Elder Lawrence E. Corbridge

No te Hitu Ahuru

Te mauruuru nei Elder Lawrence Edward Corbridge no to’na vairaa i roto i te Fatu.

Ua roaa te iteraa papû o Elder Corbridge na roto i te mau matahiti taviniraa i roto i te Ekalesia, oia ïa ei episekopo, ei melo apooraa teitei, ei peresideni tĭtĭ e ei peresideni misioni no Santiago hitia‘a o te râ i te fenua Tireni mai te matahiti 2002 e tae atu i te matahiti 2005.

Fanauhia i te 6 no eperera 1949 ia Ivan Corbridge e Agnes Howe Corbridge, ua paari mai Elder Corbridge i Provo Utaha, i te Mau Hau Amui no Marite. Mai te matahiti 1968 e tae atu i te matahiti 1970, ua tavini oia ei misionare rave tamau i roto i te misioni apato‘erau no Ra-Parata.

Ua roaa ta’na parau tu‘ite tuarua nui no te ihi i roto i te ohipa faatereraa e te hoê parau tahua tuatoru no te ture i te fare haapiiraa tuatoru o Brigham Young. I muri mai i to’na faahanahana-raa-hia, ua haamata oia i te rave i te ohipa i roto i te ture, e i te taime o to’na pi‘iraa i roto i te pŭpŭ matamua no te Hitu Ahuru, e haava e e avota to’na toro‘a i roto i te taiete no te ture i Roto Miti.

Ua faaipoipohia oia ia Jacquelyn Shamo i roto i te hiero no Provo i Utaha i te 21 no titema 1974. Ei taata apî, ua rave na Elder Corbridge i te ohipa i te tau mahanahana i roto i te mau aua faaapu puaatoro i Idaho e i Utaha, i reira to’na haapiiraa i te here i te mau ohipa o rapae, e i te here o ta’na i faaite i ta’na vahine e i ta’na na tamaroa e pae i roto e rave rahi mau ohiparaa, oia’toa te paumaraa i ni‘a i te mau papa‘i ofa‘i, te faaheeraa na roto i te mau anavai, te faaheeraa i roto i te hiona e i te haama‘ueraa na ni‘a i te mau pehaa raau hutihia e te taura i roto i te hiona.

« Te ite, te huru o te taata e te aufetiiraa, i te utuafare ihoa ra, o te tahi ïa o te mau ohipa o ta’na e tau‘a rahi roa i roto i te oraraa », o ta’na ïa i parau. Te tahi atoa o « te haamana‘oraa tamau ïa i te Mesia ».

Teie faahou ta Elder Corbridge i parau: « E fafau tatou i te mau hepetoma atoa i te rave i te mea maitai a rave ai tatou i te oro‘a mo‘a. I te tahi taime, e hahi ê tatou. Inaha râ, ua parau te Fatu e, ia imi tatou Ia’na i roto i to tatou feruriraa. No reira, noa’tu e te rave ra tatou i te ohipa no te paturu i to tatou utuafare, e metua vahine anei e e vahine faatere utuafare anei e aore râ, te taravaraa i ni‘a i te hoê ro‘i i te fare ma‘i e ono noa iho avae te maoro no te ora, o te hoê ïa o to tatou tamataraa faufaa – ia haamana‘o noa Ia’na e i te raveraa i te mea o Ta’na e rave ».