E mafai faapefea ona sili atu ona ‘anoa a’u suesuega i tusitusiga paia?

Ua faasoa mai e Peresitene Henry B. Eyring o le Fesoasoani Lua i le Au Peresitene Sili ia nisi o ona manatu e uiga i lenei mataupu.

Mai le “O Se Talanoaga i le Suesueina o Tusitusiga Paia,” Liahona, Iulai 2005, 8–12.

E moomia ona tatou suesue ma le lotomaulalo ma le naunautai i tusitusiga paia.

Faatulaga se taimi masani e suesue ai tusitusiga paia. E te masani loa i le suesue i aso uma i tusitusiga paia, e te misia pe afai e te le faia.

A tatou oo i se faafitauli i o tatou olaga, e tatau ona tatou saili atu i tusitusiga paia mo se fesoasoani faapitoa. O le a tatou maua ia tali i totonu o tusitusiga paia.

Afai e te faitauina le Tusi a Mamona ma se loto matala, o le a e iloa ai o le afioga lava lea a le Atua, ma e moni.

E i ai le taimi, afai ua amata moni ona e fiafia i tusitusiga paia, o le a e iloa ai o le a avea ma se vaega o oe.