Mei he Moʻui ʻa e Palōfita ko Siosefa Sāmitá

Ko Ha Tangata Foaki Lahi

Mei he Ngaahi Akonaki ʻa e Kau Palesiteni ʻo e Siasí: Siosefa Sāmita (Tohi Lēsoni ʻa e Lakanga Taulaʻeiki Faka-Melekisētekí mo e Fineʻofá, 2007), 491–493.

Hili e hiki ʻa Siosefa mo ʻEma ki Nāvū, ʻi ʻIlinoisí, naʻá na langa ʻa e Fale koloa Piliki Kulokula. Ne hoko ia ko e ʻōfisi pea mo ha pisinisi ke tokoni ki hono fāmilí.

ʻE ʻEma, te u ʻave ha mahoaʻa pauni ʻe 20.

ʻOku toe ʻi ai ha meʻa ʻokú ke fie maʻu?

Ne toki hiki mai pē ʻa Sēmisi mei ʻIngilani ki Nāvū pea mo hono tuofefiné mo e mali hono tuofefiné ko Henelī. Naʻe ʻikai kau ʻa Sēmisi ki he Siasí.

Henelī, kuó ta kumi ngāue he ʻahó ni kakato. ʻOku ʻikai ke u tui ʻe maʻu ha ngāue.

Ta kole ha tokoni mei he Palōfitá.

Ne teʻeki feʻiloaki ʻa Sēmisi mo Siosefa Sāmita pe ofi kiate ia. Naʻá ne ongoʻi mālohi ʻa e Laumālié ʻi heʻene sio pē ki aí.

Ko e palōfita moʻoni ia ʻa e ʻOtua Fungani Māʻolungá.

Ongo tangata, ko e hā ha tokoni te u ala fai atu maʻa kimoua he ʻahó ni?

ʻE Misa Sāmita ʻoku ʻi ai nai haʻo ngāue totongi?

Te mo lava ʻo keli ha luo?

Te ma fai homa lelei tahá.

Ne ʻave ʻe Siosefa ʻa e ongo tangatá ki ha feituʻu mamaʻo siʻi atu mei he fale koloá peá ne fusi ha tepi fua.

Te mo lava ʻo keli ha luo fute ʻe tolu hono fālahí, pea fute ʻe ua mo e konga hono lolotó ʻi he laine ko ʻení?

ʻI he ʻosi ʻena keli e luó, naʻá na ui kia Siosefa ke haʻu ʻo vakaiʻi ia.

Kapau ko au naʻá ku fai ʻení, he ʻikai toe kehe. Mo ō mai ā.

Naʻe foaki ange ʻe Siosefa ʻa e ongo konga kakanoʻi manu lahi tahá mo ha ongo tangai mahoaʻa.

ʻE Siosefa, ʻoku fuʻu lahi ʻeni ia.

Te ma toe fai ha ngāue lahi ange.

Ko hoʻomo fiemālié pē, ko ʻeku fiemālié ia.

Koeʻuhí ko e feʻiloaki ko ʻení mo e angalelei ʻa e Palōfitá mo ha ngaahi meʻa kehe pe ne hoko ʻa ia naʻá ne ongoʻi ai ʻa e mālohi ʻo Siosefa mei he ʻOtuá, ne ako ai ʻe Sēmisi fekauʻaki mo e ongoongoleleí pea papitaiso mo hilifakinima ia ʻi he konga kimui ʻo e taʻu ko iá.

Ngaahi tā fakatātā ʻa Sal Velluto mo Eugenio Mattozzi