Aláádi At’éíí Bee Nilnííh
Tsídá alááhdí bóhółniih éí Jesus Christ dóó nihiZhé’é Ya’aashdi Hólǫ́nii, bił heijééhígíí, binaagóó dah nihighaanígíí, dóó diyin Iisizíínii bik’éhgo neinish doo.
Díí Damóogo bee deelnííh Hasda’iiníílii Jerusalemdi baah hanííhgo yá’ííyáh k’adą́ą́’ niha niná’ídlá bich’į́ hoolzizhgo, díí chohooį́ dóó aajooba’ bizaad yee haadziih: “Shí éí iina dóó naadíijeeh bee shóholnííh: t’áá haishį́į́h shoodlą azhá daast’ą́ ndi, naahinąą’ doo.”1
Ayóó íínishní. Yinishdlą́. T’áá anii shił bee hózin t’áá Bí éí iina dóó naadííjeeh bee bóholnííh.
Díí shee’oodlą’ t’áá aníinii binahjí shidziil dóó shaajooba’ nt’ę́ę́’, dį́į́’ naahai yaahdą́ą́ł shichooní Barbara bee iiná naadiiyáh. Ayóó bóhósááh.
Lá’adi, nihéé iina dóó hoolaago asíígehígíí baah nisíkees łeh.
T’áá ałtsé baah hweeshne’ tóó ałtsé Barbara yiłsą́yaadą́ą́’ áko nanishtindę́ę́ bóhoołąąhígíí “bikeedę́ę́ adeest’į́į́’” choosí’į́į́d. Ayóó’ baah jolní dóó ayóó beehodilzin, áko tsíílǫ́ aasht’íí’go t’éíyá, háalá tóó ahayóígóó naagha. T’áá íídą́ą́’ baah ákóníízííh éí doo nantł’ahgo bił yá’átį́ dóó ayóó baah awíínitį́. Barbara bee yá’át’ééhii shił nizhóní. Baah nisíkeesgo shí dóó Barbara yá’át’éehgo ahił neit’aash doo. Baah nisíkeesgo éí doo nantł’ah da.
Barbara dóó shí ahéédiit’aash, wónaasgóó ahiniildin, ndi iigehígíi éí Barbara tádíí bił naaki nilį́.
T’áá bí Barbara bił bee hózin doo, shí éí t’áá íídą́ą́ shił bee hózin. Ałtsé baah sodiilzin doo, dóó doo íídah doo, áko yá’aashdę́ę́ Barbara bił íishjaan bił hodooní.
T’áá’lá’í damóojí doo ałch̨́í neet’aash da, tóó doo iidah da dóó sodiilzin áko t’áá’aníídlá nihił bee hózin doo. Shich’į́ hoosní, Barbara dóó shí t’áá’akó nihi doonííd. Ákot’áó ahidiit’aash.
Barbara bee iiná naadiilyaahgo, niha’ałchíní bimá bee nanitinii tsé bikaagi bik’ídoolch’íił áko éí bee deelnííh doo. Ła binanitin éí, “alaadi át’éíí bee haniihígíí éí nizaagóó bee haniih.”
Diishjí, éi shijéí biyidę́ę́’ t’áá dikwíí’ nahshiiłnáígíí dóó baah nisíkees’ígíí éí tsídá alááhdi bee haniihígíí bee nihił hódeeshní.
Ałtsé éí NihiZhe’é Yá’aashdi dóó biYé Jesus Christ, éí tsídá alááhdi bóholnííhgo át’é. Ahiłna’anish éí aláádí bóhołniih kwe’é dóó hool’áagoodi.
Naakí’í gone’, éí hooghan has’ąądi aláádí bóhólniih.
Diné dóó iłhaajééh bit’aoshaago lá’í bighaan daach’ǫ́, niyoltsoh, doodahyeeh nahasdzáan nahaną́. Lá’í dichin dóó nidaaldzid háálá bighaan daach’ǫ́. Diné azéé, chiyaan dóó hooghan deinidzin.
Diné iłhaajééh deinizin.
Shił bee hózin, lá’ doo nihiłhaajééh doo nihee dah hólǫǫ da, áko nihiłhaajééh éí nik’is dóó sodizin wardę́ę́’ éí ałdó bił ooltá. Díí iłná’anishígíí éí ayóó nit’iis dóódaii’ nihintsíkees bá yá’át’ééh.
Díí iłna’anishígíí bits’ąądoo ayóó’óó’ní, iłhózhó, dóó aadi shighaan wííndzin.
Díí iłná’anishígíí éí baah nijilnish dóó t’ááhó bee hóhołnííh łeh. Iłhaajééhjí atah jinizingo éí ayóó’óó’ní, ałch’į́ya’atí, nízaagóó ha’jol’ní, dóó aana’diyiit’aah wił bee hózin.2 Lá’dah doo ałheet’eegóó nisíikees łeh, ndi hazhó’go baah yát’į́go haasht’ééh neilííh. Yá’át’ééhgo ił na’at’aash dóó ahé’a’kéego éí doo daané’í át’éíí da. T’áá nihí bee nihohołnííh ayóó’óó’ní dóó bikéé’asdzinígíí. Naanałah iłhajééh dóó nihik’is ayóó’íí’níí’ní t’áá nihi nihiłhaajééh nahalingo baa nisííkees doo.
Diyin k’éhji iłhaajéehdę́ę́’ bee há’oodziih, “Diyinjí iłhózhó éí iłna’anishígíí éí naasgóó hólǫǫ’ doo, azhá nihéé’iina ninít’į́ ndi. Baah haastį́’ii diyin bił áha’deet’ánii diyin bighan ntsaadi alyaah éí binahji Diyin God bił yá’anidíídaalgo dóó bił haijééhígíí ałdó.”3
Naaná łá’ aláádi át’éíí éí Diyin Iisizíínii yiniilts’ąą doo, dóó nizhónígo nihinaagóó bił keedahwiit’ííhnii ayóó’á’níí’níí doo, t’áá nihi nahalingo, diné bitahgóó neidaahgo biká’aneelwo’go. Aniinaashá’hąądą́ą́ biship nishłíígo éí díí bóhoołąąh.
Hadąąleeh yéígo hiiłch’ígo dóó zaas tł’óódígo, biship niishłííhgo sodizin bighaandę́ę́’ dah nidíishdaah, nt’ę́ę́’, asdzaani haastígo t’áá sáhíbighaan baah nidíneet’aah niizííh. Nalkidí neelį́į́’ nt’ę́ę́’—neeznaadigóó olkił. T’áá ayisíí ó’oolkid áko doo asdzaani t’áásá’hí sidahígíí bigbangóó diishshaał dah niizį́į́h. Ałdó tł’ǫ́ǫ́di nichiil. Abinígo indá shilah baah deeshaał, háálá yéígo chahołyeeł niizį́į́h. Hooghangóó shił ná’elwod, ndi tł’éé biigha ch’éehiishhaash, diyin iisizíínii shaanát’į́.
Abínigo, shilah bighaangóó shił ilwod. Bích’é’é daadilkał ąą’ayiilaah biník’eezhtógo, aní, “Ahe’hee’ Biship yiniyah. Shimá naaki áoolkid yaadą́ą́’ ájídin”—Dooládó bíniił siłį́į́h da. Shijéí biyídę́ę́’ biniil siłííh ts’ídá doo beediyeeshnah da. Áádóó yichá. Dooládo’ baah shiní da, díí shilah bíbiship nishłį́į́go, bilá yinisht’áh doo nt’ę́ę́’, dóó baajíínishba’ dóó ba’sodidees’sį́į́ł nt’ę́ę́’. Diyin íísizíínii ch’eeh nahshííłnah, éí biniinaa t’áá sháhaast’é áyiiaahígíí sé’siih.4
Shilah dóó shik’is, tsełkéé, dóó ałchíní yázhí,díí éí t’áá aniigo shił bee hozin, tsídá aláádi át’é’ígíí éí Diyin Íísizíínii, diné bił nijilnishgo éí ayóó’át’é.
Díí Palm Sunday Damóo gone’, t’áá anii shił bee hozin, Diyin God ba’nijilnishgo éí tsídá aláádi naanishígíí át’é.
Tsídá bitł’aadi nihééoodlą́ éí Jesus Christ yiníídlą́. Wéí’oodlą́ éí t’áá anii át’éíi nihijéídę́ę́’ dóó Diyin Iisizíínii nihideesnąahgo nihił bee hózin. Jesus Christ joodląągo éí náhódishch’į́ diyin k’éhji—éí binahji iina łágo anáyiilį́į́h, áko nisííkees dóó hiníína’ łágo át’éíi łeh. Wéé’oodlą́ binahji’ NihiZhe’é Yá’aashdi dóó biYé bich’į́jigo daashdííigaah.
Alma yee na’néeztą́ą́’:
Jó, díí bee nihich’į’ haasdzí’ígíí éí t’áá ’aaníí ádaat’éego shił bééhózin. Dóó hait’áo éí díí t’áá aaníí ádaat’éhígíí shił bééhózin danohsin?
“Jó, ánihidishní, Diyin God bii’ísizį́į́nii ei shił ííshją́ą́ áyiilaa. T’óó’áhayóí yiską́’ t’áádoo ashą́ą́ní dóó sodizingo ’áko dii ’ádaat’é’ígíí t’ááshí shił beehozin dooleeł nisingo. T’áá anii át’éhígíí éí shił bee hózin; háálá Diyin God bibee niłch’į́ yee shił hoolne’.”5
Wee’oodlą́ t’éíyá hólǫǫgo éí doo biigha da. Jesus Christ yíníídląągo, baah wíílne’ doo—bee yá’át’ééhii, bee ayá’ó’óó’ní, dóó bee ajooba’ éí baah wíílne’ doo.
Lá’ídi damóogo diné bee oodlą yaadah halne’go ádáání łé’ Díí baah ahéénisin dóó díí ayóó’íí’nish’ní díí éí doo lá’i diné yaah dah halne’ łé, “T’áá anii shił bee hózin” dóó “Díí éí shí yinishdlą.”
Nighanisinígíí éí Jesus Christ yinishdlą dah dóníí’ doo. Nihéé’odlą’ baah dah hołne’godíí shił bee hózindóódíí yinishdlądóó díínahshííłnah, doo t’óó díí baa ahéénisin t’éíyá dahdóníní. Haash yit’óá Hasda’iiníínii bee hóósįįd, dóó binánanitin bik’éhgo yinaał, dóó bee ayóó bidziilígíí binahji’ ayóó’íí’ní’ní. Ne’oodlą baah holne’go nił bee hózin yinídlą, dóó nahniishnąąhígíí, Niłch’í Iisizíínii baah holne’ígíí dah yíísts’ąą’ígíí t’áá anii át’é’ígíí t’áábí bił bee dah hódoozííł. Háálá Jesus Christ bikéé yinąąliǵíi dah yóóį́’í. Áko bił bee dah hódoozííł kótáó ákéé jogaałii jiléé lá. Ałdó shį́į́h nidabíínąąs dóó éí indá áko daadzaah. T’áá anii wé’oodlą hólǫǫgo éí hajéí łago ajíílaah dóó Diyin Iisizíínii bits’ąądoo diné bijéí ąą’at’éhígíí bił bee hódooziił.
Áádóó diné nábíínąą’ígíí Diyin yich’į́ sodidoolziił, da’ t’áá anii bee oodlą t’áá anii át’e. Áko inda t’áá bí bił bee dahózin doo.
Shik’is dóó shilah, t’áá anii át’é dóó bee aashíínii nishlį́ Jesus Christ éí nahadzáan bikaagi Hasda’iinííłii nilį́. Hiná! Daazts’ąą dóó naadíídzá Diyin God biYé át’į́, dóó díí éí bisodizin át’é, dóó ba’yáyałtí’í dóó naakits’aadah dóó bisodizin naasgóó deiyiloos. Shi sodizingo éí she’iina naadiilyaahgo, tah nit’ę́ę́’ she’oodlą bidziil dóó bitsádinídiin doo.
Nánishtingo, tsídá alááhdi át’e’ígíí éí nizhónígo NihiZhé’é dóó biYé báhoniilzin doo, dóó bił haijééhigíí, nihinąągóó dah bighanígíí, dóó Diyin bí’iisizíínii bik’éhgo t’áá anii adaat’éhígíí baah wíílne’ doo, jó díí éíyá alááhdi nizaagóó bóhołniihii ádáát’e. Jesus Christ bízhi’ binahjį’, amen.