Elder Kevin W. Pearson

No te Hitu Ahuru

Te ti‘aturi nei Elder Kevin Wayne Pearson e, mai te mea te maramarama maitai ra tatou i te parau tumu no te faaroo, e nehenehe ta te Fatu e rave i te mau mea maere i roto i to tatou oraraa.

« Ua paari mai au ma te mana‘o e, ahiri au e taata ite e aore râ, e taata puai e aore râ, e taata haapae e aore râ, e taata rave ohipa puai, e nehenehe ïa vau e hi‘opoa i te hoê noa’tu ohipa », o ta’na ïa i parau. « To’na auraa mau oia ïa, eita tatou e nehenehe e hi‘opo‘a i te mau mea’toa i roto i to tatou oraraa. No reira, titauhia tatou ia ti‘aturi i te Fatu e ia haapii ia roa‘a te faaroo i roto Ia’na, ia tere maite te ohipa no te maitai. Ia na reira outou, e ti‘a roa i te Fatu i te haamanuïa ia outou ».

Ei peresideni misioni, ua haapii tamau Elder Pearson i ta’na mau misionare i na tamataraa e pae e nehenehe ia manuïa e aore râ, e haaparuparu i te faaroo mai te mea eita te faaroo e haapuai tamau-noa-hia. Teie ta’na i parau, « e mea ti‘a ia outou ia fa‘aatea i te fea‘a, i te arearea, i te faaroo-ore, i te haaparuparu e i te faaitiraa i te itoito ia tupu maitai to outou faaroo ».

Ua fanauhia Elder Pearson i Roto Miti i Utaha, i te Mau Hau Amui no Marite i te 10 no eperera 1957 ia Wayne F. Pearson e ia Velda Labrum Pearson. Ua roaa ta’na parau tu‘ite tuarua nui i roto i te ‘ihi haapa‘o faufaa i te fare haapiiraa tuatoru no Utaha e te hoê parau ‘aiihi faatereraa ohipa i te fare haapiiraa tuatoru no Harvard. Hou to’na pii-raa-hia ei peresideni misioni, ua rave na oia i te ohipa ei CEO i roto i te taiete no te ‘ea.

I te taime a piihia’i oia i roto i te Pŭpŭ no te Hitu Ahuru, te tavini ra Elder Pearson ei peresideni no te Misioni no Washington Tacoma. Hou teie piiraa to’na i roto i te Ekalesia ua faaineine mauhia oia no to’na piiraa o teie mahana. Ua tavini oia ei misionare rave tamau i te fenua Finelani, ei peresideni no te Feia Apî Tamaroa, ei peresideni no te pŭpŭ peresibutero, ei melo apooraa teitei e ei episekopo. Ua faaipoipohai Elder Pearson ia June Langeland i te 24 no tiunu 1980 i roto i te hiero o Roto Miti. E ono a raua mau tamarii.