“Boni Ngaia Ngai”
Ana tangira Kristo ae kororaoi—oti man ara kakaonimaki nakon te babaire mai ikarawa— n reitinako ni karaoia ma te nanomwaaka.
Bon te bong ae te Taabati, ike ti a ikotaki iai n tataekina Kristo ao arona ngke E tauraki. I ataia bwa e maiu au Tia Kamaiu.
Iangoia bwa aongkoa rongorongon maiun Iesu i aon te aba aei e riki n te wiiki ae nako. A bootaki te koraki ae bati, n raonaki irouia tautian Rom ma aia bwai ni buaka te kabang ma kabae. A kairaki irouia ibonga ake a kakannato ma aia taura i nanon baia, te koraki aikai a bon aki roko bwa na taua taekan te kaawa. A roko n te tairaki anne ti bukin temanna te aomata, te aomata ae ataaki bwa e aki mwamwananga ma ana bwai ni buaka, ke n tia ni kataneiai n te kuura n tautia, ke n tia n ira buakon te buaka i nanon maiuna.
Ngke a tabe ni kan roko tautia, Iesu, e kataia ni kamanoia Ana reirei, ao E otinako ao E taku nakoia, “Antai ae kam ukoukoria?” A kaeka, “Iesu are te I-Natareta.” E taku Iesu nakoia, “Boni Ngaia Ngai. … Ao ngke … E kangai nako ia, Boni Ngaia Ngai, ao a kerikaki, ao a baka i aontano.”
Irou, ao aio bon te kabanea ni kakaongora ni mwakoro i nanon koroboki aika tabu. Ibuakon nako bwaai, e tuangai bwa ngkana ti mena i matan natin te Atua—are bon Iehova ngaia n te O Tetemanti ao te tia kawakin tibu ae raoiroi n te Nu Tetemanti, n akea irouna bwai ni buaka n aekaia nako—ni kakauongo nakon te bwana man te ne ni kamaiu man te angbuaka, Te Uea n Raoi aio, e tau n kanakoia taan kakaitara nakon te taenikai, n te aro bwa a bwaka nako aontano, ao n iangoia bwa e raoiroi riki ngke a katabeaki n te tabo ni karao amwarake n te tairiki anne.
Tabeua te bong imwaina, ngke E roko n te kawa ma te tokanikai, “e kiriwe te kawa ni kabanea” e taekinaki n te koroboki bwa, a titiraki, “Antai Teuaei?” I karaua n iangoia bwa te taeka ae “Antai Teuaei” bon te titiraki are a tabekia tautia aikai!
E bon aki kona n reke te kaeka man Tarakin matana, bwa itiua te tienture i mwaina ao e taetae ni burabetia Itaia bwa “akea tarana ae raoiroi; ao ngkana ti taraia, ao akea naba raoiroini matana ae ti na tangiria iai.” Bon akea i nanon nnen Ana kunikai ae itiaki ke kaubwaina ae korakora, ibukina bwa bon akea irouna mai moana. E bon aki kona n reke mai mwiin ana kataneiai n te reirei ibukina bwa bon akea kakoauana bwa e reirei, ao ngke te kairake ngaia E bon kaminoa nanoia rooia ma tan koroboki, ao a mimi n Ana reirei “bwa e reireia n ai aron ae maka.”
Man te reirei n te tembora nakon tokanikaina n rin i Ierutarem ao te kabanea aio, te bukibuki ae akea etina, e katukaki i nanon te kangaanga Iesu, n aaro aika a kairua are E bon totokanikai i aoia—tokanikai ake ti aki kona ni kabwarabwara ma ti man te Kakoaua mai karawa.
N rinanon rongorongo a mwaiti aika a kakimototoaki, n kakeaa noorana iroura ao Ana kakoaua bwa antai ngaia. A kakerikaaka Raoiroina ni karaoan mwakuri aika bubuaka, Ana motiraoi ni kauarerekea unra, ke Ana nanoanga ni kauarerekea te ioawawa. Ti riai n aki bukintaeka n aron noorana iroura ae na kona n katinanikui reirei ake ti mwengaraoi iai. Te “kaotioti ni koauan arona” aio e bon koaua ai moarara riki ngkana ti tataekina raoiroina, Ana tangira.
N ana tai n mwakuri i aon te aba, e reirei Iesu taekan uoua tua aika moan te korakora. A tia n reiakinaki n te maungatabu aei ao a na teimatoa n reiakinaki n aki toki: “Tangira te Uea ae Atuam [ao] tangira raom n ai aron tangiram i bon iroum.” Ngkana ti irira ara Tia Kamaiu ma te kakaonimaki inanon tua aika kakawaki aikai, ao ti na bon matoatoa nakon baike E bon taekini. Ao are e bon tia n taekinna, “Ngkana ko tangirai, ao kam na tou mwiin au tua.” N te tairiki naba anne, E tua nakoia ni kangai kam na Itangitangiri, n ai arou ngkai I tangirii ngkami.”
N kiibu akanne, mwakoron taeka akanne a bonkabwarabwara raoi ni koaua, ana tangira ae kororaoi Kristo—ae n tabetai e taekinaki bwa te tangira ae aki bwabwaka—ae akea kabotauana.
Tera ae kabwarabwara? Aekakira ana tangira Iesu?
Te moan, E tangirira “ma [irouna] nanona, marurungina, ao korakorana ni kabane,” onimaki bwa bon ngaia te tia kamaoi ikoaki aika kakaiaki ao n kona n taekin koaua aika matoatoa iangoaia. Kauarerekeana, bon Ngaia ae onrake n te akoi ao te koaua. N aron ana taeka ni kakabwaia Riaai nakon natina te mwaane ae Iakobwa, “E roko kaboakin te maiu iroun ao rinanon te Meetia ae Tabu; bwa e onrake n te akoi ao te koaua.” E mwaneira n ana tangira ngkana ti nima te mwangko ae mao. Ngaia are ti riai n tatangira—ma nanora, marurungira, ara iango, ma korakorara—bwa aio naba Arona n tangirira.
Te kauoua n taratara i aon ana tangira Iesu bon Ana ongeaba nakon taeka ni kabane are a otinako mai wiin te Atua, e boraoi ana baire ma nanon ana baire te Tama.
Ngke E kawara te aono n Amerika i mwin Mangautina, E taetae Kristo nakoia Nibwaite ni kangai: “Nooria, bon Iesu Kristo Ngai. … I a tia ni mooi n te mwangko ae mao are e a tia n anganai te Tama,… are I a tia ni kainnano iai ibukin nanon Tamau … ni kabane mai i moana.”
N te kawai ae rababa, E na bon kaotai Arona, E karaoa aei Iesu man ana ongeaba nakon nanon te Tama—n aki tabe ma ana aoa ae e a uakan, e namakinna te nati ae ana riki temanna te Atua bwa e a kitanaki iroun Tamana. Ana tangira Kristo—e na reke man ara kakaonimaki nakon te babaire mai i karawa—ao n reitinako ni karaoia ma te nanomwaaka, tiaki ti i nanon taai n nakoraoi ma inanon naba taai n rawawata.
Iesu bon “te aomata ae nananokawaki,” e taekinaki n koroboki aika tabu. E rinanon te nanokaawaki, te maraki n rabwata, te un, ao te maroaa ae korakora. N te tai aei ao n ni katoa tai, e aki bwaka ana tangira Iesu, ai arona naba ma Tamana. Ma te tangira ni koaua—bon te banna ni kakairi, ni kakorakora, ao tibwatibwa—ti riai n aki kabwaka n te tangira.
Ngaia are, n tabetai ngkana ko a nang teboakinna, ao e na rang kangaanga riki aron rekena; ngkana, ngke ko kataia ni mwakuriia nakon am konaa ao aki kororaoim, ko kunea temanna ke te bwai ae kataa am onimaki; ngkana, ko mwakuri ma nanom ni koaua, ko teimatoa n namakin taai ni maaku ae roko i aom, ururingnga bwa e a bon tia naba n reke irouia angiia aika a kakaonimaki ao n tamaroa i nanon nako taai. Uringnga naba bwa iai te katikitiki n te aonaaba ae kaota te kakaaitara ni bwaai aika raoiroi ake ko kataia karaoi.
Ngaia are, n taai n maiuraoi ao n kainano, taai ni kamoamoaki ao n kabuakakaki, taai ni kakaonimaki ao ni bwaka, ti waaki nako ao n teimatoa n ana Ekaretia Kristo. Bukin tera? Ibukin te tia Kabooi Maiura, ti karaoa tikura ni kabwanina te teem—n aki katokia n te moan kabwarabwara n te ukeuke ae uarereke ma ni kabanea te karaoan te ukeuke. Kakukurein te ukeuke aei bwa ti a kaman anganaki kaekan titiraki n te boki iroun te Mataniwi i mwain ae waaki te ukeuke. Irarikin anne, iai taan reirei ake a kauringira taian kaeka aikanne n taian toki i nanon te waaki. Ao eng, a na bon aki mwakuri aikai ngkana ti teimatoa n katokitoki ara reirei.
“Antai ae kam ukoukoria?” Ti kaeka ma nanora ni kabanea, “Iesu are te I-Natareta.” Ngkana E kaeka ni kangai, “Boni Ngaia Ngai,” ti na bobaraaki ao n taekinna ni wiira bwa bon Ngaia te Kristo ae maiu, are mate ibukin ara bure, E na uotiira e ngae ngke ti taku bwa E a tia ni kitaniira. Ngkana ti tei i matana ao n noori ikoakin baina ao waena, ti na ataia bwa tera ae nanonaki ibukina ni katoka i aona ara bure ao e ata naba te rawawata, n ongeaba nakon nanon Tamana—ni kabane ae nako man ana tangira ae kororaoi ibukira. N kabwarabwara te onimaki nakoia aomata, te rairannano, te bwabetito, te bwaintituaraoi ae te Tamnei ae Raoiroi, ao karekean ara kakabwaia i nanon ana auti te Uea—aikai bon taian “reirei ao otenanti” aika a kakaawaki” are kaota iai arora n tangira Atuara ao kain rarikira are e a kaota iai bannan ana Ekaretia Kristo ni koaua.
Tariu ao Mwaneu, I kakoaua bwa ana Ekaretia Iesu Kristo ibukiia Aika Itiaki ni Boong aika Kaitira bon te bao ae katauraoia te Atua ibukira nakon abanueana ike ti na karietaaki iai. E koaua te euangkerio are e reireia, ao te nakoanibonga ae kinaaki bon mairouna. I kakoaua bwa Russell M. Nelson bon ana burabeti te Atua, n ai aroia ake a mwakuri ngkoa ao taan ae Ana taan kairiiri i mwiina. Ao n te taina te waaki ni kairiiri aei e na katauraoa te roro teuana ma teuana bwa na noora ara Tia Uarongorongo ibukin te Kamaiuaki are na kaoti ai aron “te iti … ngkana e iti mai mainiku,” ao ti na tang n takaruaea arana “Iesu are I-Natareta.” Ma baina ae taakinna ma ana tangira ae aki mwamwanaea te aba. E na kaeka, “Boni Ngaia Ngai.” I berita nakoimi aikain te kariakaki ao te mwaaka n abotoro inanon aran Iesu Kristo, ae tabu, amen.