Faamalosia o La’u Molimau

Alberto Avilez Rodríguez, Mekisiko

E masani ona ou tei i mea e mafai ona ou aoaoina i le inisitituti. Ou te le manatua se taimi na ou auai atu ai i le vasega e aunoa ma le aluese mai ua ou aoaoina se mea fou pe malamalama lelei foi i se mataupu faavae o le talalelei. O se taunuuga, ua suia ai lou olaga.

E tele faamanuaiga ua ou mauaina ona o le auai i le inisitituti, ma e aofia ai ma le faaleleia o sootaga faaleaiga ma le faateleina o lou fiafia i tusitusiga paia. Ua faapea foi ona faateleina ai lau molimau. Ae ou te lei auai i le inisitituti, na ou le mautinoa pe na ou manao e fai se misiona. Ae o lenei ua ou iloa o le faia o se misiona o le mea lena e tatau ona ou faia.

O le inisitituti na avea o se aafiaga matagofie mo au. Ua fesoasoani ou te malamalama ma usitai ai i tulaga faatonuina o le Ekalesia. O aoaoga faavae o le Ekalesia o auala ia o le faaolataga ma le faaeaga, ma ou te faafetai ona ua mafai ona ou aoao e uiga i ia aoaoga i le inisitituti.