I se Upu

Siona: Ua poloaiina i tatou e le Alii ina ia “faatuina tuutuuga fuafuaina o Siona” (MFF 6:6). O le a le Siona? O le isi faauigaga o le “o e loto mama” (MFF 97:21). O le upu Siona e masani ona faaaogaina i le itu lenei e faatatau atu ai i tagata o le Alii po o le Ekalesia ma ona siteki (tagai MFF 82:14). Ua uunaia i tatou ina ia fausia Siona i soo se mea o loo tatou nonofo ai.

O Siona foi e mafai ona faatatau i ai o ni nofoaga patino:

• O le nuu o Enoka (tagai Mose 7:18–21).

• O le nuu anamua o Ierusalema (tagai 1 Tupu 8:1).

• O le Ierusalema Fou, lea o le a faatuina i le Itumalo o Jackson, Misuri (tagai MFF 57:1–3).