O Le Lesona E Tasi Na Suia ai A Matou Afiafi Faaleaiga
E toatolu le ma fanau laiti, e lima, tolu, ma le tasi tausaga le matutua. O le taimi muamua, na avea a matou afiafi faaleaiga o ni mala. Sa faalavelave ma mananao tamaiti e taulai uma atu ia i latou. Na toeitiiti lava a ma toilalo ai ma lou toalua.
Ona oo lea i se tasi po o le Aso Gafua, na aoao atu lou toalua e uiga ia Samuelu le sa Lamana e faaaoga ai ata e faapipii i le laupapa ie mamoe. Na matou auauai uma lava e faapipi ata i luga o le laupapa e fetaui ma tagata o loo i le tala pe a tau mai o latou igoa. Sa matua fiafia tamaiti i le gaoioiga o lea na matou maua ai se afiafi faaleaga toafilemu muamua lava mai le tele o masina.
O lenei lesona na suia ai a matou afiafi faaleaiga. Na amata ona ma saunia ni lesona na tele ina fesootai, ma na ofo mai tamaiti latou te faia soo se mea ina ia aoga ai le afiafi faaleaiga. Na amata foi ona ma tuuina le tele o le taimi i le fuafuaina o a matou afiafi faaleaiga. Na ma taumafai ia mautinoa e le tutusa mea na fai i se afiafi faaleaiga. O le eseese o gaoioiga na fesoasoani e faatumauina ai le sagisagi fiafia o le ma fanau.
Na alu ai taumafaiga fuafuaina lelei i la ma’ua vaega e faatulaga ma lagolago ai nei elemene i a matou afiafi faaleaiga. Ae o le taimi lenei ua tulimatai atu le ma fanau i afiafi faaleaiga ma auai i ni auala e sili atu ona aoga.