Faamatalaga

Na Ou Faia La’u Paranesi Fou [Ma O’u] “Aiga”

Lata mai nei na ou faigaluega ai i Bengaluru, Initia, o se aai e mamao ese mai lou nuu o Chennai. Sa ou fiafia i lau galuega fou; ae peitai, sa ese se lagona i le alu atu i se paranesi fou. Sa pei lava au o se tagata ese, ma na ou misia lava lau paranesi i lou aiga. Ona ou faitauina lea o le tusiga “Faia o Soo se Uarota ma ‘Au Uarota’” i le Liahona o Ianuari 2008. Na ou lagonaina le faamafanafanaina, ma amata ai ona ou faailoa atu au i ni tagata se toatele. Na ou maua se valaauga ma ni uo fou. O le mea na sili ona taua, ua ou iloa lelei ai le mafuaaga ou te alu ai i le lotu. O le taimi nei ou te vaavaai lava mo ni tagata fou ma aapa atu ia i latou. Faafetai lava mo le tusiga.

Joseph Isaac, Initia

O Le Liahona Na Fesoasoani ia te Au e Talai Atu le Talalelei

Ou te fealuai lava i taimi uma ma feaveai le Liahona. Ona o lenei mea, ua mafai ai ona ou maua le tele o igoa o tagata e faailoa atu i faifeautalai. Ou te faitauina pe a ou faatalitali mo lou avanoa i le falemai, o lea e fiailoa ai lava e tagata, ma ou te faaaogaina tatau ai le avanoa e talanoa atu ia i latou e uiga i le talalelei a Iesu Keriso ma le ata o le faaolataga ua aoao mai e le Atua ia i tatou. O le feaveaiina o le Liahona i soo se mea ou te alu i ai, ua fesoasoani ou te talanoa ai e uiga ia Iesu Keriso ma talai atu le talalelei i tagata.

Margarita Herrera de Bello, Mekisiko