ʻI ha Foʻi Lea pē Taha

Saione: ʻOku fekauʻi kitautolu ʻe he ʻEikí ke tau “fokotuʻu ʻa e ngāue ʻo Saioné” (T&F 6:6). Ko e hā ʻa e Saione? Ko hano fakaʻuhinga ʻe taha “ko e loto maʻá” (T&F 97:21). ʻOku faʻa fakaʻaongaʻi ʻa e Saioné he founga ko ʻení ʻo ʻuhinga ki he kakai ʻo e ʻEikí pe ki he Siasí mo hono ngaahi siteikí (vakai, T&F 82:14). ʻOku poupouʻi kitautolu ke tau langa hake ʻa Saione ʻi ha feituʻu pē ʻoku tau nofo ai.

ʻE lava pē ke toe ʻuhinga ʻa e Saioné ki ha ngaahi feituʻu pau:

• Ko e kolo ʻo ʻĪnoké (vakai, Mōsese 7:18–21).

• Ko e kolo motuʻa ʻo Selusalemá (vakai, 1 Ngaahi Tuʻi 8:1).

• Ko e Selusalema Foʻoú, ʻa ia ʻe langa ʻi he Vahefonua Siakisoní, ʻi Mīsuli (vakai, T&F 57:1–3).