Faaalia o le Faatuatua

Malinda Morrison, Ausetalia i Sisifo, Ausetalia

O lou fiafia i le inisitituti na amata mai i tua i le seminare. Na ou auai i le Ekalesia i le 14 o ou tausaga, ma sa ou fiainu i se malamalamaaga. Na ou fiafia e aoao e uiga i le talalelei ma na ou alofa i uo ma faiaoga tausaafia na matou feiloai ai.

Na i ai taimi na faigata ai le auai atu i le seminare. O lou aiga, e le o ni tagata o le Ekalesia, sa latou le lagolagoina lou auai atu i le seminare. Ae o le fesoasoani mai o isi tagata o le Au Paia o Aso e Gata Ai, na mafai ai ona ou alu i le seminare i taeao po. Na iloa e lo’u aiga lo’u faamaoni i le avea ai ma se tagata o le Ekalesia. O la’u auala lea o le alu i le maila faaopoopo.

E pei lava ona faatamaoaigaina e le seminare lo’u olaga talavou, ua faatamaoaigaina foi e le inisitituti lo’u olaga faatagata matua. Ua ou teufatuina i lo’u loto ma lo’u mafaufau le fetalaiga a Keriso (tagai MFF 6:20; 84:85). O nei aoaoga na fesoasoani ou te tautuaina ai le Alii i se auala e sili atu ona mataalia i le avea ai ma se faifeautalai.

Ou te faafetai lava mo le inisitituti ma ou te iloa o se polokalama musuia, aua ua ou vaaia ona faamanuiaga i lo’u olaga ma olaga o isi.