Emenede Unwana Mbufo Ke Enyong
Ikoot mi mfin edi mmem-mmem: ebuana iko Abasi. Di idem fo yung menede unwana fo ke enyong
Nte ami nkade isang ke Peru ke esisit mme isua emi ekebede, ami nketie mkpere owo kiet emi enimde ete ke Abasi iduhe. Enye ama obup Mi ntak ee ami nnimde Abasi ke akpaniko. Ke inem nneme emi akadade itie, Ami mma ndoho enye nte ke Ami nnim Abasi ke akpaniko koro Joseph Smith ama okut Enye— nnyung ndian do nte ke ifiok mi kabanga Abasi okoto se nkutde ke spirit nno idem mi. Ami mma buana ye enye se ami nnimde nte ke “kpukpru nkpo owut ete ke Abasi odu” 1 nnyung mbup enye ntak emi enye enimde ete ke ererimbot—kpukpru nti uwem emi ke ofuri ukpok ebiet—akanam didie edidu. Enye oboro ete, ke iko esie, “mbuari nkpo-ntibe emi”, ekeme edidi eketibe ke ata anyan ini ke edem. Ke ini ami nnamde anwanga enye nte ke “mbuari nkpo-ntibe emi” ikemeke ndino uto uyai ye ubononkpo ke nde emi , enye ama odop uyo ke ekpri ini ndien edoho ete “Afo emeyene mi.” Ami mma mbup mme enye akpama ndikot Nwed Mormon. Enye odoho ke imo ikpama, ke ntre ami mma nno Nwed Mormon kiet esok enye.
Ke ediwak isua ebede ami mma nnyene obufa ufan kiet ke ini ndude ke anwa ubom-ofum ke Lagos, Nigeria. Nnyin ike imehe ke ini enye ekesede nwed uka-isang mi. Ami mma mbup enye se enye enimde ke akpaniko abanga edu-ukpono, ndien enye ama eting abanga akwa mbuotidem esie ke Abasi. Ami mma mbuana ye enye mbanga idara ye odudu eke mfiak-nda-ndi iko Abasi Jesus Christ ndien mbup mme enye akpama ndikpep mme nkpo efen nto mme okworo-iko Abasi. Enye ama oboro ihn, ndien ema ekpeb enye nkpo, enyung enim enye baptism. Ke isua kiet mme iba ebede, nte ami nsangade ke anwa ubom-ofum ke Liberia, ami nkop uyio kiet nte okotde enying mi. Ami nwongode, ndien kpa akparawa oro asanga ebine mi ye akwa imam ke iso esie. Nnyin ima ifat kiet eken ke idara ndien enye anam mi ndiongo nte ke imo isuk ikaka-iso ke Ufok Abasi ndien imo ikanam utom ye mme okworo iko Abasi ndikpeb ufan esie nnwan iko Abasi.
Idahaemi,ami mfiokke mme ufan mmi emi minimke Abasi ke akpaniko ama okot Nwed Mormom mme enye ama oduk Ufok Abasi. Udiana ufan mmi ama okot. Ke mbiba, utom mmi 2 eti ifet mmi—ekedi ukem-ukem: emenede unwana iko Abasi ke enyong—ke ndima, ndibuana ye ndikoot mmo kiet-kiet ke nkanga-nkanga, eti usung. 3
Ndito eka iren ye iban Ami mmokut edidiong ke ndibuana iko Abasi, ndien mmo ekpon eti-eti. Se mme esisit ekikere ifang mi:
Ndibuana Iko Abasi Emen Idara ye Idorenyin Edi
Nte ofo okutde, afo ye Ami imofiok ite ke nnyin ikidung nte ndito eke Ete nnyin ke Heaven mbemiso nnyin ikedi isong emi 4 ndien ke ekebot ererimbot ke ntak ndino owo kiet-kiet eti ifet ndibo ikpokidem, ndibo ifiok, mbo ukpeb nnyung nkori man ekeme ndibo nsinsi uwem—uwem eke Abasi. 5 Ete eke Heaven ama ofiok ke nnyin iyebo ufen inyung inam idioknkpo ke isong, ke ntre Enye ama odong Eyen Esie, emi “anana-ukem uwem” 6 ye nsinsi uwa usio-isop esie 7 anam nnyin ikeme ndibo erifen-nno, ukok, enyung enam ikabare ifon ima. 8
Ndifiok mme akpaniko emi edi se ikemede ndikpuho uwem! Ke ini owo ekpebde abanga akpakib nti uduak abangade uwem, edi fiok ete ke Christ eyefen ono onyung anwam mbon emi etienede enye ,ndien enye emek nditiene Christ nduk mmong baptism, uwem okpuhode onyung eneghede ofon—ekpededi ndaha uwem ikpuhoke.
Eyen-eka nnwan kiet emi okoyohode ye inemesit ami nkesobode ke Onitsha, Nigeria, ama odoho mi ete ke tongo ke ini emi imo ikikpepde ikoabasi inyung ina baptism,(ndien idahaemi ami nting nte enye eketingde) “Kpukpru nkpo edi eti ono mi. Esit enem mi. Ami ndu ke heaven.” 9 Ndibuana iko Abasi edemede idara ye idorenyin ke ukpong andino ye andibo. Ke akpaniko, “idara fo edikpon didie” 10 nte afo abuanade iko Abasi! Ndibuana iko Abasi edi idara ke idara, idorenyin ke idoroenyin. 11
Ndibuana Iko Abasi Ada Odudu Abasi esin Ke Uwem Nnyin
Ke ini nnyin ikinade baptism, nnyin kiet kiet ima iduk nsinsi 12 ediomi ye Abasi ndinam “utom nno enye nnyung nnim mbet esie,” 13 emi esinede “ndida nte mme ntiense [Esie] ke kpukpru ini, ye ke kpukpru ebiet” 14 Nte nnyin “idangde ke” Enye ke ndinim ediomi emi, esin-uwem, mmum-nkama, edinam-asana odudu nditie nte Abasi ofioro oto Christ oduk uwem nnyin, kpa nte nkok obode udia oto eto-vine. 15
Ndibuana Iko Abasi Ekpeme Nnyin Osio Ke Idomo.
Jehovah ono ewuho ete:
“Emenede unwana fo ke enyong man enye anyama ono ofuri ererimbot. Sese Ami ndi unwana emi afo edimenede ke enyong—oro okutde nte ami nnamde. …
“…Ami mmeno ewuho nte … afo eyesanga ebine mi, man afo okop onyung okut, kpa ntre ke afo edi-nam ino ererimbot, owo ekededi emi abiatde ewuho emi ayak idem esie esin ke idomo.” 16
Ndimek nditre ndimenere unwana iko Abasi ke enyong ada nnyin aka mbukpong, emi nnyin ikemede ndisop nduo nduk idomo. Ke akpan, ndikabare enye edi akpaniko, ndimek ndimenere unwana iko Abasi ada nnyin oyoho-oyoho esin ke unwana ye ukpeme oro enye onode abanga idomo. Nsouto akwa edidiong edi emi ke ererimbot mfin emi!
Ndibuana Iko Abasi Ada Ukok Udongo Edi
Sister Tiffany Myloan ama onyime ikoot ndiwam mme okworo ikoabasi okposukedi enye eke enyenede ata ndodobi mfina eke idemesie, nkoro ye mbume ke abanga edu ukpono esie. Mmi-mmi- emi enye odoho mi ete ke ndinwam mme okworo iko Abasi ama edemede mbuotidem ye ifiok nsongidem esie. Ke mme ikɔ esie, “ Utom ukwɔrɔ-ikɔ enehede edi ukok udongo.” 17
Idara. Idorenyin. Iberedem odudu emi otode Abasi. Ukpeme nsio ke idomo. Edikok udongo. Kpukpru emi—ye ediwak efen (esinede erifen nno ke idioknkpo) 18 —ekeotode heaven osuhore odoro mmo ke idem kini nnyin ibuanade iko Abasi.
Idahaemi, ke Ndiwongode nse Akwa Eti-ifet Nnyin
Ndito-eka iren ye iban, ediwak owo edu ke ufot “kpukpru … mme nka, otu ikot Abasi ye ke otu nsio-nsio edu ukpono … emi edipde mmo akpaniko koro mmo mifiokke ebiet mmo ekpeyomde ekut.” 19 Ufon ndimenere unwana mfiak-nda-ndi iko Abasi Christ akananam ikponke ntem ke ofuri mbuk ubon owo. Akananam usung ndibo akpaniko idighe mmem-mmem ikan nte edide idahaemi.
Jimmy Ton, emi eke okokoride nte owo edu ukpono Buddhist, ama okop inemesit abanga ufokemana kiet emi eke buanade nte mmo edude uwem ke YouTube. Ke ini enye ofiokde ete ke mmo edi mbon Ufok Abasi Jesus Christ eke Mme Latter-Day Saints, enye ke ama ekpeb ikotabasi ke online ke idem esie, akama app okot Nwed Mormon, onyung ana baptism ke enye ama okosobo ye mme okworo iko Abasi ke ini enye akade akamba ufok nwed. 20 Elder Ton idahaemi edi okworo iko Abasi eke ofuri-ini ke idem esie.
Enye ye mme nsanga ukworo-iko esie ke ererimbot edi mbon nka-ekong Abasi— ke nditing nte prophet nnyin eketingde 21 Mme okworo-iko emi enwam nditre usung emi nkpo akade iso ke ererimbot: ke ini ndungode owutde ete ke Gen Z ke ewongode ekpong Abasi, 22 mkpri anwana-ekong nnyin 23 ebio owo ye ndito-eka iban ke ekaka iso ndiwongode mbon owo nno Abasi. Ediwak mbon ufok Abasi ke eka iso ndidiana ye mme okworo-iko Abasi ke ndibuana iko Abasi, enyung enwam ediwak mme ufan mmo ndidi mbine Christ ye Ufok Abasi Esie.
Mbon Latter-day Saints ke Liberia ema enwam ibat ufan mmo 507 ndiduk mmong baptism ke ufang ofiong Duop emi mme okworo-iko Abasi eke ofuri-ini mikiduhe ke idut mmo. Ke ini kiet kotu nti stake presidents nnyin kiet do okokopde ete ke mme okworo iko Abasii eyetongo ntak edi, enye odoho ete: “Oh ofon, idahaemi mmo ekeme ndinwam nnyin ke utom nnyin .”
Eny enen: nditang Israel mbok—mkpon-nkan utom ke ererimbot 24 edi utom ediomo nnyin. Ndien ini nnyin edi emi! Ikoot mi mfin edi mmem-mmem: ebuana iko Abasi. Di idemfo yung menede unwana fo ke enyong Bong akam yom unwam heaven ndien tiene mme ntuk-spirit. Buana usung nte afo odude uwem ke nkanga-nkanga ye ke usung eke obot, koot owo efen ete edi edise, edi ediwam, enyung edi ediduk. 22 Ndien ekem dara nte afo ye mbon emi afo amade ebode mme edidiong emi ekenwongode.
Ami mmofiok nte ke Christ ke ema ebuk mme nti mbuk emi eno mbon nsuk-esit; ke christ ema ebop mmo eke esit mmo obungode, ndien ke Christ ema ekworo uworo-ufin eno mbuot ekong, ndien ke Christ, ke Christ ikpong-ikpong, ke mbon eke etuade ke eno anyanya ke ibuot ntong. 26 Ke ntre, akwa ufon odu ke ndinam efiok ebanga mme nkpo emi! 27
Ami nting iko ntiense nte ke Jesus Christ edi ntongo ye utit mbuotidem nnyin. 28 Enye eye anam ofon ama, Enye eye anam ekem, edisin mbuotidem nnyin ke utom—okposukedi nte enye mmeifonke ima—ke ndimenere unwana iko Abasi ke enyong. Enye eyenam mme utibe nkpo ke uwem nnyin ye ke uwem kpukpru mbon emi enye atangde obok, koro Enye edide Abasi utibe nkpo. 29 Ke utibe enying Jesus Christ, amen.