Fokotu‘u Ha Misiona Fo‘ou ‘i Niu Teli, ‘i ‘Initia
ʻI hono fakahā ʻe he Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá hono fokotuʻu ʻo e Misiona Niu Teli ʻInitiá, ko e misiona ʻaki ia hono ua ʻi he fonua femoʻuekina ko ʻeni ʻi ʻĒsiá, pea ʻokú ne ʻohake hono fakakātoa ʻo e ngaahi misiona ʻi he māmaní ki he 348.
Naʻe fokotuʻu e misiona foʻoú, ʻa ia naʻe fakaava ʻi he ʻaho 1 ʻo Nōvema, 2007, ʻi hano vahevahe ʻo ha ongo misiona: ko e Misiona Pengikaloa ʻInitiá mo e Misiona Singapoá.
ʻOku kau ki he Misiona Niu Telí ʻa e konga fakatokelau ʻo ʻInitiá, Neipolo, Pakisitani, Pengikolotesi pea mo Putani. Kuo uiuiʻi ʻa Keuli R. Liki, ʻa ia ʻokú ne lolotonga ngāue fakafaifekau ʻi Niu Teli mo hono malí, ko Fololeni, ke ne hoko ko e palesiteni fakamisiona foʻoú. ʻE kei kau pē ʻa e toenga ʻo e fonuá ki he Misiona Pengikaloa ʻInitiá pea tānaki atu ki ai mo Sulī Langikā. ʻE kau atu ʻi he Misiona Singapoá ʻa Singapoa, Maleisia Hahake, mo Maleisia Hihifo.
ʻOku lelei ʻaupito e ngāue fakafaifekaú ʻi he ongo misioná ni. ʻI he tuʻu ʻa e misiona hono ua ko ʻení, ʻe toe siʻisiʻi ange ai ʻa e fefonongaʻaki mamaʻó pea lahi ange ai foki mo e taimi ke ngāue ai e kau palesiteni fakamisioná mo e kau faifekaú.
Naʻe toʻo mei he Church News, 6 ʻOkatopa, 2007.