɔ eti nnyin ete ke ikɔ Abasi edi inwang-inwang, osong-urua, onyung emem.

Mmem-mmem Ndisana Ubiɔŋ emi Enɔde

Man inyene nsinsi uwem, ana nnyin “itiene Christ, inyung idi idisana ke enyea.” ¹ Nte nnyin itienede Christ inyung inwam mbon efen ndinam ukem oro, nnyin imebuana ke utom Abasi eke erinyanga-ukpong ye edidemere, emi ɔkɔŋɔde ke ndisana ubiɔŋ emi enɔde. ² Ndisana ubiɔŋ emi asanga ye mme ukpohode itie-oku emi Moses, Elias, ye Elijah ekefiakde-emen-edi, nte ewetde ke Nwed Ukpepnkpo ye Ediomi ibuot 110, ³ ye udiana akamba ibet emi Jesus Christ okonode nnyin ke ndima mbohidung nnyin nte idem nnyin. ⁴ Edikut mmɔ ke akpa-ikpa nwed eke obufa General Handbook, emi odude ono ofuri mbon Ufɔk Abasi.

Edieke edikop mme ikɔ eke “General Handbook” mme “ndisana ubiɔŋ emi enɔde” akpanamde mbufo enyek ke ndik, mbɔk kudighi. Ubiong emi edi mkpri, ɔfɔn, ɔnɔ-udɔŋ, onyuŋ emem-ndinam. Se mmɔ mi:

Ndinam ikɔ Abasi Jesus Christ
Ndinwam mbon emi edude ke unana
Ndikot kpukpru owo ete edibɔ ikɔ Abasi
Ndidian ufɔkemana ke nsinsi

Mbufo emekeme edise mmɔ ke nte ami nnamde: nte nwed usung-isang ke ndifiak nyɔŋ mbine edima Ete nnyin ke Heaven.

Mme ndaha-nkpo eke utom erinyanga-ukpong ye edimenere.

Ikɔ Abasi Edi Inwang-inwang, Osong-urua, onyung Emem.

Edɔhɔ ete ke ikɔ Abasi Jesus Christ “enehede eye onyung eye emem.” ⁵ Ererimbot idihe ntre. Ererimbot abuaha, afina, onyung ɔyɔhɔ ye afanikong ye enwan. Nnyin imefɔn-iso ke nte nnyin imumde-idem mbak idiyak mfina,emi awakde ke ererimbot, esim nnyin kini nnyin ibɔde inyung inamde ikɔ Abasi.

President Dallin H. Oaks eting ete ke: “Ekpep nnyin mkpri ye ndimem nkpɔ ke ikɔ Abasi Jesus Christ. Ana eti nnyin ete ke ofuri-ofuri ye akande ata anyan ini, mme mkpri nkpɔ oro esida ikpɔ nkpɔ edi.” ⁶ Jesus Christ ke Idemesie eting ke ɔkpɔnɔ Esie emem ndien mbiomo Esie onyung efere. ⁷ Ana kpukpru nnyin idomo edi-nim ikɔ Abasi sung-sung—ke uwem, ke ufokemana, ke mme class ye eboho, ye ke mme ward ye stake nnyin.

Nte mbufo ekpangde-utong eno mme mbuk eami ndibuanade ye mbufo, efiok ete ke ema enehede emek mmo man ono-osongo ke ndaha kiet onyung ono ntɔt ke ndaha efen. Mme edinam eke mbon Latter-day Saints emi akabare edi uwutnkpɔ ono nnyin owo kiet-kiet ke ndinam ikɔ Abasi inwang-inwang, osong-urua, ye ndimem usung kini inamde kiet kotu ndisana ubiɔŋ emi enɔde eke itingde mi.

Ndinam Ikɔ Abasi Jesus Christ

Akpa, ndinam ikɔ Abasi Jesus Christ. Jens otode Denmark esibong-akam ofuri usen man anam ikɔ Abasi onyung ɔbɔ mme ntuuk otode Edisana Spirit. Enye ama ekpep ndisɔp nam-nkpɔ kini enye okopde ndausung oto Spirit oro.

Jens ama abuana mme iko emi:

“Nnyin idung ke ekpri ibio-ufok eto emi efukde ye ŋkanya ke ufɔt ekpri obio, ekperede ŋkpɔdiɔhɔ-mmɔŋ ke obio.

“Ke okoneyo eke ata ediye ndaeyo ke Denmark emi ekpekerede, ema eberede mme enyin-usung ye window enim, ndien emem ye ifure ama odu. Ke ntak inem ye okoneyo anyan ini ndaeyo nnyin, ami nkesɔpke ndifiak mkpuhɔ ikang-bulb emi akabiarade ke ufɔt ufok nnyin.

“Ke idaha-kiet, ami nnyene okposong ntuuk ke ana ami mkpuhɔ enye ke ndo-ndo oro! Ke ukem ini oro, ami nkop nte nnwan mi, Mariann, okotde mi ye nditɔ-nwɔŋ ete idiyere ubok koro udia-mbubreyo odu!

“Ami mmedɔ-ndɔ ke anyan ini ndifiɔk ete ke emi idige ini nditongo nnam nkpɔ efen akan ndiyere ubɔk mi, edi ami nkop nte nkotde Mariann ndɔhɔ ke nyom ndisɔsɔp ndep obufa bulb kiet ke ubet-urua. Ami mma nnyene okposong ntuuk ndidaha iwiwa.

“Ubet-urua oro okodu ke nkang ebiet ŋkpɔdiɔhɔ-mmɔŋ oro. Nnyin imisisanga, edi mfin-emi ami nkewat ke enang-ukwak mi. Kini nwatde mbe ŋkpɔdiɔhɔ-mmɔŋ oro, nte ŋwɔŋɔre enyin mi, ami nkut ekpri eyen-eren, emi ekpedide isua Iba, nte asangade ikpong ekpere mben ŋkpɔdiɔhɔ-mmɔŋ oro, enehede ekpere mmɔŋ oro—ke idaha kiet enye ɔduɔ oduk! Ke ini kiet enye ama ɔduɔ oduk do—ndien ke ata idahaoro enye osop!

“Iduhe owo emi okokutde nte emi etibede ke ebede ami. Ami mma ntop enang-ukwak mi nduokke isong, mfehe, nnyung ntama nduk ŋkpɔdiɔhɔ-mmɔŋ oro. Enyɔŋ mmɔŋ oro ɔkɔyɔhɔ ye awawa-mbiet, anamde ɔsɔŋ ndikut isɔŋ mmɔŋ oro. Ekem ami nte ŋkpɔ asangade aka nkang kiet. Ami nsin ubɔk mi ke mmɔŋ oro, mmum T-shirt kiet, ndien nduri ekpri eyen-eren oro nsio. Enye ɔtɔŋɔ ndinwek, ɔkɔŋ-ikɔŋ, onyung atua. Ikebighike eyen-eren oro ama afiak oodu ye ete ye eka esie.”

Nte Brother Jens esibɔŋde-akam ofuri usenubɔk oyom unwam ke ndifiɔk ntuuk eketode Edisana Spirit, kpa nkpɔ eke ekpride ke ndisɔsɔp mkpuhɔ ikaŋ bulb, enye nko esibeŋe man ekpeda enye nte nkpɔ-utom ediɔŋ nditɔ Abasi. Jesn anam ikɔ Abasi nte enye oyomde disana ndausuŋ ke kpukpruusen, odomo ndidot, ekem anam ofuri ukeme esie ke nditiene ndausuŋ kini edide.

Ndinwam Mbon emi edude ke Unana

Se uwutnkpo eke edi-se mbon unana mi. Usen kiet satke president kiet ke Cúcuta Stake ke Colombia akasaŋa ye stake Young Women president ndikise nkaiferi iba—ye mkpon-nkan eyeneka eren mmɔ—emi afanikɔŋ ekesimde mmɔ. Ikebighike ke ete mmɔ akakpa, ndien eka mmɔ ama ebe efep ke isua kiet ke edem. Nditɔ-eka ita emi ekodu ikpɔŋ idahaemi ke ekpri, usuhɔre ufɔk mmɔ. Ekeda eto ye ekpat-ɔkpɔ enam ibibene ufɔk mmɔ, ndien tian ɔkɔm okofuk ebiet emi mmɔ esinade kpɔt.

Ke mmo eme ekekese ekure, mme adausung emi edifiok ete ke mmo eyom unwam. Otode ke ward council, ema enam uduak nditɔŋɔ nnwam mmɔ. Mme adausuŋ ke ward ye eke stake—Relief Society, elders quorum, Young Men, Young Women—ye ediwak ufɔkemana ofuri mmɔ ema ebeŋe-idem ndinwam ufɔkemana emi.

Mme nka ke ward ema esobo ye ediwak mbon ward emi esinamde utom ke itie ubɔb-ufɔk. Ubak-owo enwam ke ndiduri-plan ufɔk, mbon efen enɔ ini ye ndinamutom, mbon efen enam udia, ndien mbon efen enɔŋkpɔ-utom emi ekeyomde.

Ini emi ekebɔpde ekpri ufɔk emi ekure, ekedi usen idara ono mbon emi ekenwamde ye mkpri mbon ward ita emi. Nditɔ-akpa emi ema ekop inem ye ɔsɔŋɔ ebuana eke ward mmɔ ke ndifiɔk ete ke mmimɔ idihe ikpɔŋ ndien ke Abasi odu do ke ofuri ini ɔnɔ mmɔ. Mbon emi ekenwamde ema enyene ima Andinyaŋa enɔ ufɔkemana emi enyuŋ enam-nkpɔ nte ubɔk Esie ke ndinwam mmɔ.

Ndikot Kpukpru owo ete Edibɔ Ikɔ Abasi

Ami nkere ke mbufo eyenem esit ye uwutnkpo eke edikot kpukpru owo ete edibo iko Abasi. Cleiton eke Cape Verde edide isua Efureba ikɔfiɔkke se iditibede oto ke ndikiduk seminary class eke ward esie ke usen kiet. Edi uwem esie ye uwem mbon eken ama ɔkpuhɔ ke nsinsi koro enye ama anam oro.

Cleiton, diana ye eka ye mkpon-nkan eyeneka eren esie, ema ebemiso eduɔk-mmɔŋ eduk ufɔk Abasi, edi ufɔkemana mmɔ ema etre ndisika ufɔk Abasi. Edinam esie ke ndika seminary kpɔt ekedi nte mfiak-ntɔŋɔ ɔnɔ ufɔkemana emi.

Mme iwaad eken ke class seminary ema enem-esit enyung edara. Mmɔ enam Cleiton okop inem ndien esɔŋɔ enye idem ke ndidi edinam efen. Enye ama anam ntre ndein ikebighike ɔtɔŋɔ ndika mme mbono ufok Abasi eken. Eti bishop kiet ama okut ndaha spirit ke idem Cleiton onyung okot enye edi-di andinwam imɔ. “Tɔŋɔde kini oro,” Bishop Cruz ete ke, “Cleiton akabare edi uwutnkpɔ ye ɔsɔŋɔ ɔnɔ mme iwaad eken.”

Akpa owo emi Cleiton okokotde ete afiak edi ufɔk Abasi ekedi eka esie, ekem okot mkpon-nkan eyeneka eren esie. Ekem enye ɔtɔŋɔ ndikot mme ufan esie. Kiet kotu ufan oro ekedi Wilson, akparawa emi ekedide ukem isua esie. Ke enye osobode ye mme missonary ke ata akpa ini, Wilson ama enyime ndiduɔk-mmɔŋ. Mme missionary ema ekop inemesit enyung edighe kadanga ibat ukpep se Cleiton akabuana ye Wilson.

Utom Cleiton ikikureke do. Enye ama anwam mbon mfiak-edem eken ndifiak-ndi, diana ye ndibuana ikɔ Abasi ye mme ufan ekeedu-ukpono efen. Mfin emi ward oro enyene ɔsɔŋɔ iwaad Edip-ye-ition, ye eti seminary program, enehede ekɔm ukeme Cleiton eke ima, ebuana, ye edkot. Cleiton, ye mkpon-nkan eyeneka esie eren, Cléber, mbiba ke ebeŋe-idem ndika mission.

Ndidian Ufɔkemana ke Nsinsi

Akpatre, yak ami mbuana inem uwutnkpo kietkabanga ufokemana edidiana-kiet ke nsinsi. Lydia emiotode Kharkiv, Ukraine, ekekpep ke akpa ini abaŋa temple oto mme missionary. Usɔp-usɔp,Lydia edinyene udɔŋ ndika temple, ndien ke anade baptism oure, enye ɔtɔŋɔ mbeŋe-idem esie ndibɔ temple recommend.

Lydia ama aka Freiburg Germany Temple man ndikibɔ endowment esie ndien odu do ke ediwak usen ke ndinam utom nnɔ mme akpa-mkpa do. Ke ediɔŋde Kyiv Ukraine Temple ekure, Lydia ama esiwak ndika temple. Enye ye ebe esie, Anatoly, ema edian ndɔ ke nsinsido ndien ekem ekot mmɔ nte temple missionaries. Mmɔ ɔtɔkiet ekut mme enyiŋ mbon-ntɔŋɔ-ubon akande Tosin Efut ndien ke enam utom man enam mme edinam temple enɔ mmɔ.

Kini ebupde enye ekikere kabanga utom temple, Lydia ɔbɔrɔ ete, “Nso ke ami nkɔbɔ ke temple? Ami mmenam ediomi ye Abasi. Ikv ntiense mi enyene nsongonda. Ami mmekpep ndibɔ eriyarare eke idem mi. Ami mmekeme ndinam mme edinam erinyanga-ukpong nno mbon ntongo ubon mi. Ndien ami mmekeme ndima nnyung nnwam mbon owo efen.” Enye editre ye akpaniko udim-iko emi ete ke: “Abasi oyom edikut nnyin ke temple mfin emi.”

Akpatre

Ami mmokop inemesit oto ke mfonido eke mbon Latter-day Saints emi, owo kiet-kiet ye isio-isio ye oruk ebietidung, emi etingde-ebanga ke mbuk inang emi. Ekeme edikpep ediwak eto mme iboro nkpo-ntibe emi edide oto ke ndinam mme mkpri ukpepnkpo eke iko Abasi. Kpukpru se mmo ekenamde okodu ke se nnyin ikenamde nko.

Yak nnyin inam iko Abasi emi emem ke nte nnyin idade mmem-mmem ndisana ubiɔŋ nnyin emi enɔde: Ndi nam iko Abas Jesus Christ man otodo idiongo mme ntuuk, ukem nte Jens akanamde ke Denmark. Man inwam mbon unana, ke nte mbon ufok Abasi ke Cúcuta Stake ke Colombia ekenamde ke ndibop ufok nno ndito-akpa mbon ward oro. Man ikoot kpukpru owo ete edibo iko Abasi, ke usung emi Cleiton eketode isuo idut Africa eke Cape Verde akanamde ye ufan ye ufokemana esie. Akpatre, man ibop ufokemana ke nsinsi, nte Sister Lydia eketode Ukraine okowutde, oto ke mme edinam temple, utom family history, ye utom-unwam esie ke temple.

Ndinam ntre eyenehede ada idara ye emem edi. Kemi ke ami nwongo nnyung nting iko ntiense—ye kabanga Jesus Christ nte Andinyanga nnyin ye Andifak nnyin—ke enying Jesus Christ, amen.