O Le Lomiga o Mati, 2008 e Uiga i le Tautino atu o le Faaola i Tagata Uma

O le lomiga o le Liahona ma le Ensign o Mati 2008 o le a taulai atu i le Alii o Iesu Keriso. O faasalalauga uma ua mamanuina ia fesoasoani i tagata, toaaga po o le le toaaga, e faateleina lo latou faatuatua, ma le alofa mo le Faaola. O lenei lomiga o le a aoga foi i le aoaoina o ē e le o ni tagata o le Ekalesia, e uiga i lo tatou talitonuga ia te Ia.

“Ua matou talitonu o lenei lomiga o mekasini a le Ekalesia, e toatele tagata o le a latalata atu i le Faaola ma maua le anoanoai o faamanuiaga o Lana Togiola” na saunoa ai Elder Jay E. Jensen, o le faatonu o mekasini a le Ekalesia.

O lenei lomiga ua aofia ai vaaiga patino e pei o:

Se vaaiga aoao o aoaoga a le Ekalesia e uiga i le Faaola, ua saunia e Peresitene Gordon B. Hinckley.
Mataupu mo le au matutua, le autalavou, ma tamaiti, ua saunia e Peresitene Henry B. Eyring, Fesoasoani Lua i le Au Peresitene Sili; Peresitene Boyd K. Packer, Sui Peresitene o le Korama a Aposetolo e Toasefululua; Elder Russell M. Nelson ma Elder Jeffrey R. Holland o le Korama a Aposetolo e Toasefululua; Elder D. Todd Christofferson o le Au Peresitene o Fitugafulu; ma isi e faatatau lava ia Iesu Keriso, o le mafuaaga ua alagatatau ai le faatuatua ia te Ia, ma pe faapefea ona faamanuiaina olaga i Lana Togiola, faapefea ona o mai ia te Ia, ma po o le a le uiga o le tu atu o se molimau mo le Faaola.
O ni ata o loo faaalia ai “O Le Keriso Soifua: O Le Molimau a Aposetolo.”
O Molimau ma poto masani i le atiina ae o le faatuatua i le Alii, ma le mauaina o le mana o Lana Togiola.

E mafai ona faaaoga le lomiga e faiaoga asiasi ma faiaoga o aiga, faifeautalai o uarota po o paranesi, ma taitai o le perisitua ma ausilali, e avea o se ala e fesoasoani ai e faasoa atu a latou molimau i tuaoi ma uo.

O le a maua e iunite taitasi ni kopi faaopoopo. O tagata o le au paia ua silafia ni tagata e ono aoga i ai se kopi o le lomiga, e ao ona talanoa atu i se tasi o le au epikopo po o le au peresitene o le paranesi e uiga i le mauaina o ni kopi faaopoopo o mekasini. O le a maua foi ia kopi mai faletusi autu.