Bóhólníihii Jesus Christ Diyink’ehgo Áká’adiilwołgo Yee Nanihinitin
Yisdá’iiníiłii nihiká ánálwo’go, Bidibé da’álíinii ayóó ádei’yínííníi doo dóó diyingo biká’ánéíjah doo Bí át’ínígi’ át’áo.
Diyin Bóhólníihii Jesus Christ ání:
“Shí yá’át’éehgo dibé yaa áhályáanii nishłį́: yá’át’éehgo dibé yaa áhályáanii éí t’áá bí dibé yich’ą́ą́h niná’ádiit’aah. …
“T’áá aTaa’ shééhósin, áádóó aTaa’ bééhasinígi át’éego: áko t’áá shí she’iina’ dibé bich’ą́ą́h ninádinish’aah.”1
Díí Greek bizaad bee Diyin bizaad siʼánígíí, saad yáʼátʼééhii éí “nizhóní, tsʼídá áyóó ánóólnin” yił ní. Áko dííjį́, Dibé Yaaʼáhályą́ Yáʼátʼééhii, Dibé Yaaʼáhályą́ Nizhóní, Dibé Yaaʼáhályą́ Tsʼídá Ayóó Ánóólninii, éí Jesus Christ baahashneʼ doo.
Ániid Bee Ałhaʼdeetʼáanii biyiʼ, bí eíí “dibé yaaʼáhályą́i ayóó átʼéíi,”2 “Dibé Yaaʼáhályą́ yinanit’aʼí,”3 dóó “Dibé Yaaʼáhályáanii dóó Bishop éí [nihii’] naazíinii yaa áhályą́ bee dabi’dóójí.”4
Áłtsé Bee Ałha’deetʼáanii biyiʼ, Isaiah naʼazoh áko “dibé yaaʼáhályą́ nahalingo bidibé ya’ałtso’.”5
Naaltsoos Mormon Wolyéhígíí biyi’, éí “dibé yaaʼáhályą́ yáʼátʼééhii”6 dóó “dibé yaaʼáhályą́ ayóó átʼéíi dóó tʼáá aanínígíí” bee bi’dójí.7
Na’nitin dóó Bee Ałhadaʼdeest’áanii biyi’, ání, “Áko, Shí nihitah honishłǫ́, dóó dibé yaaʼáhályą́ yáʼátʼééhii éí nishłį́.”8
Dííjį́įdi, President Russell M. Nelson ání: “Dibé Yaaʼáhályą́ Yáʼátʼééhii áyóó óʼóní yee dibé Yikʼidéézʼįʼígíí tʼáá ałtso yaaʼáhalyą́, dóo nihí éí tʼáá aaníí Bidibé yaaʼáhályą́ yáʼátʼééh dadooleełii daniidlį́. Bi’ayóó’ó’óní neiiniihgo éí bee nihá ahóót’i’ dóó t’áá nihí nihee ayóó’ó’óní nihik’is dóó nihinaagóó dabighanígíí bich’į’ kwiil’į́į dooleeł—bi’joosą́ągo, bik’ijidéézį́į́go, dóó baa áhojilyą́ągo—éí Yisdá’iiníiłii ánít’į́į dooleeł nihił nínígi’ át’áo.”9
T’áá aniidígo, President Nelson kódííniid: “Diyin Bóhólníihii biSodizin t’áá aaníinii dóó náás hiináanii bee béého’dílzinii éí t’áá ahąąh hasht’e’hodít’éego, Diyin God ba’áłchíní dóó yił háájéé’ t’áá ła’í nízínígo diyingo biká aná’áwo’go bina’anish. Bí biSodizinígíí biniinaa, nihí Bá ndeil’a’ígíí éí diyink’ehgo t’ááłá’í sizínígo biká aneilwo’ doo, Bí áát’įįdyę́ęgi’ át’áo. Bízhi’ binahjį’ bibee’adziil dóó bi’óhólníihii, dóó bibee áyóó’ó’ní, dóó bibee ájoobá-bee áyóó’ó’óní binahjį’ diné bíká’anéíjah dooleeł.”10
Pharisees dóó ánida’adzohígíí Diyin Bóhólníihii saad yik’ijį’ adeiznilgo, “kódaaní, Díí hastiin bąąhági ádaat’íinii yił naaldeeh, dóó yił da’ayą́,”11 Táágo hane’ nizhóní lei’ yił ch’iiní’ą́ éí dibé yóó’ííyáago baahane’, béeso yoo’eelts’idgo baahane’, dóó aye’ yoo’ííyáago baahane’ éí yinahjį’ na’neezt’ą́ą́’.
Luke, Nahat’á Bee Yisdá’iildéehii yína’adzohígíí, táágo hane’ yaa aho’niilne’go, t’ááłá’ígo baahane’go áyiilaa hane’ bee ak’idi’dootį́įłii t’ááłá’ígo, łą́ągo éí ndaga’.12 Diyin Bóhólníihii t’ááłá’í hane’ bik’idi’dootį́į́łii yee na’neezt’ą́ą́’ nahalin—éí hane’ ałąą át’éego nóomba bee dahólónígíí: 100 dibé, 10 béeso yázhí, dóó 2 aye’ké.
Íiyisíí díí dahane’ yaa hodoolnihígíí éí nóomba hanéelte’ baa hane’, ákót’ée ndi, nóomba t’ááłá’ígíí t’áá íiyisíí baahane’. Díí nóomba bits’ą́ą́dóó íhodoo’ááłígíí éí dibé yaa áhályą́ dadooleełígíí éí elders dahyiikahígíí 100 elders dóó elders dadooleełígíí bá doodago 10 ch’íkę́ę́h yá naha’áí doodago Primaryjí 2 áłchíní neinitinii, áko ni éí t’áá át’é t’áá ahą́ą́h, dóó t’áá áłahjį’ diyink’ehgo baa áhólyą́, diyingo biká’anánílwo’go, dóó t’ááłá’í nízínígo, t’áá sahdii ayóó’ádeiníníigo. Doo kójididooniił da, “Dibé doo áhályą́ą da,” doodaii’ “Ákoláá’, ei béeso doo t’áá íiyisíí nisin da” doodago “Dooládó’ aye’ ak’ijį’ nilíinii át’ée da.” Ni dóó shí “Christ bee ayóó’ó’óníinii niłtólígíí,” nihee hólǫ́ǫgo13 nihí, dibé yoo’ííyáhígíí biyi’ diné baahane’go, éí “náhást’édiin dóó ba’aan náhást’éígíí t’áá ákǫ́ǫgo … dóó yóó’ííyáhígíí biká sídóo’į́į́go, haniit’ą́ [… haniit’ą́ … t’áá ałtso hadaniit’ą́] bik’íniikaijį’.”14 Doodago, béeso yoo’eelts’id baahane’ biyi’ asdzánígi’ át’áo, “ak’ah kǫ’ dadidiiltłił, dóó hooghangóne’ ndahodiilzhoh, dóó t’áá íiyisíí ha’niitáh [… t’áá íiyisíí] ha’niitáh, [… ha’niitáh] [… hada’niitáh… t’áá ałtso hadaniit’ą́] bik’íniikaijį’.”15 Nihí “Christ bee ayóó’ó’óníinii niłtólígíí,” nihee hólǫ́ǫgo aye’ yóó’ííyáhígíí baahane’ biyi’ azhé’é áát’įįdígíí be’diilnííł, éí, aye’ “nízaadéé’ náádááłgo, … yiyiiłts’ą́ągo, dóó yaa a’ááh niizį́įgo, dóó yich’į’ nídiilwod, dóó bik’os yináznii’, dóó yizts’ǫs.”16
Da’ diné dibé t’ááłá’ígíí t’éiyáh yoo’ííyáago bijéí yéigo bąąh bine’go nihíísh ałdó’ t’áá ákóniit’é? Doodago béeso t’ááłá’í yóó’eelts’idgo asdzání bijéí yéigo bąąh bine’go nihíísh ałdó’ t’áá ákóniit’é? Doodago azhé’é biye’ yóó’ííyáago bijéí ts’ídá ayóó’ó’óní dóó a’ááh hwiindzin bilááh át’éego ázhdoonííłgo?
Shich’ooní, Maria Isabel, dóó shí Central Americadi na’siniit’ą́ą́, Guatemala Cityjį’ nihi’dool’a’. Áadi Julia bił ahééhosiszįįd, éí Sodizin t’áá íiyisíí yikéé’ sizį́. Yił háájé’ígíí baa nabidídééshkiłgo shił ádzaa. Bimá 2011yę́ędą́ą́’ ats’íís naałdzid yits’ą́ą́dóó ádin. Bizhé’é éí stakejí t’áá íiyisíí nizhónígo naat’áanii nilį́į ńt’ę́ę́’, bishop nilį́įgo áká’eelwod dóó dikwíí nááhaijį’ shį́į́ stake president akéégóne’ dah sidáhí nilį́į ńt’ę́ę́’. T’áá aaníigo Diyin Bóhólníihii bidibé yaa’áhályą́ dooleełígíí nilį́ ńt’ę́ę́’. Julia éí ts’ídá doo ni’ kónééhgóó aanádááh, dóó diyink’ehgo áká’análwo’, dóó na’nitin ńt’ę́ę́’. T’áá aaníí Diyin Bóhólníihii bidibé da’ílíinii yaa bił hózhǫ́ǫgo yaa na’áłtso’ dóó yik’ideez’į́į́’ ńt’ę́ę́’. Náá’ásgeh dóó Sodizinjí t’ah áká’análwo’ ńt’ę́ę́’.
Áádóó dííkwííshį́į́ nááhai, bich’ooní yił ałtsázh’áázh, dóó áádóó t’áá sáhí sodizin atah yaahaníjídááh náájisdlį́į́’. Doo ákwé’í hojílǫ́ǫgóó ts’izdeezkééz áádóó ałdó’ yóó’abidi’doot’ánígíí biniinaa ła’ diné baa yádaałti’ niizį́į́’. Sodizingóó doo áłnánádááh da silį́į́’ bijéí ii’sizį́ ats’ą́ą́jí’ígíí bii’ hazlį́į́’.
Julia éí dibé yaa’áhályáanii silį́į́’ígíí ts’ídá aláahdi yaa haniihgo yaa yáłti’, éí diné yéigo naalnishii, ayóó’ó’óníinii, dóó jooba’ nízinii nilį́į ńt’ę́ę́’. Yaa yáłti’go t’áá hooshch’i’ biniyéí shił ádzaago bénáshnii’. Éí diné haadeit’áo da biká’ádeeshwoł niizį́į́’, hastii nízaadgóó nááhai lą’ígo diné yiká’eelwod.
Bibéésh hane’í binóomba sheeníyį́, dóó bich’į’ náháshnih, t’áá íiyisíí t’áá bí bééhodeesįįł nisingo. Áádóó díkwííshį́į́ dámóo azlį́į́’ dóó lą’í, łą́ągo ch’ééh bich’į’ béésh bee náhweeshne’, ńt’ę́ę́’ ła’ ajį́ bibéésh bee hane’ néídiit’ą́ dóó yiyi’jį’ haadzíí’.
Julia, bitsi’ bééhosin bidííniid, áádóó hait’áo na’neezt’ą́ą́’, diyink’ehgo áká’eelwod, dóó Diyin Bóhólníihii bidibé da’ílíinii ayóó’áyóóníigo lą’í nááhai shił ádzaaígíí bee bił hweeshne’. Kót’áo ha’oodzí’ígíí doo neiyólíi da ńt’ę́ę́’. T’áá íiyisíí t’áá kojį’ shidááh dahjizdáago, hwił álah deeshłeeł nisin bidííniid. Ha’át’íí biniyé bił áłah deeshłeeł nisinígíí yínashídéíłkid. Ábidishní, “Asdzáán ts’ídá yá’át’éehii bizhé’é bił nahodesshni nisin.” Béésh bee hane’í t’óó honízáhíjį’ t’áadoo ííts’á’í da—t’óó honízahjį’ ndi t’óó ahooláágóó shił áhoodzaa niizį́į́’. Áádóó ání, “Hahgo dóó háádi?”
Áádi níyáago, diné yitah naayáhígíí, diyingo yíká’eelwod, dóó Diyin Bóhólníihii bidibé da’ílíinii neineezt’á’ígíí ła’ bee shił hodíílnih bidííniid. Hane’ nabiiłnánígíí yaa náhoolne’, bízhí łahgo ádzaago baa ákoniizį́į́’ dóó lą’í da dibé yaa áhályáanii dooleełyę́ę bił ánádzaa. Binák’eeshto’ deezna’. Áájį’ ahoolzhiizhígíí shił áhoodzaa, ákondi baa hadeesdzihígíí doo shił bééhózin da. Shíni’ biyi’di sodeeszin, “aTaa’, shíká’anilyeed.”
T’áá hoosch’į’, yáshti’go baa ákoniizį́į́’, “Shik’is Florian, Diyin Bóhólníihii bá naal’a’ii nishłį́įgo, doo niká’anéijahę́ę t’óó baa shíni’. T’áá shǫǫdí, Nihaanidi’ní’aah Ayóó’ádaniníínínígíí nich’į’ kódeilnééhgo bee nihá nínáhooł’aah . Áko daniniidzin. Ílį́įgo naa nitsídeikees.”
Damóo azlį́įgo nihił yah anáádzá. Nízaadgóó bibishop yił áłah silį́į́’ dóó t’áá atah nádááh silį́į́’. Díkwííshį́į́ nídeizidgo dahnídiidzá—ákóndi nihaa nádzą́. Łáhgo ’adzaa la. T’áá aaníigo ádíshní Yisdá’iiníiłii nihiká ánálwo’go, Bidibé da’álíinii ayóó ádei’yínííníi doo dóó diyingo biká’ánéíjah doo Bí át’ínígi’ át’áo. Áádóó áko, Guatemala Citydi Diyin Bóhólníihii Jesus Christ éí t’ááłá’í dibé yóó’ííyahígíí Bidibé shijéédi néíníłtį́. Áádóó Bí éí diyingo áká’aná’áwo’ ts’ídá doo beedeeshnahgóó yee nashineezt’ą́ą́’. Bidibé Yaa Áhályáanii, Bidibé Yaa Áhályáanii Nizhóonii, Bidibé Yaa Áhályáanii Ayóó Ánoolninii, azhą́ Diyin Bóhólníihii Jesus Christ bízhi’ binahjį’, amen.