Ikotaki nakon Tion
Inanon moan boong ibukin manga kaokan te Ekaretia, a tuangaki kaain te ekaretia bwa a na ikotaki n te tabo teuana i nukan te United States. N te moan bon i Ohio, imwina Missouri, imwina Illinois. Imwin kanakoaia Aomata aika Itiaki mai Nauvoo, Illinois, a moana te mwananga n te rianna ae korakora ni boorio nakon te mwarua ae te Great Salt Lake. Ibukin ririki aika mwaiti imwina riki ao kaain te ekaretia man taabo nako n te aonaaba a ikotaki ikekei. A mwaiti ake a riaon marawa ni kaibuke ni ieie. Imwina a mwananga nakon Auti ni Kamanomano ibukin te Kamwaitoro (ngkai inanon Nebraska) ni kabonganai aekaki ni kawai ake a kona ni karekei, n ikotaki ma booti n te karaanga ke taian turein. Iaon te kabanea ni kawai n te rianna n riaon te Great Plains ao te Rocky Mountains, a roko n te waekon (wagon) Aomata aika Itiaki, anikaa, n toka n te aoti, ao n rianna. Imwin rokoia, nga ma nga a kanakoaki bwa ana katei maeka inanon aonon te United States ake i maeao.
Ti a bon aki manga tuangaki bwa ti na riaon marawa ke aba aika bubura ni ikotaki n te tabo teuana. A ikotaki ni kabuta te aonaaba taian bwaeoniia n te euangkerio n aia mwaanga, uoote, titeiki, ao tembora aika tabu. Ngkoe temanna naba te bwaeoniia n aron aei. Am bwai bon te mwananga n tamnei ae bon matoatoa naba n ai aron mwanangaia n rianna bwaeoniia nako maeao.
Kaetieti: Ibukin karineaia taian bwaeoniia ake ngkoa, korei ni kanakoi taian tamnei aikai, ao kanim iaon te mabe, ae mena iaon iteraniba R8–R9. Okira te taeka ni kamataata ni iangoan te tabo are a na riai n nim iai tamnei n tatabeua. Tembora i Kirtland ao i Nauvoo a tia ni katebenakoaki bwa buokam. Ibukin karineaia bwaeoniia n te bong aei ake a bon ikotaki n oin abaia, katokai aua utu iaon te aonaaba ae mronron.
Mwanangan te Brooklyn rinanon marawa
Inanon 1846 (te ririki are imwain rokoia taian bwaeoniia n te Salt Lake Valley) iai 220 Aomata aika Itiaki aika ieie nako California ni katobibia tabon America Maiaki iaon te Brooklyn. N te borau ae nimaua namakaina, 17,000-te maire (27,000-kiromiita) manna,a oreaki n taian angibuaka, ao a mate 12. Imwin rokoia i Yerba Buena (ngkai bon San Francisco), tabeman a tiku i California ao tabeman a mwananga nako Utah.
Ikotakia Ana Taanga ni Buaka te Moomon
Inanon 1846 te tautaeka n te United States e tuangia mwaane man te bootaki irouia Aomata Aika Itiaki bwa a na ira te buaka ae te Mexican War. A mwaati man te Council Bluffs, Iowa, ae tao 2,000 te maire (3,200 kiromiita) nako California, bwa ana karekea te mwane are a rangi ni kainnanoia Aomata Aika Itiaki. Aki aitara ma aiaia n te buaka, ma a tia ni karaoa te mwaati ae te kabanea n abwabwaki n te karaki ngkoa irouia taan buaka aika ririanna.