O Le Lomiaina o le Tusi a Mamona

Sii mai le Aoaoga a Peresitene o le Ekalesia: Iosefa Samita (kosi aoao a le Perisitua Mekisateko ma le Aualofa, 2007), 8–9, 135–37; ma le History of the Church, 1:71–80.

I le 1829 na faamaeaina ai e Iosefa Samita, faatasi ai ma le fesoasoani a lana tusiupu o Oliva Kaotui, le faaliliuina o le Tusi a Mamona.

Oliva, ua fiafia le Alii ia i taua.

Ia na pau le mea o loo manaomia o le ta lolomiina o lenei tusi maoae.

Na malaga atu Iosefa ma Oliva i Palamaira, Niu Ioka, ma talanoa atu ia Egbert B. Grandin, o se tagata lomitusi.

Ma te manaomia ni kopi se 5,000 o le tusi lenei i se taimi vave e mafai ai.

O lona tau e $3,000. Ona ua tele naua kopi o loo lua mananao i ai ae o se tusi tele foi lenei, atonu o le a sili atu ma se tausaga ou te lolomiina ai.

O ni nai masina mulimuli ane, na faapea ona popole ai Mr. Grandin ina nei le totogi atu e Iosefa lana tupe. Sa ia taofia le lolomiina o le Tusi a Mamona sei iloga na te mautinoa [e totogi atu lana tupe].

Ua ou mokesiina la’u faatoaga e lolomi ai le Tusi a Mamona. Ua tatau la ona faatoafilemu ai [le popole] o Mr. Grandin.

Matuai manaia tele, Matini!

Na i ai se masini lomitusi fou a Mr. Grandin lea na vave ai le faagasologa o le lolomiga nai lo masini na i ai muamua. Ae, na umi lava se taimi o ia lolomia.

Mr. Grandin, ua toeitiiti lava a uma, ae o lenei ua na o le fitu masina!

Ou te le malamalama lelei pe na faapefea.

O le taimi lava na lolomiina ai le Tusi a Mamona, o le taimi foi lea na faatonuina ai e le Alii ia Iosefa e faatulaga le Ekalesia. O le aso 6 o Aperila, 1830, pe a ma le 60 tagata na fono i le fale o Pita Uitimera Matua.

Susu mai uso e ma tuafafine.

Na lagolagoina e tagata o le ekalesia Iosefa o se perofeta ma faia le faamanatuga.

E ui lava ina sa amataina le Ekalesia i nai tagata toalaiti, ae na ta’u atu i se taimi mulimuli e Iosefa i nisi o le usoga i Katelani e uiga i lona faamoemoega.

Ua na o se vaega toaitiiti o le au perisitua ua outou silasila i ai i lenei afiafi iinei, ae o le Ekalesia lenei o le a faatumulia ai Amerika i Matu ma Saute—o le a faatumulia ai le lalolagi.

Ata na tusia e Sal Velluto ma Eugenio Mattozzi