![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F90%2F72%2F907252249de73f5e262550a3ad3e8189646130d2%2F907252249de73f5e262550a3ad3e8189646130d2.jpeg/full/!250,/0/default)
Umi mbaʼe che ángapegua
¿Mba’épa umi mba’e pejepy’amongetávare? ¿Mba’épa umi mba’e añetehápe imba’eguasúva peẽme ĝuarã? ¿Mba’épa umi mba’e pene angapegua?
Che hermano ha hermanakuéra, aime jeývo ko centro de conferencia jahayhuetévape che mandu’a apostol Pedro ñe’ẽnguérare: “Ñandejára, iporã oréve ĝuarã roĩ ko’ápe.”1
Umi che akãngeta ko árape oñesentra proféta Nefi ñe’ẽnguérape, oguerahava’ekue itavayguakuéra rehegua jehaipyre itúva Lehi omano rire. Nefi ohai: “Ha koʼãva ári ahai umi mbaʼe che ángapegua”2
Ahasa jepi umi versículo-re apensávo pe ñe’ẽ mba’e ndaha’éi iporãite ni ijespirituálva, ni ndatuichaporãi oñekombina haĝua “che ánga” rehe. Upevére, ahechakuaa upe ñe’ẽ mba’e ojeipuruha 2.354 vése Escriturakuérape.3 Tembiecharã, Moisés-pe: “Che ha’e Ñepyrũmby ha Ipaha, Tupã Ipu’akapáva; che Unihénito rupive ajapo ko’ã mba’e.”4 Ha Nefi ñe’ẽnguéra: “Péina ápe, che ánga hory Ñandejára mbaʼekuérape; ha che korasõ ojepyʼamongeta meme umi mbaʼe ahecha ha ahenduvaʼekuére.”5
Nefi ñe’ẽnguéra omopu’ã umi porandu: “¿Mba’épa umi mba’e pejepy’amongetávare?” “¿Mba’épa umi mba’e añetehápe imba’eguasu peẽme ĝuarã?” “¿Mba’épa umi mba’e pene angapegua?”
Umi mba’e ñane angapegua py’ỹi hesakã ha oñembopypuku ñeporandu rupive.
Ko pandemia aja che’aty mitãrusu opa ko mundo jereregua ndive heta devocional-pe, tuicha ha michĩvape, transmisiõ ha redes sociales rupive, ha roñomongetákuri iporandukuérare.
José Smith mitãrusu 14 añogua, orekókuri peteĩ porandu hi’ánga pypukúpe, ha ogueraha upéva Tupãme. Presidente Russell M. Nelson omoĩ énfasis: “Pegueraha pene porandu Ñandejárape ha ambue fuente añetéva. Pe’estudia pegueroviasévo petopaserangue peteĩ falla pe proféta rekovépe térã joavy Escriturakuérape. Ani pembokakuaa umi pende duda peñomongetávo umívare … umi oguerovia’ỹva ndie. Peheja Ñandejára tapendegia pende descubrimiento espiritual rapére.”6
Umi mitãrusu py’ỹi oporandu chéve mba’épa aguerovia ha mba’érepa.
Chemandu’a avisita hague virtualmente peteĩ mitãkuñame hógape. Aporandu chupe kóvapa peteĩha jave peteĩ apóstol oĩhague hógape. Pya’e opukavy ha ombohovái: “heẽ”. Iporã Iporandu chéve ĝuarã: “Mba’épa umi mba’e imba’eguasuvéva che aikuaava’erãha?”
Ambohovái “umi mba’e che angapegua,” reheve, umi mba’e chembosako’íva ahendu haĝua umi temiandu, ohupíva che resa yvateve ko mundo rapégui, ome’ẽva propósito che rembiapo pe evanhéliope ha che rekovépe voi.
¿Ikatúpa akompartimi penendive “umi mba’e che angapegua”? Ko’ã mba’e oje’aplika opa umi oñeha’ãvape ha’e haĝua Jesucristo discípulo añetéva. Diez ha’éne peteĩ número redondo porã. Ko árape ame’ẽta peẽme siete aha’arõvo pekompleta 8, nueve ha diez pende experiencia teégui.
Peteĩha, pehayhu Tupã pe Túvape ha Jesucristo ñande salvador-pe
Jesús ome’ẽ pe peteĩha tembiapouka guasu: Ehayhúta Ñandejára ne Tupãme opa ne korasõ, ha opa ne ánga ha opa ne apytu’ũ reheve.”7
Presidente Nelson omomarandu idevosiõ Tupã, ñande Ru Yvagauápe, ha Ita’ýra Jesucristo-pe, oñehenói vove oisãmbyhy haĝua Ñandejára tupao, he’ívo: “Che Aikuaa Chupekuéra, ahayhu Chupekuéra, ha añekompromete aservívo Chuepekuéra ha peẽme, opa che rekove opytáva chéve reheve.”8
Upéicha, peteĩha, pehayhu pe Túva ha Ta’ýrape.
Mokõiha: “Ehayhu nde rapichápe.”9
Péva ndaha’éinte peteĩ idea porã; ha’e pe tembiapaoukapy mokõiha. Pende rapicha ha’e pene ména terã rembireko ha familia, umi barrio-gua miembrokuéra, pene irũ mba’apohapegua, umi oikova penendie, umi ndaha’éiva ñande jerovia rehegua, umi oikotev͂eva peteĩ po oipytyvõva, ha añetehápe, opavave. Upe purahéi “ Amad a otros” ohechauka pe “Ehayhu nde rapichápe” esencia.”10
Presidente Nelson ñanemomandu’a: “Jahayhúrõ Tupãme opa ñane korasõ reheve, Ha’e ombojere ñane korasõ ambuekuéra ñeimeporã gotyo.”11
Mbohapyha, ejehayhu ndejupe.
Kóva ha’e pe hasýva hetápe ĝuarã. ¿Ndaikuriósoipa jajehayhu ñandejupe hasyveha jahayhúgui ambuekuérape? Upevére Ñandejára he’íkuri: “Ehayhu nde rapichápe ndejupéicha.”12 Ha’e ovalora pe divinida oĩva ñandepype, ha upéicha jajapova’erã avei ñande. Jajekarga vove jejavy pohýi reheve, korasõrasy, katupyry’ỹ ñeñandu, desilusiõ, pochy térã angaipa reheve, pe Salvador expiasiõ pu’aka ha’e designio divíno rupi, peteĩ mba’e omopu’ãva pe ánga.
Irundyha, peneñe’ẽredu Tembiapoukapykuérare.
Ñandejára omohesakã porã: “Pecherayhúrõ, peneñe’ẽredu che rembiapoukapykuérare.”13 Peñeha’ã ára ha ára ha’e ha pejapo porãve haĝua ha peho haĝua tenode gotyo tekojojápe.
Quinto, tapenderekojoja tapiaite peike haĝua templo-pe
Che ambohéra, Ñañerrekomendaha Ñandejárare. Taha’e reguereko acceso peteĩ templo-pe térã nahániri, nderekojojárõ reguereko haĝua peteĩ recomendación vigente neñongatu atã centrado umi mba’e imba’eguasu añetévape, konveniokuéra rapépe.
Sexto, pevy’a ha penderorykuaa.
Ñandejára he’i’akue: “Upévare, penderorýke, ha ani pekyhyje,”14 Mba’ére? ¿Mba’éichapa, umi py’ara’ã ñanera’ã mantérõ? Upe promesa rupi Jesucristo ojapova’ekue ñandéve: “Che, Ñandejára aimégui penendive, ha apytáta penendive.”15
Presidente Nelson odescribi pe evanhélio rrestaurado “peteĩ vy’apavẽ mensáhe”! ramo16 Ha omohesakã: “Pe vy’apavẽ ñañandúva ndoguerekói heta relación umi mba’e ojehúvare ñande rekovépe, ha katu oguereko heta relación pe enfóke jarekóva ñande rekovépe.”17
Sétimo, pesegui Tupã oikovéva Profétape.
Kóva ikatu oĩ sétimo hendápe che lista-pe ha katu oĩ yvatete che akãme imba’eguasúpe ko’ã árape.
¡Jaguereko peteĩ Tupã proféta yvy ári ko árape! Ani penderesarái araka’eve upéva he’iséva peẽme ĝuarã. Penemandu’ámi upe mitãkuña añe’eva’ekuégui ñepyrũrã. Ha’e oikuaase mba’épaumi imba’eguasuvéva. “Esegi pe proféta oikovévape” ha’ékuri upéramo ha ha’e jey jey ko árape.
Jajehechakuaa peteĩ tupaóicha oñeisãmbyhýva proféta, vidénte ha rreveladores rehe, Tupãre oñehenóiva ko’ã árape ĝuarã. Apromete peẽme pehendu ha pesegirõ hekombo’ekuéra, araka’eve napesẽmo’ãi tape porãgui. ¡Araka’eve!
Jaiko peteĨ épokape “jajegueraháva agotyo pégotyope,”18 espiritualida, decencia, integrida ha respeto oĩháme atáke guýpe Jaiporavova’erã. Jaguereko Tupã ñe’ẽpu Iprofeta rupive okalma haĝua ñande kyhyje ha omopu’ã haĝua ñane akã, Presidente Nelson oñe’ẽrõ ha’e oñe’ẽgui Ñandejára rérape.
Jajehovasa jarekóvo umi escritura ha tekombo’ekuéra ñanemomandu’áva: “Che remiandu ndaha’éi pene remiandúicha ha pende rape ndaha’éi che rapéicha, he’i Ñandejára.”19
Upéicha oikókuri Naamán ndie, peteĩ líder militar guasu Siria-pe, ha katu ileproso, oje’évape proféta Eliseo ikatuha omonguera chupe. Eliseo he’i hembiguáipe te’i Naamán-pe tojejohéi siete vése ysyry Jordán-pe ha okuerátaha. Naamán oñembohory. Añetehápe oĩ ysyry imbaretevéva pe Jordán-gui, ha ¿mba’ére piko ombou hembiguáipe ha’e oha’arõrõ Eliseo, pe profétaite tomonguera chupe? Naamán oho, ha katu hembiguaikuéra okonvense chupe: “Pe proféta he’írõ ndéve rejapo haĝua peteĨ mba’e tuicháva, ¿nderejapomo’ãi piko?”20 Ipahápe Naamán oñapymi siete vése pe Jordán-pe ha okuera.
Pe Naamán ñemombe’u ñanemomandu’a umi peligro oĨva jaiporavórõ umi tekombo’e profético-gui umi pehẽngue ohoporãvánte ñane remiandu, rembipota térã ko’áĝagua normakuérare. Ñande proféta ohechauka meme ñandéve ñande ysyry Jordán ñañemomguera haĝua.
Umi ñe’ẽ imba’eguasuvéva ñahendukuaa, jajepy’amongeta ha jasegikuaáva ha’e umi ojerreveláva ñande proféta oikovéva rupive. Ame’ẽ testimonio aguapyhague konséhope Presidente Nelson ndie rohesa’ỹijo haĝua tupaogua ha múndogua mba’ekuéra imba’eguasúva, ha ahechahague rrevelasiõ osyrýrõ ha’e rupive. Ha’e oikuaa Ñandejárape, oikuaa Hapekuéra ha oipota opavave Tupã ra’ykuéra tohendu Chupe, pe Ñandejára Jesucristo.
Heta ary aja ñahendu pe profétape mokõi vese káda áño conferencia general-pe. Ha katu umi asunto hasyvégui ko’ã ñande árape, presidente Nelson oñe’ẽ py’ỹive umi foro-pe21 redes sociales,22 devocionales,23 ha jepe umi reunión de prensa informativa-pe.24 Ahecha chupe opreparávo ha opresentávo umi mensahe rrevelador pypuku omokyre’ỹvéva aguyje ñeme’ẽ, tajajoajúve ñane hermano ha hermanakuéra ndie ko yvy ári, ha toĩve py’aguapy, ñeha’arõkuaa, vy’apavẽ tesãi ha ñemonguera ñande rekove personal-pe.
Presidente Nelson ha’e peteĩ comunicador ikatupyryetéva, ha katu imba’eguasuvéva ha’e peteĩ Tupã proféta. Iñasombróso ñapensarõ upévare, ha katu imba’eguasuvéva tajahechakuaa isãmbyhy hesakã ñanemo’ãtaha opa umi mbotavy, katupyry ha umi forma secular ojeipuruetévagui pe mundo ko’áĝaguápe.25
Pe mánto profétiko oho pe rrevelasiõ rehe. Jesucristo Evanhélio Plenitu Restaurasiõ: Peteĩ Ñemomarandu Múndope g͂uarã Bicentenario rehe”. Oñeme’ẽva Abril 2020 conferencia General-pe, omoĩ énfasis Ñandejára oisãmbyhyha hína ko tembiapo. Ko ñemomarandúpe, Primera presidencia ha Cuórum de los Doce Apóstoles omomarandu: “Vy’a reheve romomarandu upe Rrestaurasiõ oñeprometeva’ekue ohoha tenonde gotyo rrevelasiõ meme rupive. Ko yvy araka’eve ndaha’emo’ãvéima ha’ehaguéicha, Tupã “ombyatýta[gui] opa mba’e Cristo-pe” (tojehecha Efesios 1:10).”26
“Opa mba’e Cristo-pe”27 ha “umi mba’e che angapegua”28 ha’e upe ojetratávagui ko Tupao, ko evanhélio ha ko tavaygua.
Ambopaha peteĩ invitasiõ reheve peteĩ teĩ peẽ tapekonsiderami “umi [siete] mba’e che angapegua” akompartíva penendie koárape: Pehayhu Tupã pe Túva ha Jesucristo, ñande Salvador-pe; pehayhu pende rapichakuérape; pejehayhu pendejupe; peneñe’ẽrendu tembiapoukapykuérare; penderekojoja tapiaite peguereko haĝua peteĩ templo recomendasión; pevy’a ha penderory; ha pesegi Tupã proféta oikovévape. Poinvita pehechakuaa haĝua pende ocho, nueve ha diez-ha. Pekonsiderami mba’éichapa ikatu pekomparti pene korasõ “mba’ekuéra” ambuekuéra ndie ha pemokyre’ỹ chupekuéra oñembo’e, ojepy’amongeta ha oheka haĝua Ñandejára guía.
Umi mba’e che angapegua hepyeterei chéve ĝuarã penemba’e peẽme ĝuarãicha. Ko’ã mba’e omombarete ñande servicio tupaópe ha opa tekove aspecto-pe. Ñanekompromete Jesucristo ndie, ñanemomandu’a ñane konveniokuérare ha ñanepytyvõ ñañeñandu haĝua seguro Ñandejára jyva ári. Atestifika Ha’e oipota ñane ánga “arakaʼeve naiñembyahýi ni ndaijyʼuheimoʼãi, ha katu henyhẽta”29 Imborayhu reheve ñañeha’ãvo ha’e Idiscipulo añetéva, ha’e haĝua peteĩnte Hendive, Ha’e ha’eháicha Túva ndive. Jesucristo rérape, Amén.