Man Katean Mition aika Boou E Koro te Ikota ni Ware ae 347

Reitinakon te rikirake ibukin te Ekaretia ao nanoia taan kairiiri n te nakoanibonga ni waakina kakorakorakia kaain te Ekaretia ao taan kairiiri ni kabuta te aonaaba a tia ni kaunga katean taian mition aika boou iaon Europe, Africa, ao te Caribbean, ao bitakin tiian mition aika aua iaon Japan.

Te Moan Beretitentii ao te Kooram n Abotoro ake Tengaun ma Uoman a tia ni kariaia katean teniua mition—aika te Ukraine Dnepropetrovsk Mition, te Sierra Leone Freetown Mition, ao te Puerto Rico San Juan Mainiku Mition. Aio e a karokoa te ikota ni ware ibukin taian mition ni kabuta te aonaaba nakon 347. Taian mition aika boou aikai a na kaukaki inanon tabeua namakaina aika imwaira.

Manga Katean Tiia i Japan

Iaon Japan, tiia ibukin te Hiroshima, Nagoya, ao Tokyo mition a tia ni manga bitaki ni moan Maati 2007.

Mwakoron te Tokyo Meang Mition ao te Japan Tokyo Maiaki Mition a tia ni ikotaki ao n ataaki bwa te Japan Tokyo Mition. Te tia ae boou ibukin te Japan Tokyo Mition e na ti tabeakina aonon Tokyo ni kaawana ae bubura ma ana titeiki ake 10.

Te Japan Kobe Mition e na ikota aonon Osaka-Kobe, ma ana titeiki ake aua ao n reitaki ma te titeiki ae kaan inanon Kyoto. Bon teuana te aono mai buakon ake teniua iaon Japan ma ikota n titeiki inanon te kaawa ae bubura aonona.

Ukraine Dnepropetrovsk Mition

Te Ekaretia iaon Ukraine mainiku e a tia n rikirake ni korakora n te aro are e a riaon ana kona temanna te beretitenti n te mition n tararuaia raoi. Karikan te Ukraine Dnepropetrovsk Mition man te Ukraine Donetsk Mition e na karekea ana tai te beretitenti n te mition ao taian mitinare ni kabanea riki aia tai ni kakorakoraia taian mwaanga aika tei ngkai ao ni kabuburaki nakon taian kaawa ake a bubura ake a kaan n te mwamwananga nakon Dnepropetrovsk.

Ma ni ikotakin te mition ae boou, Beretitenti Dale E. Anderson man te Donetsk mition e katautaua kakorakoran te waaki ni kairiiri ibukin nukan Ukraine. E taku “bwa a na kona riki ni karaoa te ibuobuoki ae tamaroa riki.

“Taan kairiiri n te tabo a bon rangi n tamaroa, aomata aika kakaonimaki. E reitia nako, E nako raoi waakin te Ekaretia iaon Ukraine,” e reitia nako. “A kakaonimaki naake a rairaki ao e tamaroa bwa akea ae bua.”

Sierra Leone Freetown Mition

Iaon Aonon Africa Maeao, te Sierra Leone Freetown Mition e karikaki man mwakoron te Ghana Accra Mition. Taian aba ake Togo ao Benin a na kamwaeaki naba man te Ghana Cape Coast Mition nakon te Ghana Accra Mition.

Te mition e ikotaki ma aaba ake irarikina ni kauarerekean te mwamwananga ao kainnanoan te mwakuri n tararua. Taan kairiiri n te nakoanibonga a na reke riki aia tai n tararuaia kaain te Ekaretia aika boou ao ni karaoi waakin nako te Ekaretia inanon te aono aei.

E kaania te mwaiti ae 38,000 kaain te Ekaretia aika maeka inanon teniua mition iaon Ghana Accra, Ghana Cape Coast, ao i Sierra Leone Freetown, ni ikotaki ma 10,000 inanon te Freetown mition.

Puerto Rico San Juan Mainiku Mition

Inanon te Caribbean, ao te Puerto Rico San Juan Mainiku Mition a tia ni kateaki man mwakoron te Puerto Rico San Juan ao te West Indies Mition.

Te Puerto Rico San Juan Mition ae ngkai e ikota te abwamwakoro ae Puerto Rico, te U. S. ao Abamwako aika te British Virgin, ao abwamwakoron nako Aruba, Bonaire, ao Curaçao.

Te West Indies Mition e ikotaki ma nikiran abwamwakoron nako te Lesser Antilles ao aaba ake a kaan ma aban America Maiaki ake Guyana, Suriname, ao French Guiana.

Bwenauan mition aika uoua aikai e na karika te Puerto Rico San Juan Maeao Mition, ni manga aranaki man te Puerto Rico San Juan Mition. Te aobiti ibukin te mition e kateaki inuuka iaon San Juan, ao te mition e na ikota iteran maeaon Puerto Rico. E na bon ikoti naba abwamwakoron Aruba, Bonaire, ao Curaçao.

Te Puerto Rico San Juan Mainiku Mition ae boou e na kateaki naba iaon San Juan ao e na mena inanona uoua titeiki ao teuana te mwakoro iaon mainikun Puerto Rico, n ikotaki naba ma aba ake a taetae-ni Imatang ake Aban nako te Virgin, Aban te British Virgin, Anguilla, St. Kitts ao Nevis, Antigua ao Barbuda, Montserrat, Dominica, ao Barbados.

Te West Indies Mition ae ngkai e na tiku aobitina iaon Trinidad ao e na manga aranaki bwa te Trinidad ao Tobago Mition. E na ikotia aaba ake a taetae ni France-ao n-Dutch ao aban nako Aonon te Caribbean ao n teimatoa n tararuai aaba ake a taetae ni Imatang aika Trinidad ao Tobago, Guyana, Grenada, St. Lucia ao St. Vincent, ao te Grenadines.

Taian aono ake a taetae ni-France ake Guadeloupe, Martinique, French Guiana, ao St. Martin. Taian aono ake a taetae n-Dutch ni ikotaki ma Suriname ao aaba ake i meangin te Netherlands Antilles, ni ikotaki ma St. Maarten, St. Eustatius, ao Saba.

Te mition ae boou aei e na kauarerekea kainnanoan te mwamwananga ao ni karekea aia tai beretitenti n te mition n rereitaki riki ma taian mitinare ao taan kairiiri n te nakoanibonga n te tabo.

Karekeaki man te Church News, Beberuare 10, 2007.