Diyin Bighan Ntsaaígíí Bii’ Na’anish dóó Hooghan Haz’ą́ągi T’́ąą́’ Náháne’—T’ááłá’ígíí Naanish Át’é
Nihizhé’é Diyin God binahat’a’ígíí éí t’ááłá’í hooghan haz’áádóó yisdádookáh dóó hool’áágóó yił kééhat’į́į dooleełígíí t’áá’íiyisíí binaanish.
Baa ahééh nisin “díishjį́į́góó” Diyin bá hooghan ntsaa t’áh ndaa’nilígíí (Doctrine and Covenants 128:18). Jesus Christ bisodizin báhooghan nahaasdzáán bikáá’ ninályáádóó wóshdę́ę́’, łah Christ dayoodlánígíí bich’į’ nidahwiisnáá’go índa Diyin bik’eh hoogááłii dóó bibee’ó’oolįįłii yił áhada’deest’ą́. 1975 yéedą́ą́’ shí dóó shich’ooní, Evelia, dóó nihimá dóó nihizhé’é, nihich’į’ ndahwiisnáa’go índa hajoobá’ígo Mesa, Arizona Templedí niikai, Mexico, Naakaii Bikéyahdéé’. 1975 yéedą́ą́’, shi’ dóó Evelia, Diyin Bá Hooghan N’tsaaígíí biyi’góne’ hool’áágóó ahąąh nihi’deenil, hódahgo Diyin bibee’adziilii, Melchizedek Priesthood binahjį’. Éí bijį́, Diyin bá hooghan ntsaaígíí biyi’góne’ hool’áágóó ahąąh nihi’deenil éí hódahgo Diyin bibee’adziilii binahjį’, t’áá aaníí yá’ąąshdi nahalingo nihináá’ dideeł.
Diyin Bighan Ntsaa biyi’dóó’ Na’anish dóó Biniiyé Ályaaígíí
Díí biniinaa dííshj́į́įgo Temple t’áá íiyisíí baa ahééh nisin ńléí ha’a’aah biyaadi Kirtland, Ohio hoolyéédi ts’ídá áłtsé Diyin Bá Hooghan Ntsaagoo ályaaígíí, 1836 yę́ędą́ą́’ daango. T’áádíí yihahígíí biyí, Wóózhch’́įįd yiziłgóne’ Gáamalii t’óó á’hayóí áłah sílį́į́’ Temple bich’é’ádą́ągi. Áádóó Diyin God Yá Yáłt’í Joseph Smith Temple yik’í sodoolzin dóó diyingo áyiilaa, éí diyingo bił ííshją́ą́ ályaa (Doctrine and Covenants 109 yídííłtah). Éí Diyin bighan ntsaagóne’ dahodísingo yah anídaakahígíí ayóó át’áo bik’idahojídlíí doo níigo yaa hoolne’. Éí bikéédóó’ “Diyin God biiʼSizíinii,” sin béédáhojiitáál áádóó Hosanna Dajidííniid “ts’ídá yéego bee [hadajideeshghaazh] k’asdą́ą́’ … kin wódah bik’ísti’ígíí de kódzaa” (Teachings of Presidents of the Church: Joseph Smith [2007], 307).
Díí ákóhóót’įįd dóó t’ááłá’í damóo azlį́įgo Diyin Bóhólníihii Temple goné yahííyá, haadzíigo kódííniid:
“Háálá áko shooh, díí Sodizin shił yá’á’t’ééh, dóó shízhi’ bii’ hólǫ́ doolééł; dóó díí sodizin biyi’ shihojooba’ bee shidiné’é bich’į’ ííshjání ádi’dideeshnííł. …
“K’ad kodóó eíya shi sodizin tónteel honaanígóó dahólǫ́ǫ doolééł; kodóó bee hahodoolzhizh éí shi’diné’é bi’k’ihojílíi doo” (Doctrine and Covenants 110:7, 10).
Díí dóó nááná ła’ bił ííshją́ą́ é’élyaago, Diyin Yá Yáłti’í Elijah, t’áadoo daazts’ą́ą́góó yá’ąąshgóde’ ííyá, éí Diyin Yá Yáłti’í Joseph Smith dóó Oliver Cowery yaaniyá dóó kóníigo yich’į’ haadzíí’:
“Áko shooh, k’ad baa hoolzhiizh, Malachi yee haadzíí’yę́ę—éí [Elijah] [Diyin yá yáłti’í] nihaa doogááł, bilą́ą́jį’ áyóó Diyin God báhádzid jį́ bąą dah hoolzhiizh—
“Nihizhé’é bijéí ba’áłchínígo dahnidadookah, dóó áłchíní bizhé’é yich’į́ dahdidookah, áko t’áá át’é nahasdzáán bikáagi’ nichǫǫ’ígo baa hodoolzhish—
“Éí bąą, áko dííshjį́įdi hoolzhizhígíí bee ąąnídít’į́’hí nihilak’eenil, dóó díí bee eehozin doo Diyin báhadzidii jį́ éí t’áá’ayidídę́ę́’ bich’į’ hoolzhish, dáádílkałgí” (Doctrine and Covenants 110:14–16).
Diyin Bighan Nitsaaídi Daneeznánígíí Bá Naanish
Jesus Christ éí Diyink’éhgo hool’áágóó ahíhodiiljeeh Joseph Smith yich’į’ ninééníláádóó bik’ijį’, Diné yisdádoogááłígíí biníbaal t’áa ałts’ą́ą́ dégo ąą’ áyiilaa dííshjį́įgo (1 Corinthians 15:22, 29 yídííłtah; Doctrine and Covenants 128:8–18).
President Boyd K. Packer na’nitingo áhodííniid: “Díí kóhóót’įįd dóó bikéédóó nihokáá’ diné’é t’áadoo há’át’éhígo yaa ntsídaazkeez da; ákondi díí ahoodzaaígíí t’áá’łá’í nízínígo bídadéét’i’. T’áadoo le’é hazhó’ógo adabi’niidzaa. Díí Sodizin biyi’dóó sodizin báhooghan ntsaaígíí-adaal’į́įgo hahoolzhiizh.
“Díí nahasdzáán bikáagi éí diné da’níłts’ą́ą́dę́ę́’ t’áábí dabíte’ ázíníyę́ę nideełkaah béésh t’áá bí ntsíkeesígíí biyi’dóó. Elijah Templedi niyáádóó wóshdę́ę́’ díí éíyá t’éé íídą́ą́’ adahoníiłgo ahoolzhizh” (The Holy Temple [1980], 141).
“Ńléí T’ą́ą́chil táá’góó, yoołkááł yę́ędą́ą́’, 1836 biyi’, áłchíní bijéé bizhé’é yich’į’ kódeiyiilago hahoolzhiizh. Díí binahjį’ bik’eh hoogááłii bił ahada’dinóht’aanee, k’ad hooláágóó bina’anish doolééł. Ahídiiljeeh bibe’adziilii éí nihee hólǫ́. Nááná łahda óhólnííh doo yilááh át’ée da. Díí bee’ádziil binahjį’ ałdó’ t’áá doole’í hool’áágóó Diyink’ehgo dílzin doolééł, t’áhdii dahiinánígíí dóó dahnídahwiidiilt’í’ígíí bá” (Preparing to Enter the Holy Temple [2002], 28).
Shik’is dóó shilahkéí, díí Temple ádaal’ínígíí dóó chodaal’ínígíí biniinaa díí Jesus Christ bisodizin t’áá aaníí át’é. 1893 yę́édą́ą́’ Salt Lakedi Sodizin Bá Hooghan Ntsaaígíí bá sohodoozin bikeedóó President Wilford Woodruff sodizin da’atahígíí yich’į’ haadzíí’go ání, nihi até’áziní dabizhi’ígíí hadanohtá áádóó éíyá kwé’é Templegi binaanish ba’ádadoohłííł. Ákó binahjį’ yisdá’nááhiidookah dóó hool’áágóó Diyin yił kénáádahat’į́į doo (see Teachings of Presidents of the Church: Wilford Woodruff [2004], 174).
Diyin Bighan Ntsaaígíí Bina’anish dóó Hooghan Haz’ą́ągi T’́ąą́ Náhané–T’ááła’ígíí Naanish Át’é
T’ááłá’í nááhai bikéédóó (1894) biyi’, President Woodruff éí Genealogical Society of Utah hadilnééhgo yik’ih dééz’į́į́ ńt’ę́ę́’. T’ááłá’ídi neeznádiin naahaidóó wóshdę́ę́’, 1994 biyi, President Russell M. Nelson, íídą́ą́’ Hastóí Naakits’áadah Dah Nahááztánígíí atah yę́édą́ą́’, ání, “Ałk’ídą́ą́’ ádahóót’įįdyę́ę, diishjį́į́góó bits’áádę́ę́’ Family History Research dóó Temple Service, k’ad Sodizin biyi’ ałhiihgo na’a’nish” (“The Spirit of Elijah,” Ensign, Nov. 1994, 85).
Hooghan Haz’ą́ągi T’́ąą́ Náháne’ Bééna’anishigíí
Shik’is dóó shilahkéí, nihi Diyin anihiłní, Nihi té’áziní baadahane’yę́ę, bee ahił dahoolne’, dóó naaltsoos bikáá’ ádaalyaa, áádóó ałdó’ Diyin bibeeó’oolííłii dóó tó bee alzį́į́h bá ádaalne’, áko ahool’áágóó hooghan haz’ą́ągo Diyin yił kénáádahat’į́į́ doołéél. Díí nihizh’é’é Diyin God binaanish át’é: éí hool’áágóó hooghan haz’ą́ álnééh.
Díí shánanitł’ah noozį́į́’go, nihił bééhózin dooleeł doo t’áá sáhí nohłį́į da. Sodizin Bá Hooghan Nihit’eh a’zini bízhi’ ła’ hadínééshtaał nohsingo, béésh ntsékeesi, Family Search biyi’ gone’ hádooh’į́į́’, éí family history centers dáolyée ńt’ę́ę́’. Family Search bił nahaz’ą́ągóó t’óó’ahayóíjį’ nihiká’a’doowoł, díí nihi naanish ałtso óo’łaago, ázhi’ígíí Diyin Bá Hooghangóó dííłtsos. T’áá shǫǫdí łah Family Historyjí nidaalnishígíí bich’į’ hadíídzih, éí niká’adoolwoł.
Diyin Yá Yáłti’í bikéé’ déénííkááhgo dóó nihighan náhaz’ą́ą́dóó díí t’ą́ą́’ náhane’ bindashiilnishgo, ntsaago nihił dahózhǫ́ǫ doolééł, dóó doo ni’ kódadiilnííł da dadíníidzįįł. Níłch’i Diyinii nihijéé bii’dahólǫ́ǫ doolééł, nihił ch’ídidoodlał, dóó nihit’é áziní hadaniit’áago nihiká’adoolwoł. Dabizhi’, yoołkááłdi dabi’dizhchínígíí, dóó haa’ígíí dabi’dizhchínígíí doo t’áá díí t’éiyá honaanish da. Díí binahjį’ nihighan nahaz’ą́ągóó ahił kénáádaahwiit’́į́į doolééł dóó nahatá bee yisdá’iildéehii bee áda’ool’įįł bich’į’ kódeiyaago nihił dáhózhǫ́ǫ doo.
Dííshjį́į́góó nihiDiyin Yá Yáłti’í, Russell M. Nelson, aní: “Templegóó ałnáádeikahgo nihi oodlą’ bidziil doolééł dóó Diyin t’áá áłahjį’ ba’jólíigo nihił holǫ́ǫ doo áádóó Yisdá’iiníiłii Bina’nitin éí temple íiyisíí ałníí’gi silá. T’áá ałtso Temple biyi’góne’ Diyink’ehgo na’nitinígíí éí binahjį’ Jesus Christ hózhǫ́ bidawiidiil’ááł. Diyin Bibe’aziilii bee Bił ahada’dinóht’ánígíí binahjį’ ahada’dinóht’áanée éí áda’ool’įįł Bił áhídiiljeehgo ánihiił’įįh. Áádóó ałdó’, Éí bił ahada’dinóht’áanée Éí nánihiiłdziih, dóó nihidziilgo áníhóósin” (“The Temple and Your Spiritual Foundation,” Liahona, Nov. 2021, 93–94).
T’áá aaníí éí, Diyin Bighan Ntsaají na’anish dóó hooghan haz’ą́ągi t’́ąą́’ náhane’ éí t’ááłá’ígíí naanish át’é.
Díí t’áá aaníí shił bééhózin. Díí sodizin bá hooghan éí t’áá’ aaníí nihiYisdá’iiníiłii dóó niháNiná’nídléí, Jesus Christ t’áábí bisodizin bá hooghan át’é, éí díí Christ Nááhiina’ Bééhániihgi éí béédeilniih dóó bá dahodíníílzin. Ayóó’ánihóóníigo shił bééhózin, áádóó bee bił ahada’dinitánígíí Bik’eh dahoniil’į́ dóó bada’ííníídlíi doo, Bí’áná’ádziih dóó bidzillii nihąąh neiyiilé. Jesus Christ bízhi’ binahjį’, amen.