Burokuraem n Onaroka ibukia Utu e Katamaroaia Kaain te Ekaretia i Africa Maiaki

A mwaiti utu inanon te Richards Bay Uoote, Durban South Africa Stake, ake a kukurei mwin te beku korakora—ibukin te burokuraem n onaroka ae teuana ririkina are moan waakinaki man aia ibuobuoki mitinare ake a bwanin aia tai ao te Church Welfare Department.

Mwaitia kaain te Ekaretia inanon kaawa ao irarikin nako autinibootaki i Richards Bay a korakai n te kangaanga n te mwane ibukin korakoran akean te mwakuri ke uarereken te boo.

Unimwaane Jack Davidson, te mitinare ae a maan ni mwakuri inanon te aono n 2006, e noora reken te anga ae tamaroa iaon mwakoron aban te Ekaretia ae aki kabonganaki ae katobibia te autinibootaki i Esikhawini ao te rabakau iaon te ununiki ae moan te tamaroa irouia tabeman kaain te Ekaretia. A kona ni unikaki kain amwarake inanon te ririki, ao tataran te uaa a kona ni kabooaki nakoia kaain te kaawa.

E a tia te Ekaretia ni kabooi aaba ake a mena iai teniua kateitein te Ekaretia aika aki tei maan (te umwantabu ao uoua umwanreirei aika uarereke) ake a kateaki ni buokia kaain te Ekaretia n te tai anne. Taian auti aikai, uteute, uee, ao nnen kaa n tei a ti tekateka iaon teuana katenimwakoron te aba. Te nikira, ae tao 45 te miita rababana ao 80 te miita ananauna, a bon ikawai uteutena, man aobuaka. Te aba aio e na kabonganaki ibukin katean auti aika tei maan ngkana e roko kainnanoaia nakon taai aika imwaira. Te o e kamanoa te aba aio ni katobibia.

E kabanea tao onoua namakaina Unimwaane Davidson ni ikoikoti mwaane ibukin kabooan bwaai ni mwakuri, bwaai n tebo aroka, ao bwaai ni mwakuri ake tabeua ao katean te auti ae matoa ni kamanoi bwaai ni mwakuri ao kaako. Te mwane e roko man te LDS Humanitarian Services ao anganano ni bwaintangira mairouia utu ao raoraoia.

Te kateitei ae matoa ibukin kawakinan bwaai e bon kainnanoaki tiaki ti ibukin te kamanomano ma ibukin kanakoraoan aron kabonganaan te tabo irouia kaain te Ekaretia. Ti tabeman kaain te Ekaretia i Esikhawini ake iai aia kaa. Ngkana a kataia n ununiki ao akea te auti aei, a na riai ni uouoti aia bwai ni mwakuri aika rawawata man ao nakon mweengaia. Te bwai are e tiku n te tabo e kona ni kimoaki. Ao, tabeman taan ununiki aika boou a na bon aki kona ni karekei bwaai ni mwakuri. Ma ngkai iai te kateitei ikai, kaain te Ekaretia a kona n anai bwaai ni mwakuri aika a maiu n te iti ao ake aki ni kaotinakoi ao ni karini. Mwakoron te babaire iaon te ununiki bon ibukia kaain te Ekaretia ao mitinare bwa a na anai bwaai ni mwakuri nakoia kaain te Ekaretia ni kaawa ake tabeua ni buokia kaain te Ekaretia ni waakin aia onaroka. Bwaai ni mwakuri ni kabane ake a maiu man te iti a kona ni uotaki n te kaa te pickup.

Ni moa man Maati 2006, ao e a raka nakon tengaun ma uoman mitinare ake a bwanin aia tai inanon te Richards Bay Zone ibukin te South Africa Durban Mition aika mwakuri ni buoka katean aia onaroka utu ao te auti ni kamanomano ao bwaai ni kamkamka.

Te bitiobi n te Richards Bay Uoote ae Ted Baldwin e kawenei burikin te auti are e na kamatoaki, ao ake tabeman a ibuobuoki n aron ae kainnanoaki ma aio ao te mwakuri ma te timanti.

Unimwaane Davidson ao nikiraia Unimwaane a ti tara kaitiakan aon te aba bwa e aonga ni korekoreaki te aba, te ribana e a kona ni waakinaki raoi, te waaki n teboki aroka e kona ni kateaki, ao te atama a kona ni kaitiakaki. Aki toki n roko kairake ni ibuobuoki ao n reirei aron kabonganaan bwaai ni mwakuri. Korean te aba a nakon 6 te miita ao 10 te miita ma teuana te miita te kawai ni katobibia.

Ngkai mwakoron aba a tia man tauraoi ibukin te ununiki, utu man kaawan Esikhawini a tauraoi n anaia ao ni uniki amwarake aroka ibukin te kamwaitoro. Tabeua utu a kaman kamaiu aia koraa ni mweengaia ni kakatauraoi ibukin te onaroka.

Mwaitin mwakoron aba ibukia n tatabemania e a bon roko ngkai n te kouru ae 30 inanon moan Tuun. Inanon te waaki, ao te botanaomata a noora te waaki aei. N angin te bong ao tabeman aomata a na tei man titirakinia kaain te Ekaretia ao mitinare tabeua titiraki. Tabeua maibuakon marooro aikai a karekea te reirei ma mitinare.