Akwa Mboho
Temple ye Itiat Idak-isɔŋ Spirit Mbufo
Akwa Mbono Ɔfiɔŋ October 2021
18:59

Temple ye Itiat Idak-isɔŋ Spirit Mbufo

Etop otode President Russell M. Nelson

President Ufɔk Abasi Jesus Christ mme Ndisan Owo ke Ukperedem Usen

Ke ini ekededi uto mfina ndomo kiet edide ke uwem mbufo, ebiet emi ɔfɔnde akan ndidu ke spiritedi ndidu ke esitmme ediomi temple mbufo!

Ndima nditɔ eka mi iren ye iban, ami mmenem esit ndidu ye mbufo ke usenubɔk emi ke ma buana ekikere mi ye mbufo.

Nte mbufo efiɔkde, akamba utom ke aka iso ke Salt Lake Temple. Akamba utom emi esine ndifiak ndiɔŋ itiat idak-isɔŋ esie, emi okodude ke isua awakde akan ikie. Edi ana nte temple emi ada ebighi akan oro. Ke utit May, mma nkese nte utom akade iso ke ebiet oro. Ami mekere ke ana nte afo ama ndikut se nwan mi Wendy ye ami ikikutde. Ami mekere ke mbufo eyekut ntak ikwɔ oro “How Firm a Foundation” 1 edide obufa ɔnɔ nnyin.

2:4

Ndise otode ebiet utom eke udiong Salt Lake Temple: “Nnyin ise ke ata akpa itiat idakisong eke Salt Lake Temple. Ami nda ke ebiet emi odude ke idak ebiet emi ekedide Garden Room. Nte ami nsede ifiɔk utom ke ofuri ufɔk emi, idem akpa mi abaŋa se mme ada iso ekenamde. Idem akpa mi ke ini nkerede nte ke ekebɔp akamba ufɔk emi ye ŋkpɔ-utom ye ifiɔk emi okodude ke isua ikie emi ekebede mi.

“Ke mme ata ediwak isua emi ama ekebe, edi, edieke itim isede itia idak-isɔŋ emi, nnyin iyikut se ndiɔŋ-edim anamde, mme ufaŋ ke itiat, ye nsio-nsio idaha ke utom itiat.

“Idahaemi nte nsede se nsio nsio mme anam utom ekemede ndinam man efiak esɔŋɔ itiat idak-isɔŋ oro, idem akpa mi eti eti. Utom mmɔ ɔfɔn eti eti!

“Itiat idak-isɔŋ ufɔk ekededi, akpan akpan enye emi okponde ntem, ana nte ɔsɔŋ-idem ekem ndiyɔ unyek isɔŋ, ndiɔŋ-edim, oyobio, ye kpukpru ŋkpɔ esifinade mme ufɔk. Ɔkpɔsɔŋ utom ndisɔŋɔ emi eyemum itiat idak-isɔŋ edisan temple emi akama ke ediwak isua.”

Nnyin isuhɔke ŋkpɔ ndomo kiet ndinɔ temple emi, emi akade iso enyene mmem-idem, itiat idak-isɔŋ emi edisɔde idem tutu Millennium. Ke ukem usuŋ oro, edi ini nnyin ndinam saŋa-saŋa utom—utom emi nnyin minamke akpa—man isɔŋɔ itiat idak-isɔŋ eke spirit nnyin inɔ idem nnyin. Ɔkpɔsɔŋ ini oyom ɔkpɔsɔŋ utom.

Ndima nditɔ eka mi iren ye iban, ini emi edi ukpere-edem usen. Edieke anade ete ami ye afo ikan mme ukut ye idomo emi edide, ana nte nnyin kiet kiet inyene ɔkpɔsɔŋ itiat idak-isɔŋ eke spirit emi ebɔpde ke enyɔŋ itiat Andifak nnyin, Jesus Christ. 2

Ke ntre ami mbup mbufo kiet kiet nte, didie ke itiat idak-isɔŋ mbufo ɔsɔŋ? Ndien ewe ɔsɔŋɔ ke ikɔ ntiense ye ifiɔk ikɔ Abasi mbufo ke eyom?

Temple odu ke ufɔt ndisɔŋɔ mbuɔtidem ye uwem spirit nnyin koro Andiyaŋa ye ukpep-ŋkpɔ Esie edi ata akpan akpan enɔ temple. Kpukpru mme ŋkpɔ emi ekpepde ke temple, oto ke item ye ke Spirit, enam ifiɔk nnyin abaŋade Jesus Christ ɔkɔri. Mme akpan edinam Esie edian nnyin ye Enye oto ke mme ediomi itie oku. Ndien, nte nnyin inimde mme ediomi nnyin, Enye ɔdiɔŋ nnyin ye edikɔk Esie ye, odudu Esie. 3 Ndien oh, nnyin iyiyom odudu Esie ke mme usen iso.

Eŋwɔŋɔ enɔ nnyin ete ke “edieke [nnyin] ibeŋede idem [nnyin] idifeheke ndik.” 4 Eŋwɔŋɔ emi ɔwɔrɔ akamba ŋkpɔ mfin emi. Abasi ɔdɔhɔ ete ke misehe mme mfina eyo emi, mbon emi edoride itiat idak-isɔŋ mmɔ ke Jesus Christ, enyuŋ efiɔkde nte ekamade odudu Esie, inaha ebak mme saŋa saŋa mfina ke eyo emi.

Mme Edinam ye mme Ediomi eke Temple edi ŋkpɔ eset. Abasi ama ɔnɔ Adam ye Eve item ete ebɔŋ akam, enam mme ediomi, enyuŋ enɔ mme uwa. 5 Ke akpanikɔ, “ini ekededi emi Abasi enyenede mme owo ke ererimbot emi ekopde item Esie, enɔ mmɔ uyo ete ebɔp mme temple.” 6 Mme akpan ŋwed ikɔ Abasi eyɔhɔ ye mme ukpep-ŋkpɔ temple, ɔfɔŋ, usem, ye ediwak ŋkpɔ efen. 7 Kpukpru ŋkpɔ emi nnyin inimde ye kpukpru ŋkpɔ emi Abasi ɔŋwɔŋɔde ɔnɔ mbon ediomi Esie edidiana kiet ke temple. Ke ofuri eyo, temple ɔsɔŋɔ akpan akpanikɔ ete ke kpukpru mbon emi enamde mme ediomi ye Abasi enyuŋ enimde mmɔ edi nditɔ ediomi.

Ke ntre, ke ufɔk Jehovah, nnyin imikeme ndinam mme ukem ediomi emi Abraham, Isaac, ye Jacob ekenamde ye Abasi. Ndien nnyin imikeme ndibɔ mme ukem edidiɔŋ oro.

Temple Kirtland ye Nauvoo

Mme temple edu ke eyo emi tɔŋɔ ke eset. 8 Elijah ama ayak ukpɔhɔre odudu ndidian kiet ɔnɔ Joseph Smith ke Kirtland Temple. Ema efiak emen uyɔhɔ itie oku edi ke Nauvoo Temple. 9

Tutu mkpa eti ŋkpɔ esie, Joseph Smith ama aka iso ɔbɔ mme eriyarare emi akafiakde emen mme edinam edidiɔŋ ye edidian kiet edi. 10 Edi, enye ama ɔfiɔk ete ke eyom ete etim enam. Ke ini enye ama ɔkɔnɔ Brigham Young edidiɔŋ ke May 1842, Joseph ama ɔdɔhɔ Brigham ete, “Idighe nte ekpenamde edi emi, edi nnyin iminam ukeme nnyin ke nte nnyin ikutde idem nnyin ndien moyom nte afo aka iso anam onyuŋ etim kpukpru mme edinam emi anam.” 11

Ke ini Prophet ama akakpa, President Young ama okut ete ke ebɔp Nauvoo Temple ema 12 ndien ama ɔbɔp mme temple ke Utah Territory. Ke ini ekediɔŋde mme isɔŋ-isɔŋ ufɔk ke St. George Temple, Brigham Young ama etiŋ abaŋa ndisɔp nnam utom nnɔ mbon emi ekekpade ke ini enye ɔkɔdɔde ete, “Ke ini nkerede mbaŋa ŋkpɔ emi, nyom edeme obuma itiaba edemede mme owo.” 13

Tɔŋɔ ke ini oro ka iso, ema eneghede mme edinam temple enam. President Harold B. Lee ama anam aŋwaŋa ntak emi mme usuŋ, mme item, ye mme edinam temple akade iso ɔkpuhɔ ke Ufɔk Abasi Andinyaŋa emi ekefiakde emen edi. President Lee ama ɔdɔhɔ ete: “Mme ukpep-ŋkpɔ ikɔ Abasi Jesus Christ edi edisana. Owo ikpuhɔke mme ubono-ŋkpɔ ye [ukpep-ŋkpɔ] Ufɔk Abasi ibɔhɔke Jehovah ɔkpuhɔ oto eriyarare. Edi mme usuŋ ekpuhɔ nte ebɔde nda-usuŋ eto mbon emi edade ibuot ke ini oro.” 14

Kere mbaŋa nte edinam udia-Ɔbɔŋ ɔkpuhɔde ke mme isua emi. Ke edem, ekesinɔ otu owo mmɔŋ udia Ɔbɔŋ ke akamba cup kiet. Kpukpru owo eŋwɔŋ eto do. Idahaemi ikama mme cup emi ekemede nditop nduɔk. Usuŋ ɔkpuhɔ, edi mme ediomi edi ukem.

Kere banga mme akpanikɔ ita emi:

  1. Edifiak-mmen-ndi edi usuŋ, idighe edinam, ndien eyeka iso tutu Ɔbɔŋ ɔtɔŋɔ ntak edi.

  2. Iba: Ata akpan ntak ndibok Israel kiet 15 edi man eda mme edidiɔŋ temple enɔ nti nditɔ Abasi.

  3. Ndien ita: Nte nnyin iyomde usuŋ ndinam uduak oro ɔfɔn, Jehovah ayarare mme usuŋ efen. Nka-iso ke Edifiak mmendi oyom nka-iso ke eriyarare.

Akpa Presidency ye Eboho mme Apostle Duopeba esibup Abasi ediwak ini mme nti usuŋ efen edu ndida mme edidiɔŋ temple nsɔk nditɔ Esie. Nnyin iyom nda-usuŋ kpukpru ini man inyene nnen nnen ye usuŋ kiet kabaŋa item, mme ediomi, ye mme edinam ke temple ke ofuri ererimbot kpa ye nte mme usem ye ido ekpuhɔde.

Ke nda-usuŋ Abasi ye ke ibɔrɔ akam nnyin, ekpuhɔ mme usuŋ unam ŋkpɔ. Enye edi Owo emi oyomde mbufo etim efiɔk ntak emi mbufo enamde mme ediomi. Enye edi Owo emi oyomde mbufo efiɔk ɔyɔhɔ ɔyɔhɔ mme edisana edinam Esie Enye oyom mbufo efiɔk mme ifet, mme eŋwɔŋɔ, ye mme utom mbufo. Enye oyom mbufo enyene enyin spirit ye edidemere emi mbufo minyeneke akpa. Emi ke Enye oyom ɔnɔ kpukpru mbon emi ekade temple, ebiet eke mmɔ ekpeduduŋ.

Mme ukpuhɔ-ŋkpɔ ke mme usuŋ unam ŋkpɔ ke temple, ye mme ŋkpɔ efen emi editienede, edi uwut-ŋkpɔ ete ke Abasi kada Ufɔk Abasi Esie usuŋ. Enye kɔnɔ nnyin mme ufaŋ ndisɔŋɔ mme itiat idak-isɔŋ spirit nnyin ke ndidori uwem nnyin ke Enye ye mme edinam ye mme ediomi ke mme temple Esie. Ke ini emende temple recommend mbufo, mbuŋɔ-esit, ye esit emi oyomde edi ufɔk Jehovah man ekpep, Enye eyekpep mbufo.

Edieke anyan usuŋ, udɔŋɔ, mme mme ŋkpɔ efen ekpande mbufo ndika temple ke esisit ini, ami ndɔhɔ yak etiŋ ke esit mbufo kpukpru ini mme ediomi emi mbufo enamde.

Edieke mumaha kaŋa nte ekade temple, ka kpukpru ini —kutre. Yak Abasi, oto ke Spirit Esie, ekpep onyuŋ ada mbufo usuŋ do. Ami meŋwɔŋɔ nnɔ mbufo nte ke ekpri ini, temple eyedi ebiet ubɔhɔ, emem, ye eriyarare.

Edieke ekpedide mmem-mmem ɔnɔ mi nditiŋ ikɔ iso ye iso nnɔ mkparawa ye mme nkaiferi, mkpebeŋe ntek yak eyom mme adansaŋa emi ekemede ndinam ndɔ ke temple. Mbufo emekeme ndikere mme nso ukpuhɔre ke emi edinam ke uwem mbufo. Meŋwɔŋɔ ke emi ekeme ndinam kpukpru ukpuhɔre! Nte enamde ndɔ ke temple enyuŋ efiakde eka ke ini ke ini, eyebɔ nsɔŋɔ ye nda-usuŋ ke mme mkpe-mbiere mbufo.

Edieke mkpekande ntiŋ-ikɔ ye ofuri ebe ye iban emi midianke ndɔ kaŋa ke temple, mkpebeŋe mbufo nte enam ŋkpɔ man ata akpan edinam uwem. 16 Ndi ukpuhɔre eyedu? Edi edieke mbufo eyomde ndikɔri nyuŋ ndu kiet ke nsi nsi. Ndiyom ndidu kiet ke nsi nsi idinamke enye edi ntre. Edinam mme unyime efen idinamke enye edi ntre. 17

Edieke mkpekande ntiŋ ikɔ ye iren mme iban kiet kiet emi eyomde ndɔ edi ikwe ada-nsaŋa kaŋa, mkpedɔhɔ yak ukubet tutu ananam ndɔ mbemiso ɔbɔ edidiɔŋ ke ufɔk Ɔbɔŋ. Tɔŋɔ idahaemi kpep nyuŋ fiɔk se ɔwɔrɔde ndinyene odudu itie oku.

Ndien mbufo kiet kiet emi enamde mme ediomi ke temple, mebeŋe mbufo nte eyom—ke akam ye ntiŋ-enyin—ndifiɔk mme ediomi ye mme edinam temple. 18 Mme usuŋ spirit eyeberede. Eyekpep nte eberede ikpehe ke ufɔt heaven ye ererimbot, nte edɔhɔde mme angel Abasi ekpeme mbufo, ye nte ekande ebɔ nda-usuŋ eto heaven. Nsin-ifik mbufo ndinam ntre eyenwam onyuŋ ɔsɔŋɔ itiat idak-isɔŋ spirit mbufo.

Ndima nditɔ eka mi iren ye iban, ke ini ekurede ndidiɔŋ Salt Lake Temple, ebiet ididuhe emi edifɔnde ikan esit temple ke unyek-isɔŋ ama edi ke Salt Lake Valley.

Ke ukem usuŋ oro, ke ini mfina ndomo kiet edide ke uwem mbufo, ebiet emi ɔfɔnde akan ndidu ke spirit edi ndidu ke esit mme ediomi temple mbufo!

Mbɔk enim ke akpanikɔ ke ini ndɔhɔde nte ke ini ebɔpde itiat idak-isɔŋ spirit mbufo ɔsɔŋ ke Jesus Christ, ke mbufo inyeneke ntak ndifehe ndik. Nte mbufo enamde akpanikɔ ye mme ediomi emi ekenamde ke temple, odudu Esie eyesɔŋ mbufo idem. Ndien, ke ini unyek-isɔŋ spirit edide, mbufo eyekan eda ye odudu ke ntak emi itiat idak-isɔŋ spirit mbufo edide ɔkpɔsɔŋ inyuŋ isikke.

Ami mmema mbufo, ndima nditɔ eka iren ye iban. Mme akpanikɔ emi ke ami mfiɔk: Abasi, Ete nnyin ke Heaven, oyom mbufo emek ndidi ntiene Enye. Uduak Esie kabaŋa nkɔri nsinsi isɔŋke, ndien okpono unen mbufo ndimek. Mbufo emenyene unen ndimek se eyomde ndidi—ye owo eke eyomde ndidu kiet—ke ererimbot emi edidide!

Abasi odu uwem! Jesus edi Christ! Emi edi Ufɔk Abasi Esie, emi efiakde emen edi ndinwam mbufo enyene edisana akaŋa mbufo. Ami nting iko ntiense emi ke edisana enying Jesus Christ, amen.

Mkpri nwed

  1. Seke “Itiat Idak Isong Mbufo Osongo Didie,” Ikwo, no. 85.

  2. So that “when the devil [sends] forth his mighty [wind], … it shall have no power over [us] … because of the rock upon which [we] are built, which is a sure foundation, a foundation whereon if men build they cannot fall” (Helaman 5:12; emphasis added).

  3. Se Doctrine ye Covenants 109:15, 22.

  4. Doctrine and Covenants 38:30; see also Doctrine and Covenants 10:55.

  5. Se Moses 5:5–6.

  6. Bible Dictionary, “Temple.”

  7. Nte uwut-ŋkpɔ, se Exodus 28; 29; Leviticus 8. Ekefiɔk tabernacle Moses nte “tent ikɔ ntiense” (Numbers 9:15) ye nte “tabernacle ikɔ ntiense” (Exodus 38:21). Solomon’s temple was destroyed in 587 BC, a few years after Lehi’s family left Jerusalem. The restoration of this temple by Zerubbabel took place some 70 years later. It was then damaged by fire in 37 BC. Herod ama anam temple okpon ke nkpo nte 16 BC. Ndien temple emi, emi Jesus ɔkɔfiɔkde, ema ebiat ke A.D. 70. Nephi ama enyene se ikibietde ifɔk temple ke ndika “obot kpukpru ini” nkebɔŋ akam (1 Nephi 18:3) ndien ke ebede ke Americas, edinyuŋ ɔbɔp temple “ke mbiet eke Solomon,” edi ikiyehe ntre (se 2 Nephi 5:16).

  8. Se Doctrine ye Covenants 88:119,; 124:31.

  9. Se Doctrine ye Covenants 110:13–16; 124:28. Ekenim itiat idak-isɔŋ Nauvoo Temple ke April 6, 1841, ekpri ini ke Joseph Smith ama ɔkɔbɔ eriyarare ndibɔp enye. Nauvoo Temple ama nsio nsio utom. Nte uwut-ŋkpɔ, Abasi ama ɔdɔhɔ yak enim itie uduɔk-mmɔŋ enɔ mme owo ndiduɔk-mmɔŋ nnɔ ikɔt Abasi ekekpade (se Doctrine ye Covenants 124:29–30).

  10. Se Doctrine and Covenants 131and 132. Doctrine and Covenants 128 contains an epistle Joseph Smith wrote to the Saints concerning baptism for the dead. Do enye ama ɔdɔhɔ ete ke erinyaŋa eke mme akpa-mkpa “edi akpan ɔnɔ erinyaŋa nnyin, … [koro] mmɔ ifɔnke ima ke nnyin miduhe—nnyin nko ifɔnke-ima ke mmɔ miduhe” (Doctrine ye Covenants 128:15

  11. Joseph Smith, ke Saints: The Story of the Church of Jesus Christ in the Latter Days , vol. 1, Ndaha eke Akpaniko, 1815–1846 (2018), 454.

  12. Ewet mbuk eset Ufɔk Abasi George A. Smith ewet ete ke iren ye iban 5,634 ema ebɔ edidiɔŋ ke Nauvoo Temple emi owo mikibɔpke ima ke December 1845 ye ke January 1846. Sealings of couples continued on through Feb. 7, [1846,] by which time more than 2,000 couples had been united by the priesthood for time and eternity” (Bruce A. Van Orden, “Temple Finished before Exodus,” Deseret News, Dec. 9, 1995, deseret.com; see also Richard O. Cowan, “Endowments Bless the Living and Dead,” Church News, Aug. 27, 1988, thechurchnews.com).

  13. “Nso ke mbufo ekere ke mme ete editiŋ edieke mmɔ ekpekande etiŋ ikɔ ke udi? Ndi mmɔ ikpidɔhɔke ite, Nnyin imina mi ke mme tɔsin isua, mi ke ufɔk-ŋkpɔkɔbi emi, ibet eyo emi edi? Edi, edieke mmɔ ekpenyenede odudu mme obuma heaven ekpesiaha ke utɔŋ nnyin, edieke nnyin ikpifiɔkde utɔ utom emi nnyin inamde. All the angels in heaven are looking at this little handful of people, and stimulating them to the salvation of the human family. … Ke ini nkerede mbaŋa ŋkpɔ emi, moyom edeme obuma itiaba edemede mme owo” (Discourses of Brigham Young, sel. John A. Widtsoe [1954], 403–4).

  14. Harold B. Lee, “God’s Kingdom—a Kingdom of Order,” Ensign, Jan. 1971, 10. See also a statement made by President Wilford Woodruff in 1896; he declared: “I want to say, as the president of the Church of Jesus Christ of Latter-day Saints, that we should now go on and progress. We have not [gotten] through with revelation. … President Brigham Young emi eketienede President Joseph Smith, ada nnyin usuŋ edisim mi. Enye eketim mme temple emi onyuŋ anam mme utom ke ikot esie. … Enye ikibɔhɔ ofuri eriyarare emi asaŋade ye uto emi; President Taylor, ye Wilford Woodruff nko ikibɔhɔ. Utit iduhe ke utom emi tutu enye ɔfɔn ama” (The Discourses of Wilford Woodruff, sel. G. Homer Durham [1946], 153–54).

  15. Se 3 Nephi 9:8–9.

  16. Se Doctrine ye Covenants 131:2, 4.

  17. Se Doctrine ye Covenants 132:7.

  18. Elder John A. Widtsoe ama ewet ete: “Eren mme ŋwan emi akade temple, ye ntat-enyin, anamde mme idiɔŋɔ ye mme ediomi, ye emi akade iso ndiyom ndifiɔk , Abasi etiŋ ikɔ esie, ndien eriyarare edi. Edidiɔŋ oro ɔyɔhɔ ye idiɔŋɔ emi edide ete ke ndisime ikpɔŋ ediyom nditiŋ mbaŋa enye; enye ɔyɔhɔ ye mme eriyarare ɔnɔ mmɔ emi edade odudu mmɔ ndiyom man ekut, emi ikɔ owo mikemeke nditiŋ mbaŋa mme ŋkpɔ emi edude ke utom temple. The endowment which was given by revelation can best be understood by revelation” (in Archibald F. Bennett, Saviors on Mount Zion [Sunday School manual, 1950], 168).