Christ T’áá’aaníí Diníigo Bee Náhoo’aahgo T’áá Ká Yóósih
T’áá’aaníí ił hózhǫ́ nihee hólǫ́ǫ́ dooleeł Christ bich’į dahdidiishááł niidzį́įgo dóó t’áá nihí nihił bééhódoozįįł.
Díí jį́ ashdła’ náhaí, ayóí ádeinííníínii President Russell M. Nelson, bá yadadiilníih’ bił niidłį́į́go Jesus Christ Bisodizin Díí jį́ ninałyahígíí yilą́ąjį’ sizį́ biniiyé―Diyin Bohólníihii yá yáłti’í nilí díí ayóo nidiníít’ą́ dóó ádahodoonííł baa hane’go hoolzhish. Binahjį’, doo joołt’a ániiląadi nihi’íílniih dóó ayóo át’éego nihí kíizhdoodleeł nihí Yisdá’íiníiłii, Jesus christ, nihí iiná bikéé’ hasht’é adeeiníílzingo?
2011 yiha yę́ę́dą́ą́, shahastiin bił hozhonídi, Curitiba, Brazildi, na’niitingo shi béésh bee hane’é diists’a’. Tsį́įłgo ńdiitą́, shizhé’é shichį’ halne’ lá. Tsį́įłgó áłah álį́įdę́ę́’ ch’íníshwod: “Yá’át’ééh shizhé’é!“ dííniid.
Doo neíníshłíída ńt’éé, chadilnį́įgo ashilní: “Yá’át’ééh, Bonnie. T’áadoo le’é bee niłhashne’. ALS bee nąąh dahaz’ą́ shi’doonííd.“
Shin ts’ékees naayisgo t’óó shił’ hookééhgo, “Áłtsé! dííniid. Ha’at’ish oolyé ALS?“
Shizhé’é t’áá’ íídą́ą́’ yaa aho’niiłne’, “Shini’ t’ahdii choinish’įįhgo shits’iis ni’kwáánį́į́ł dooleeł.“
Díí yiníígo baa chihoot’anígíí shi’iiná yiidiiłk’ąą’go shiłhokééh. Ndi éí bijį́ doo bee sénahda, ak’éédi yee hadzí yę́ę doo baa yooshnééhgoo shijéí bii’hoole’. Ayóí’óoshníínii shizhé’é áshidíínį́įd “Bonnie, Christ t’áá aaníí diníigo bee na náhoo’aahgo t’áá ká yóósih.“
Shizhé’é yee haadziih yę́ę baantséskees dóó baa sodiszin. Łahda iinisin łeh da’ t’áá ałtso’ish bikidiisht’įįh díí Jesus Christ t’áá aaníí dishníigo hanásdzíh bee shá náhoot’aahgo éí doo diisih da.
T’áá nihgi át’áó, łahda nahidizíídgo ałts’é Damoogo neesdzįįh dóó Christ bá hanasdzih. Lą’ideh na’nishtingo Bóholnííhii bi na’nitin t’áá aaníí ńdishniih. Bich’į’ sidziilgo t’áá’aaníí bee na’nitaa dóó Christ Diyin nilí dííniid na’nitiní nishłíígo.
Ndi díí bee ádeeha’adziihígíí t’áá hó’ak’ izhdiit’áh! Kóshiłní nisin ńtéé’, “Bonnie, nahasdzáán nik’eh dóodłeeh láhgo! Yisda’iiníiłii bił aha’diinit’anéé ts’ídí díínísin. T’áá áłajį́’ nik’ihojidlí bíká anít’į́į́go bik’idiit’į́į́h, dóó Diyingo Iisizíínii bee Bi’adziil ni’oodlą t’áá aaníí dóó niłholonígíí bee háándzih.“
Ní bikáá’góó bąąhági át’éii biih kééhwiit’į́, nda’níłtł’ai nihí’iiná dóó nihí jéí yaago dahyini’aah’ yá’ąąshjigo yéé ńt’éé’. Nephite dine’é’ígíí ániit’éego 3 Nephi ła’ts’aadah gone’, Jesus Christ bidindaniidłí. Da ákó’ish na’adínilyęsh áádi, dine’é bił dah honoochałgi dóó ádabidisdįįd bit’ahgí? Bohólníihii t’áá Bí honílnii’go jidiizts’ą́ą́’go haadashą’ yit’ée dooleeł?
“Daoohsįįh dóó wóshdę́ę́’ shaa hohkááh, áko shooshk’iizh bídadinołchííd dóó shíla’ dóó shikee’ bił ada’askaal yę́ę bídadidoołnih, áko nihił béédahodoozįįł t’áá aaníí shí asht’įį́ … nahasdzáán t’áá át’é bi Diyin God nishłį́, dóó nohookáá’ bibąąhági ádaat’éí bá shi’diisxį́.
“Dóó … dine’é binas’áhígíí … t’áá ła’í nizinígo… dóó bináá’ yee dayiiłstą, dóó bíla’ yee yidadiishchid, dóó biłbéédahoozin … dóó t’áá bí dayiiłtsą́.”1
Nephite dine’é shiłbééhodoozįįł danízingo yichį’ niheeskaigo bitségahgi dóó bila’ dóó bikee bił ada’askaal yę́ęgi yidadesnihgo biłbéédahoozin t’áá aaníí Christ at’į́įgo. T’áá ákót’éego, da’oodlaní lą’ída díí ghąąí New Testament yídahooł’aa Christ doogaałígíí nidayolíígo. Áádóó bidada’akeh dę́ę́’, bikaa nda’anishí dóó bikáá’adání naznil dę́ę́’ dóó bikee dahdadiikai, baa áłah silį́, baa yíląąd, dóó yił diníizbin. Da’ nihiish ałdó’ nihił bééhodoozį́įł laanaa danįdzin Diyin Bizaad biih dę́ę dine’é nahalingo. Da’ akihojidlí’ biká adeetinígíísh yiká adaatįįdígíí t’áá bi’ohgo bidin danįįdlí?
Christ t’áá bi Nephite dine’é Diyin God Bighangi níyáago, bi’niłnį́į́go doo t’óó nagháídę́ę́’ naazíí da dóó doo t’óó yikińdaazghaałda, ndi yidadeeshchid, bił béédahodoozįįłgo da t’áá aaníí bíla’ash dla’ii bi Yisda’iiníilii nilį́įgo. Haashą’ yit’áo bich’́í’ nihidiika’go nihił béédahodoozįįł t’áá aaníí Jesus Christ át’į́ dadidiinįįł. Dii daats’í shizhé’é biłbééhodoozįįł shó’níígo yee nashineezt’ąą. Azhą́’ doo ni’ bikaagoo nihił dahooshǫ́ Christ na’nitingo bił t’adiikai ńdi, Diyin Iisizíínii binahji’ Bi’ adziil nihíł hólǫ́ t’áá ákwii jį́! Bídin daníídłinígíí bíighahgo!
Chi’kęh adahwis’áágóó haayit’éego Christ hadiish į́į́ dooleeł dóó t’áá akwii jį́ bééhonisįįh bits’áádóó boohooł’ąą. Ił’ééhózin naaki bits’aadéé éí nihił chinish’aa:
Livvy bidiizh chįį dóóshdęę Ntsáago Áłah Na’ádłee neenil’įįgo hoolziizh. T’áá aaníígo, bighaangi ashdla’yilt’éego t’áá át’é áłah na’ádłeehgo nideeníl’įį nt’ę́ę́’. T’ah nahdę́ę́’, áłah na’adleehgo Livvy t’óó naa’ áhoodi’dá doodaii’ naa’ana’alwoosh łeh ńt’éé. Akwindi díí Ghąąjį’ Ntsáago Áłah Na’ádłee éí łahgo ádzaa. T’áá bísizinígíí ádiih yoodlá.
K’ad, éí Livvy t’áá bi át’éego íhwiidoołááłgo hodeez’ą́. Beesh bee hane’é anáyíí’giz dóó Diyingo Iisizíínii yee na’nitin yikidiit’ííhígíí nááyiizoh naaltsoos bikáa’jį’. Diyin God na’nitin bohoidii’ááł dóó bihodiilííl biłninígíí yaa tsí’deesyiz. Díí yee hodeezanígíí biniinaa bi iina’ łahgo ayiilaa t’áá hooshchį́.
Bik’idji’ t’áá dikwíí yiską́go bik’is ła’ nida’alkid doo yá’áshonígíí dadinį́į́lįįł dabidííniid. Kozhdíínįįd, “Bee hada’iisdzíí yę́ę’ t’ah nashiiłná dóó ńtsaago áłah da’azlį́į́’ yę́ę shijei tah yee bidziil, áko shidooda bidííhniidgo ádisétsą’.“ Bi Yisda’iiníiłii t’áá aaníí át’éego yoodlą’ doo ni’nahinilyeesgoo yaa hanádzí sodizin bá hooghangí.
Kodahootįįd bikidjį’ azhdííniid, “Hwíí’ęhégi át’éego, Jesus Christ t’áá aaníí dishíigo ádisétsąą, ńt’ę́ę́’ Diyin Iisizíínii shidesnaago shiłiishjani ánááyiidlaa.”
Livvy éí doo tsé tó bikaagóó ajiłk’ę́h nahalingo áłah aleeh yidezts’ąąda Damoo Yazhí dóó Damoo azlíí jį́’; yiníísdłįįd, bini’ dóó bii’sezíínii ałdó, dóó Yisdá’íiníiłii yik’íníyá.
Áádóó naa’áłdo’ Maddy. Maddy bighandóó sodizingóó doo ałnánákahda daazlį́į́go, Maddy yik’éé bił nihoojeeh haałą́ deeshniił niizį́į́’. Ha’át’íí shį́į́ ayóó át’éego yáhássááhgo yaa’ákoniizį́į́h. Áko táá’ts’áadah binááhaigo, Maddy t’áá sáhí sodizingóó ałnánádááhgo hahoolzhiizh. T’áá sáhí njigháágo łahda t’áá nanitła łeh dóó doo hasihda, ńdi sodizin bá hooghandi Yisdá’íiníiłii hółǫ́go biłbééhózin dóó hółǫ́di honishłoo laanaa nízin. Kwódííniid, “Shíí’sizíinii sodizin bá hooghandi bił hasih.”
Maddy yił dabighanígíí hool’aágóó ahił keehat’į́į dooleełgo bá sohodoozin’ígíí yee ha’ólní. Bi tsilí sodizin bá hooghangóó ałnánee’ishgo hahoolzhiizh dóó Diyin God bizaad yee neenitin hooghandi. Hoodeeshzhiizhgo bimá áłdo yił ałnánákah silį́į́’. Maddy na’nitiní diishłeeł nisin níígo bimá yiłhoolne’ dóó Diyin God Bighan yah’adííkah éí bíká hast’e’ ádidíílnííł yidííniid.
Díí jį́ Maddy MTCdi yahiiya. Diyin God yá na’nitin. Christ t’áá aaníí níigo yaa halne’. É’éłinígíí binahji’ t’áá áłah bima dóó bizhé’é Diyin God Bighan gone’ yah’ánáát’ áázh dóó Christ yich’į’ ninát’aazh.
Livvy dóó Maddy nahalingo, Christ bikah ha’iilziidgo, Diyin Iisizíinii nihil ííshjání iidoolííł t’óó ahayóí ałąą’át’éego. Diyingo Íisizíinii hołííshjání áda’doolííł sodiilzingo ch’íyáan ádaayit’į́įgo, ha’ííníłnígo, dóó t’áá náás yidaałgo. Christ bééhojoosįįhgo Diyin God Bighan gone’ hozdísingo t’áá aghą́ą́h yahanjidaah doo, t’áá ákwii jį́ ádááníjokąągo, sodizin bá hoghandi dóó Seminarydi atah jiłį́go, patriarchal akihojidlí nijołt’ah doo, dóó diyingo aha’diit’ah jidósin dóó hashó’ó chijołį́į́ dooleeł. Díí t’áá ałtso Diyingo Iisizíínii yee nihí ni’ neeńtin, dóó hodéézyeel hwee hólǫ́ dooleeł dóó binahji’ hasih. Ákondi dadiiníílzin’ish éí binaji’ bee náhoot’ahgo Christ baa dahwiiniih.
Temple gone’ lą’ídi yah’ííyá, áko Diyin God bighan gone’ hoodíínísingo, lahgo áshidoolííł. Łahda chi’yaan ádąąyisht’íígo, t’óó dichin nisin łeh, ńdi łahda éí, hodíínísingo Diyin Ii’sizíínii sihgo shii’halee. Łahda t’óó ts’į́į́łgo sodiszį́į́h ádííniid yę́ę́ t’áá naabik’ehgoo, ákondi łahda hojooba’ íínisingo Diyin Bohólníihii bina’nitin baa náooshkąąhgo sodiszį́į́h.
Díí hodílzingo é’élį́ álnééhgi adziil át’é doo t’óó ádoonį́į́łgo dasdzohígíí át’éeda dóó ił ééhódoozį́į́ł áyisíi át’é. T’áá kóódígo łahgo ájoonį́į́ł ńdi t’áá ákwíí jį́ bich’į’ jinoosééł, t’áá hó bizhdiilkaalgo dóó biniiyé ájit’́inígíí éí Christ bił ázhdoolííł. T’áá ałahji’ bina’nitin bik’eh honiilį́įgo, t’áá aaníí At’éi nihí oodlą’ yileeh; t’áá Bí dóó nihí Zhé’é Yá’ąąshdę́ę́’ bił hazhó’ó ahééhoniilzįįh. Bidanį́į́lt’é dadiidłeełgo hahalzhíízh.
Ch’į́įdii háágóóshį́į́ hahóó’áágo áyósin áko Diyin Bóhółníihii bizhí didiit’sį́į́łgo t’áá nanitła. Nihí iina’, nihích’į’ nidahwii’ná, nihił ádahoot’éhígíí doo ni’kodoonííł da, ńdi Christ bee ó’oolį́į́ł biká dadiichin dóó biká dibáá’ daniidłį́go hazhó’ó “da’didiits’į́į́ł“.2 Bikee asdzí doo naaki nilį́į́góó beehanįįh bidziilgo ádadiilnííł dóó nihí Yisda’iiníiłii ba’hódlí hazhó’ó beehozin dooleeł t’áá ákwíí jį́.
Díí jį́ ła’ts’ahda naahai yę́ędą́ą́ shizhé’é ádin, ńdi bizaad t’ahdii bik’eh honish’į́. “Bonnie, Christ táá aaníí diníigo bee ná náhoot’ahgo t’áá ká yóósih.“ Shidookááhgo áshi’díinííd yę́ę́ bik’eh dahóníl’į́į dooleeł. Christ bika ha’asííd yinaałgóó―bee ádeehadisdziih t’áá aaníí hólǫ́ǫ́ át’é!3 T’áá’aaníí iłhózhó nihee hólǫ́ǫ́ dooleeł Christ bich’į́ dahdooháá dóó t’áá nihí nihił bééhodoozįįł.
Nihił bééhózin nihoolzhiish bich’i’ yoołkaał, “t’áá át’é agod nitsidadidoogoh, dóó t’áá át’é atsoo’ ádadidoonįįł “Jesus éí Christ nilí.4 Nihá sodiszin díí t’áá aaníí át’éí́i dóó nihił bééhózingo t’áá áko hoonííl k’ad—nihił dahoozhǫ́ t’áá aaníí kodiiní dooleeł áłahjį́: Jesus Christ hiná!
Dooládó’, ayóí óoshní da. Nihá bitsiis nineediit’́ąągo nihá tí’hoozníí’ [t’áá aniiltso] nihá, “áko hool’áágóó iina’ hólǫ́ǫ́ dooleeł dóó doo náádadiits’aał da.“5 T’áá aaníí Yisda’iiníiłii jooba’ dóó ayóo át’éii bizhi’ doolzinii nilį́, Jesus Christ, binahjį́’, amen.