Elder Walter F. González
No te Peresideniraa no te Hitu Ahuru

E iteraa papu to Elder Walter Fermín González no te mau haamaitairaa o ta te taviniraa e hopoi mai. « E tarahu rahi ta tatou i te Fatu no te mea, ua hau atu te haamauruururaa i te taviniraa o ta tatou e horo‘a », o ta’na ïa i parau.

Ua haamata te faaineineraa a Elder González no te tavini i to’na apî raa, hou roa oia i riro mai ai ei melo no te Ekalesia. I muri mai i te ivaraa o to’na matahiti, ua ani to’na mama ia haapii oia i te reo Peretane. Noa’tu eita to’na na metua i te melo, ua parau râ oia e, ua riro to’na mama « ei mauihaa i roto i te rima o te Fatu » a faaineinehia’i oia no te mau piiraa o ta’na e faarii atu.

« Aita roa te hoê noa‘e i ite e e riro mai au ei melo no te Ekalesia e iva matahiti i muri mai. Aita roa te hoê noa‘e i ite e i te hoê mahana e piihia vau ei Hui Mana Faatere Rahi e titauhia vau ia parau i te reo Peretane », o ta’na ïa i parau.

Fanauhia ia Victoria e ia Fermín González i te 18 no Novema 1952 i Montevideo i Uruguay, ua bapetizohia Elder González i te 18 raa o ta’na matahiti. Ua faaipoipohia oia ia Zulma Anahir i Montevideo i te 28 no Fepuare 1975. E ua taatihia raua i roto i te Hiero no Washington D.C. i te matahiti 1979 e e metua raua no na tamarii e maha. Te tia‘i nei raua i te fanauraa o ta raua mootua matamua.

Ua haere o Elder González i te Fare Haapiiraa Tuatoru no Universidad de la República no Uruguay e i Universidad de la Fraternidad no Ra-Parata e ua roaa ta’na parau tuite tuarua nui i te Fare Haapiiraa Tuatoru no Bloomington.

Ua paturuhia Elder González i roto i te Peresideniraa no te Hitu Ahuru i te 6 no Atopa 2007. Ua tavini na oia ei Peresideni no te mau Area no Paratira Apato‘erau e no Marite Apatoa Too‘a o te Râ e ei tauturu i roto i te mau Peresideniraa Area no Marite Apato‘a Hiti‘a o te Râ e Paratira Apato‘erau. Ua tavini atoa oia ei Hitu Ahuru Area no Marite Apato‘a Apato‘erau, ei peresideni misioni no Equateur, ei peresideni titi no Uruguay, e ei ti‘a faatere no te mau ohipa haaparareraa parau no te Area o Marite Apato‘a Apato‘erau.

Ua rave na oia i te ohipa no te Faanahoraa Haapiiraa a te Ekalesia, e ei ti‘a faatere no te Area no Marite Apato‘a Apato‘erau.