Ola Latalata Atili i le Alii

Ngozichi Okwandu, Abia, Nigeria

Talu lava ona ou amata auai soo i le inisitituti, ua faapea ona oo mai ai i lou olaga ni faamanuiaga faaleagaga maoae. Ua ou atiina ae le alofa faaKeriso i ou uso e aooga i le inisitituti, ua faateleina le malosi o lo’u faatuatua i le Alii, ma ua ou latalata atili atu ia Iesu Keriso e ala i le suesueina o tusitusiga paia.

O lesona e tuuina mai ai ia te au ni faasinoala e ala i le fesoasoani lea ia ou malamalama lelei i le faaaogaina o la’u faitalia. Ua fesoasoani mai ia te au i lou faafetauia o luitau ma se vaaiga mautinoa, ma ua ou aoaoina e latalata mai le Atua e le aunoa, e fesoasoani mai i le foiaina o ou faafitauli. Pe a ou auai atu i le inisitituti, ou te maua ai tali o au fesili. O taimi uma lava ou te faataitaia ai aoaoga mai au vasega, e foliga mai ua faigofie teisi ai ona taatitia lelei isi mea o lou olaga i o latou tulaga e tatau ona i ai.

Ou te lagona o le auai i le inisitituti o se tasi lea o auala e sili ona aoga e mafai ona ou faaaluina ai lou taimi i lou talavou.