Iango ibukin bootakin te utu n te tairiki

Iango aikai a kona ni kabonganaaki ibukin te anga reirei n te umwanreirei ao n te mweenga.

“Ururingan Iowa,” iteraniba 8: Titirakina te utu bwa tera ae a na uoti ngkana arona bwa a na mwaing n aron are a karaoia tenaan bwaeoniia. Tera te anua n tamnei ae kainnanoaki ibukin te mwananga? Taekini karakinaia oin am bakatibu ao tera anuaia ae buokiia.

“Tenua Bwaai ni Mwakuri ibukin Katean te Mweenga ae Tabu,” iteraniba 14: Moanna man marooroakinan anga aika bebeete are ko kona iai ni karaoa mweengam bwa e na tabu riki. Te ka- uoua, kukurei ni kana te amwarake ke te taona nimwii n amwarake n am tai ni marooroakina kakaawakin te tai n amwarake n te utu. Te kabane, bairea karaoan te mwakuri ae iangoaki raoi are ko kona ni karaoia ma kaain te utu, ao marooroakini bwa tera kakabwaia n te tamnei ao n te rabwata aika reke man te ikotaki ni mwakuri.

“Aio, te Kabanea ni Korakora Mai Buakon Boong?,” iteraniba 18: Kaoia kaain te utu bwa a na kabwarabwara n oin aia taeka ke ni korea tamnein aia kaantaninga ibukin nakoraoin taai aika imwaaira. Marooroakini bwaai aika riki aika konaa n totokoa koron nanon kaantaninga aikai. Wareki kiibu aika tabu iaon te onimaki. E na kanga te onimaki ni katoka te maaku? Kabongana te rongorongo ni marooroakinna bwa tera ae kona ni karaoia am utu bwa a na kimwareirei n taai aika imwaira.

“Am Taetae e Kaota Aromi,” iteraniba 30: Mwiokoa temanna kaain te utu bwa e na taetae teuanne ke neienne n aekan te aomata temanna n ai aron te merimeri, te aomata ae kinaaki man Rongorongon taai ake Ngkoa, ke te aomata man booki aika tabu. Tuangiia kaain te utu bwa a na keetinna bwa antai. Karakina karakinan Unimwaane L. Tom Perry ngke kaaina ana Taanga ni Buaka i taari America. E kanga te taetae ni kaota anuam? Ibukin buokaia kaain am utu ni kabongana te taetae ae tamaroa, katekei ana kaoti Unimwaane Perry aika teniua.

“Te Ninikoria inanon te Marae ni Koon,” iteraniba R2: Kabotaua karakinaia taari aine ake tenaan Rollins ma karakinan Nibwaai ma tarina ngke anai bwatua burati mai iroun Rabwan (tara 1 Nibwaai 3–4). E kanga ni kaotaki te ninikoria ni karaki aikai? E aera ngkai e kakaawaki bwa e na iai iroura booki aika tabu?