Pine Auro a le Tupu Tamaitai

Na faaolatia mai Christopher Vingoe o le Uarota a Kings Lynn, Siteki o Norwich Egelani, mai ni manu’a tuga i le faiai a o laitiiti ma ausia ai ni togi aupito maualuga se ono o le A i le vaega maualuga i le tausaga na te’a nei. E pei lena tulaga o le maoae o le taumafai i suega ulufale i kolisi ma suega o tulaga i mataupu eseese e ono. O lenei ausiga maoae na maua ai e Christopher le Pine Auro a le Tupu Tamaitai mo Ausiga Faaakatemia.

Sa tauaaoina atu e le Tupu Tamaitai o Elisapeta II le faailoga ia Christopher. “E ese le tamalii ma le faigofie ona talanoa ia te ia,” o le tala lea a Christopher, o le o loo auauna atu nei i se misiona i Leeds, Egelani. Sa na faamatala atu foi ia te ia sina mea itiiti e uiga i le galuega faafaifeautalai mo le Ekalesia.

Ina ua ono tausaga le matua o Christopher sa so’a ai o ia e se taavale a o sopoia le alatele. E lima aso na i ai o ia i le koma ma na i ai se toto na to’a i lona faiai. O lona toe manuia na maofa ai fomai. Ina ua faamatala atu i le Tupu Tamaitai o Elisapeta e uiga i le faalavelave na aafia ai Christopher faapea ma lona toe manuia mai ai, sa talasua mai, “Masalo o le mea lena ua poto ai o ia.”