Mary N. Cook

Tauturu Matamua i roto i te peresideniraa rahi no te Feia Apî Tamahine

A tai‘o ai au i te parau tai‘o a te Feia Apî Tamahine e te mau feia apî tamahine o te ao atoa nei, te popou nei o Mary Neilsen Cook, tauturu matamua i roto i te peresideniraa rahi o te Feia Apî Tamahine ia ite e e tamahine oia na te Atua.

« Ua pohe to‘u papa i te ava‘e novema 2007, te ti‘aturi nei au e te hinaaro nei te Fatu i te atu‘atu ia‘u i roto i teie taime no te tamataraa », o te parau ïa a te tuahine Cook. « Te haapii nei matou i ta matou feia apî tamahine e e mau tamahine ratou na te Atua ; na teie iteraa rau mo‘a e haapapû mai e, ua ite Oia e te here nei ia tatou tata‘itahi ».

Fanauhia i te 8 no tiunu 1951 ia Kenneth Nielsen e ia Fern Swan Nielsen, ua paari mai te tuahine Cook i Midvale, i Utaha i te Mau Hau Amui no Marite, e ua pûpû i to’na mau iteraa rau ei hi‘oraa na te feia apî tamahine o te faaruru nei i te hoê oraraa papû-ore.

« Ua faaipoipohia vau i te 37raa o to‘u matahiti, e ua ite papû vau i te mau tapitapi e te mau feaa e faaruruhia nei e te mau tamahine, » o te parau ïa a te tuahine Cook. « Titauhia ia outou te faaroo e te itoito no te haere tamauraa i mua, noa’tu te papû-ore ».

Ua faaipoipohia oia ia Richard E. Cook i te 16 no tiurai 1988 i roto i te hiero no Roto Miti e metua hoovai oia no na tamarii e 4 e ei mama ru‘au hoovai no na mootua 17.

« Te fariiraa i te hoê haapiiraa maitai na te reira i tauturu rahi i to‘u nei oraraa, » o te parau ïa a te tuahine Cook, o tei roaa te parau tu‘ite tuarua nui e te parau ‘aiihi tuatoru i roto i te toro‘a (pathologie e audiologie) oia ho‘i no te hoê melo o te tino e no te faarooraa oia’toa ei taata aravihi (EDS – haapiiraa aravihi) i te fare haapiiraa tuatoru no Brigham Young. « Na teie nei mau parau tu‘ite i faaineine ia‘u ia tavini ei metua vahine e ia tavini i roto i te Ekalesi ».

Ua tavini na te tuahine Cook ei misionare rave tamau i Mongolia i te fenua Tinito e ta’na tane, o ta’na i pii e, to’na hoa maitai roa‘e. Ua tavini atoa na oia ei tauturu piti i roto i te peresideniraa rahi no te Feia Apî Tamahine e i roto i te tomiteraa rahi no te Feia Apî Tamahine.

Te ti‘aturi nei te tuahine Cook e, e mea faufaa ia hi‘o ti‘a i ni‘a i te taata iho. « Te hinaaro nei matou i te feia apî tamhine tata‘itahi ia riro ei ite no te Mesia », o te parau ïa a te tuahine Cook. « E ere teie i te parau noa. Titauhia matou ia horo‘a ia ratou te hinaaro e te ti‘aturiraa ia riro ei tamahine parau-ti‘a na te Atua ».